قوعام • 18 قىركۇيەك، 2020

جاستاردى كوشباسشىلىققا باۋليدى

31 رەت كورسەتىلدى

اقتوبە وبلىستىق الەۋمەتتىك ماسەلەلەر جانە جاستار سايا­ساتى دەپارتامەنتى مەن ق.جۇبانوۆ اتىنداعى اقتوبە وڭىرلىك ۋنيۆەرسيتەتى ايماقتاعى ستۋدەنتتەر مەن جاستاردى كوشباسشىلىققا باۋلۋ، ستۋدەنتتەر اراسىندا ءوزىن-ءوزى باسقارۋ توپتارىن ۇيىمداستىرۋ ماقساتىندا ProActive اكادەمياسىنىڭ نەگىزىن قالاعان-دى. جاڭا وقۋ جىلىنىڭ باس­تالۋىمەن اكادەميانىڭ جۇمىسى دا جاڭالىققا تولى.

جوبا اۆتورى ءارى ۇيلەس­تى­رۋ­شى­سى نارقوزى قارت­جاننىڭ ايتۋىنشا، ۋنيۆەرسيتەتتەگى وزەكتى ماسەلەلەردى انىقتاۋدى ماقسات ەتكەن جوبا بۇگىندە جۇمىسىن باس­تاپ كەتكەن. «قازىر جوبامىزدى ونلاين دا، وفلاين دا وتكىزىپ جاتىرمىز. ستۋدەنتتىك ءوزىن-ءوزى باسقارۋ  ۇيىمدارىنىڭ كوش­باسشىلارى مەن اكا­دە­ميا­لىق توپ باسشىلارىمەن  كەز­دە­سۋلەر وتكىزىلەدى. قازىر وق­شاۋلانۋ، كارانتين كەزىندە ستۋدەنتتەردىڭ كۇندەلىكتى ءومىرى تۋرالى ەركىن فورماتتا ديالوگ، ستۋدەنتتىك ءوزىن-ءوزى باسقارۋداعى توپ باسشىنىڭ ءرولىن جەتىلدىرۋ، پا­راساتتىلىق قاعيدالارىن ۇس­تا­نۋ، ستۋدەنتتەردىڭ بو­يىن­داعى ومىرلىك ماڭىزى بار داعدىلارىن شىڭداۋ ماقساتىندا جۇمىس اتقارىلىپ جاتىر.  بۇل رەتتە ءار ءتۇرلى ترەنينگتەر ءوتتى. جالپى، جوباعا وفلاين جانە ونلاين فورماتتا ۋنيۆەرسيتەتتىڭ 500-گە جۋىق ستۋدەنتى قاتىسىپ ءجۇر»، دەدى جوبا اۆتورى.

ProActive اكادەمياسى جۇ­مى­سىنىڭ جارقىن ناتيجەلەرى كارانتين كەزىندە ەرەكشە كو­رىن­دى. وبلىستا ۆولونتەر مەكتەبىن اشىپ، ونداعى جاستار توتەنشە جاعداي كەزىندە ايماق تۇرعىندارىنا قولعابىس ەتكەن-ءدى.  «وسى ۋاقىتقا دەيىن جالپى ۆولونتەر مەكتەبى 100-گە جۋىق ۆولونتەر مەن 60-قا جۋىق وبلىس مەكتەپتەرىنىڭ ۆولونتەرلىك كلۋب جەتەكشىلەرىنە ارناپ 7 سەمينار-ترەنينگ وتكىزدى. بۇل ەڭبەك ءوز ناتيجەسىن بەردى دەپ ەسەپتەيمىن. ويتكەنى توتەنشە جاعداي كەزىندە ەرىكتىلەر الدىڭعى شەپتە قىز­مەت ەتىپ، وسكەن وڭىرىنە پايداسىن تيگىزدى.

ۋنيۆەرسيتەتتىڭ تاربيە جۇ­مىس­تارى جوسپارىنا سايكەس، وب­­لىستىق جاس­تار ساياساتى ما­سە­لەلەرى باس­قار­ما­سى­مەن بىر­لەسە وتىرىپ ال­عاش­قى ۆو­لون­تەرلىك قىز­مەت­تى ترانس­فور­ما­تسيا­لاۋعا باعىت­تال­عان «ۆو­لون­تەر­لىككە جول» فورۋمى ءوتتى. وب­لىسىمىزدىڭ ءار اۋدانىنان جينالعان 100-دەن استام قا­تىسۋشى اقتوبە وڭىرىندەگى جاڭا ۆولونتەرلىك قىزمەتتىڭ با­عىت-باعدارلارىن ايقىندادى. ەرەك­شە اتاپ وتەتىن جايت، ءوڭىر جاس­تارى «ۆولونتەر جىلى» اياسىندا بەكىتىلگەن 7 ۆولونتەرلىك باعىت بويىنشا ساراپشىلاردان كەڭەس الىپ، تاجىريبەسىن شىڭدادى. سونىمەن قاتار فورۋم كەزىندە جاڭا ۆولونتەرلىك توپتار قۇرىلىپ، ولار ەلىمىزدەگى شاعىن گرانتتاردىڭ جەڭىمپازى اتاندى. قاتىسۋشىلاردىڭ بارلىعى ءبىر اۋىزدان بۇل شارانى داستۇرگە اينالدىرۋ كەرەك دەگەن شەشىمگە كەلدى. بۇگىندە الداعى جوسپار تالقىلانۋدا»، دەيدى نارقوزى قارتجان.

اكادەميانىڭ نەگىزگى ماق­سا­تى – جاستارعا زامان تالا­بىنا ساي داعدىلاردى ۇيرەتۋ بو­يىنشا  ۋنيۆەرسيتەت ستۋ­دەنت­تەرىمەن قاتار جاس ماماندا­رى­نا ارناپ  «Creativity is a process» جوباسىن ىسكە قوستى. ۇيىمداستىرۋشىلاردىڭ اي­تۋىنشا، بۇل جوبا ارقىلى جۇبانوۆ ۋنيۆەرسيتەتىندە قىزمەت جولىن ەندى باستاعان جاس مامانداردى ديالوگتىك الاڭ­عا شوعىرلاندىرۋ، پىكىر الما­سۋ ارقىلى كرەاتيۆ شەبەرحا­نا­لار جۇمىسىن جۇرگىزۋ جوس­پار­لانعان.

«بۇگىندە ءى كۋرس ستۋ­دەنت­تە­رىنە ارنالعان مۇمكىندىكتەر مەن رەسۋرستار تاقىرىبىندا ۆەبينارلار سەرياسى ۇيىم­داس­تى­رىلۋدا. ستۋدەنتتىك ءوزىن-ءوزى باسقارۋ ۇيىمدارىنىڭ جەتەك­شى­لەرىنە «زامان تالابىنا ساي كوشباسشى: ۇزدىك ستۋدەنت بولۋ» تاقىرىبىندا ونلاين ترەنينگ جوسپارلانۋدا. سونىمەن قاتار رەسپۋبليكامىزدىڭ باتىس وڭى­رىن­دەگى وقۋ ورىندارىنىڭ ستۋ­دەنتتىك ءوزىن-ءوزى باسقارۋ ۇيىم­دارىنىڭ قاشىقتان ۇيىم­داس­تى­رۋ تاجىريبەسىمەن بولىسۋگە ارنالعان ديالوگتىك الاڭ ءارى كوپىر بولاتىن «ستۋدەنتتىك ءوزىن-ءوزى باسقارۋ – جاستاردىڭ كوش­باس­شىلىق قاسيەتتەرىن دامىتۋ نەگىزى» تاقىرىبىندا ايماقتىق ونلاين-سەمينار وتەدى»، دەدى جوبا اۆتورى.

 

سوڭعى جاڭالىقتار

ۇقساس جاڭالىقتار