ساياسات • 18 قىركۇيەك، 2020

ەفيوپيادا ەكىجاقتى ىنتىماقتاستىقتى كەڭەيتۋ ماسەلەلەرى تالقىلاندى

10 رەت كورسەتىلدى

قازاقستاننىڭ ەفيوپياداعى ەلشىسى بارلىباي سادىقوۆ ەفيوپيا سىرتقى ىستەر مينيسترلىگىنىڭ ەكونوميكالىق ديپلوماتيا جانە دياسپورا ىستەرى جونىندەگى مەملەكەتتىك حاتشىسى سيون تەكلۋمەن كەزدەستى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

كەزدەسۋ بارىسىندا ەلشى قر پرەزيدەنتى ق.توقاەۆتىڭ قازاقستان حالقىنا جولداۋىنىڭ نەگىزگى ەرەجەلەرى تۋرالى حاباردار ەتتى.

ەلشى قازاقستان حالىقارالىق ارەنادا ەكونوميكالىق مۇددەلەردى ىلگەرىلەتۋ ءۇشىن ەۋرازيالىق ەكونوميكالىق وداققا، سونداي-اق ء"بىر بەلدەۋ، ءبىر جول" جوباسىنا قاتىسۋمەن بايلانىستى كەڭ مۇمكىندىكتەردى بارىنشا پايدالاناتىنىن اتاپ ءوتتى. تىكەلەي جانە پورتفەلدىك ينۆەستيتسيالاردى تارتۋدىڭ نەگىزگى قۇرالىنا اينالۋ ءۇشىن "استانا" حالىقارالىق قارجى ورتالىعىنىڭ الەۋەتى بەلسەندى پايدالانىلاتىن بولادى.

ب.سادىقوۆ، سونداي-اق احقو قىزمەتى تۋرالى حاباردار ەتىپ، افريكا، اسىرەسە ەفيوپيا بيزنەسمەندەرى ورتالىقتىڭ اۋقىمدى ەۋرازيالىق نارىققا ەنۋ مۇمكىندىكتەرىن تولىق كولەمدە پايدالانا الاتىنىن اتاپ ءوتتى.

اڭگىمەلەسۋ بارىسىندا تاراپتار ەكى ەل اراسىنداعى ساۋدا-ەكونوميكالىق جانە ينۆەستيتسيالىق ىنتىماقتاستىقتىڭ جاي-كۇيى مەن پەرسپەكتيۆالارى تۋرالى پىكىر الماستى. مۇنداي ىنتىماقتاستىقتىڭ ۇلكەن الەۋەتى جانە ونى اشۋعا كۇش سالۋ قاجەتتىلىگى اتاپ ءوتىلدى. ءۇ.ج. قاراشادا ەكى ەلدىڭ مەملەكەتتىك قۇرىلىمدارى مەن بيزەس-ورتالارى وكىلدەرىنىڭ قاتىسۋىمەن ەكونوميكالىق ماسەلەلەر بويىنشا بىرلەسكەن ون-لاين كونفەرەنتسيا وتكىزۋ ماسەلەلەرى تالقىلاندى. ەفيوپيالىق تاراپ اتالعان كونفەرەنتسياعا سىرتقى ىستەر ءمينيسترىنىڭ ورىنباسارى دەڭگەيىندە قاتىساتىنىن راستادى.

ەكى ەل اراسىنداعى ىسكەرلىك بايلانىستاردى ورناتۋ جانە ساۋدا-ەكونوميكالىق جانە ينۆەستيتسيالىق ىنتىماقتاستىقتى كەڭەيتۋ ءۇشىن 2021 جىلدىڭ ءبىرىنشى جارتىسىندا قازاقستاندىق رەسمي دەلەگاتسيالار مەن بينەس توپتار دەلەگاتسياسىنىڭ ەفيوپياعا ساپارىن ۇيىمداستىرۋ تۋرالى ۋاعدالاستىققا قول جەتكىزىلدى.

تس. تەكلۋ جولداۋعا قىزىعۋشىلىق تانىتىپ، ونىڭ الەۋمەتتىك-ەكونوميكالىق دامۋ مەن رەفورمالاردا ۇلكەن جەتىستىكتەرگە جەتكەن ەلدىڭ تاجىريبەسىن الۋ تۇرعىسىنان ۇلكەن قىزىعۋشىلىق تۋدىراتىنىن اتاپ ءوتتى. ول ەفيوپيا پرەمەر-مينيسترىنە جولداۋدىڭ نەگىزگى يدەيالارىنا قاتىستى ۇسىنىستار جىبەرۋدى قاراستىرادى.

 
سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار