ايماقتار • 18 قىركۇيەك، 2020

شىمكەنت: "MegaSmart" كومپانياسىنىڭ ونىمدەرىنە سۇرانىس جوعارى

25 رەت كورسەتىلدى

بۇگىن شىمكەنت قالالىق كاسىپكەرلىك جانە يندۋستريالى-يننوۆاتسيالىق دامۋ باسقارماسىنىڭ باسشىسى بەرەكە دۇيسەبەكوۆ قازاقستاندا وڭتۇستىك كورەيا تەحنولوگياسىن قولداناتىن «MegaSmart» جيھاز كومپانياسىنىڭ جۇمىسىمەن تانىستى، دەپ حابارلايدى Egemen.kz

قالاداعى "تاسساي" يندۋستريالدى ايماعىندا جىلتىر MDP پليتالارى مەن جيھاز وندىرەتىن «MegaSmart» كومپانياسى وڭتۇستىك كورەيا تەحنولوگياسىن قولدانىپ، 3D جىلتىر تاقتالارىن شىعارادى. زاۋىتتىڭ جالپى قۇنى 545 ملن تەڭگەنى قۇرايدى. جالپى، 69 جۇمىس ورنى قۇرىلعان.

وعان قوسا زاۋىتتىڭ جيھاز شىعاراتىن تسەحى دا ىسكە قوسىلعان. تسەحتىڭ جوبالىق قۋاتتىلىعى جىلىنا 5000-نان استام جيىنتىقتى قۇرايدى. بۇل جوبانى ىسكە اسىرۋ وڭتۇستىك كورەيادان قازاقستانعا اكەلىنەتىن جىلتىر تاقتالاردى تولىعىمەن يمپورتتاۋعا مۇمكىندىك بەرەدى. ياعني، ەلىمىزدە كاسىپورىنداعى جيھاز ءوندىرىسى 90 پايىز ۇلەستى قامتىپ وتىر.
 
كومپانيا وكىلدەرىنىڭ سوزىنشە، زاۋىتتا شىعارىلاتىن ءونىم نارىقتا جوعارى سۇرانىسقا يە. الداعى ۋاقىتتا ءىرى كاسىپكەرلىك سۋبەكتىلەردىڭ ءبىرى رەتىندە وزبەكستان، قىرعىزستان، تاجىكستان سىندى شەت مەملەكەتتەرگە جىلتىر پليتالاردى جەتكىزۋگە كەلىسىم-شارتقا وتىرىپ، رەسەي مەملەكەتىنە ءوندىرىلىپ جاتقان ءونىمدى ەكسپورتتاۋ جوسپاردا بار.
ايتا كەتەيىك، كومپانيانىڭ الماتى، قىزىلوردا، قوستاناي جانە پاۆلودار قالالارىندا وكىلدىگى بار. جالپى، قازاقستان بويىنشا 16 وكىلدىكتى قۇرۋ جوسپارعا قويىلعان
سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار