قازاقستان • 17 قىركۇيەك، 2020

مەملەكەتتىك حاتشى سىبايلاس جەمقورلىقپەن كۇرەس ماسەلەلەرى جونىندە كەڭەس وتكىزدى

38 رەت كورسەتىلدى

بۇگىن قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆتىڭ توراعالىعىمەن ونلاين رەجيمىندە قازاقستان رەسپۋبليكاسى پرەزيدەنتىنىڭ جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ كەزەكتى وتىرىسى ءوتتى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

وتىرىستا ەكى ماسەلە تالقىلاندى: "قازاقستان رەسپۋبليكاسىندا جەر رەسۋرستارىن باسقارۋ، پايدالانۋ جانە قورعاۋ تيىمدىلىگى تۋرالى" جانە "ازاماتتاردى تۇرعىن ۇيمەن قامتاماسىز ەتۋ بويىنشا مەملەكەتتىك قولداۋ شارالارىن ىسكە اسىرۋدىڭ تيىمدىلىگى تۋرالى".

ەلىمىزدىڭ الەۋمەتتىك-ەكونوميكالىق دامۋى مەن ازاماتتارىمىزدىڭ ءال-اۋقاتى ءۇشىن بۇل ماسەلەلەردىڭ ماڭىزدىلىعىن ەلباسى مەن مەملەكەت باسشىسى اتاپ ءوتىپ، ءتيىستى مىندەتتەر مەن ماقساتتار بىرقاتار ستراتەگيالىق جانە باعدارلامالىق قۇجاتتاردا ناقتىلانعان.

دەگەنمەن، ولاردى ۋاكىلەتتى مەملەكەتتىك ورگانداردىڭ ءىس جۇزىندە جۇزەگە اسىرۋى ازاماتتار مەن كاسىپكەرلىك سۋبەكتىلەرىنە، اسىرەسە، اۋىل شارۋاشىلىعى تاۋارلارىنىڭ ءوندىرىسى سالاسىنا قاتىستى ايتىلىپ جۇرگەن سىندار نەگىزسىز ەمەس.

مەملەكەت باسشىسى قاسىم-جومارت توقاەۆ 2020 جىلعى 1 قىركۇيەكتەگى "جاڭا جاعدايداعى قازاقستان: ءىس-قيمىل كەزەڭى" دەپ اتالعان قازاقستان حالقىنا جولداۋىندا دا "نۇرلى جەر" باعدارلاماسىن ىسكە اسىرۋ قارقىنىنىڭ باياۋلاپ قالعانىنا نازار اۋداردى، بۇل ءبىرىنشى كەزەكتە اۋماقتاردى جايلاستىرۋ جۇمىستارىنىڭ تومەن ەكەنىن كورسەتەدى.

وسىعان بايلانىستى وتىرىستا ءبىرىنشى ماسەلەنى قاراۋ كەزىندە اۋىل شارۋاشىلىعى، تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىكتەرىنىڭ، باسقا دا ورتالىق جانە جەرگىلىكتى اتقارۋشى ورگانداردىڭ ءبىرىنشى باسشىلارىنىڭ باياندامالارى تىڭدالدى.

تالقىلاۋ بارىسىندا بايانداماشىلارعا جەر قۇقىعى قاتىناستارى سالاسىندا، ءبىرىنشى كەزەكتە كاسىپكەرلىك جانە جەكە تۇرعىن ءۇي قۇرىلىسى مۇقتاجى ءۇشىن جەر بەرۋ كەزىندە بارىنشا اشىقتىق پەن جۇيەلىلىكتى قامتاماسىز ەتۋ تاپسىرىلدى.

پايدالانىلمايتىن اۋىل شارۋاشىلىعى جەرلەرىن كەرى قايتارۋ بويىنشا جەرگىلىكتى اتقارۋشى ورگانداردىڭ جۇمىسىنىڭ ەنجارلىعى جەكە اتاپ ءوتىلدى.

مىسالى، اقمولا، شىعىس قازاقستان، قوستاناي جانە ماڭعىستاۋ وبلىستارىندا جەردى قاشىقتىقتان زوندتاۋ پيلوتتىق جوباسىنىڭ ناتيجەلەرى بويىنشا جەر ينسپەكتسيالارى بەرگەن مالىمەتتەردەن ەداۋىر كوپ اۋىل شارۋاشىلىعى القاپتارى پايدالانىلماي جاتقانى انىقتالدى.

وبلىستار مەن رەسپۋبليكالىق ماڭىزى بار قالالاردىڭ اكىمدەرىنىڭ نازارىن جەكە تۇرعىن ءۇي قۇرىلىسى ءۇشىن جەر ۋچاسكەلەرىن بەرۋ سالاسىندا جيناقتالعان پروبلەمالاردى جەدەل جويۋعا اۋدارتتى.

اتاپ ايتقاندا، ولارعا جانە سالالىق مينيسترلىكتەرگە جەكە تۇرعىن ءۇي قۇرىلىسىنا ارنالعان ماسسيۆتەردى كوممۋنالدىق ينفراقۇرىلىممەن جابدىقتاۋ ماسەلەلەرىن شەشۋدىڭ بالاما جولدارىن ازىرلەۋ ۇسىنىلدى.

جالپى، وتىرىستا تالقىلانعان پروبلەمالار سىبايلاس جەمقورلىققا  جاعدايلار جاسايدى، وسىعان بايلانىستى كوميسسيا ۋاكىلەتتى مەملەكەتتىك ورگاندارعا ولاردى جويۋ بويىنشا دەرەۋ شارالار قابىلداۋ قاجەتتىگىن كورسەتتى.

ەكىنشى ماسەلەنى تالقىلاۋ اياسىندا تۇرعىن ءۇي قاتىناستارى سالاسىنداعى "نۇرلى جەر"، "7-20-25"، "باقىتتى وتباسى" مەملەكەتتىك باعدارلامالارىن ىسكە اسىرۋ بارىسى قارالدى.

كوميسسيا مۇقتاج ازاماتتاردى تۇرعىن ۇيمەن قامتاماسىز ەتۋدىڭ الداعى جوسپارلارى تۋرالى ۋاكىلەتتى ورگانداردىڭ باياندامالارىن نازارعا الدى.

سونىمەن قاتار، قازاقستان رەسپۋبليكاسىنىڭ مەملەكەتتىك حاتشىسى دەموگرافيالىق جانە كوشى-قون پروتسەستەرىنە بايلانىستى تۇرعىن ۇيگە سۇرانىستىڭ ارتۋى، بۇل ماقساتتى جۇمىستى جانداندىرۋ قاجەتتىگىن اتاپ ءوتتى.

سونداي-اق، تۇرعىن ءۇي ساپاسىن قامتاماسىز ەتۋ، جاۋاپسىز قۇرىلىس كومپانيالاردان زارداپ شەككەن ۇلەسكەرلەردىڭ پروبلەمالارىن شەشۋ، تۇرعىن ءۇي باعدارلامالارىنا بولىنگەن مەملەكەتتىك قاراجاتتىڭ جۇمسالۋىنا قارجىلىق باقىلاۋ شارالارىن كۇشەيتۋ ماسەلەلەرى قارالدى.

وتىرىس قورىتىندىسى بويىنشا قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆ قارالعان ماسەلەلەر بويىنشا ناقتى تاپسىرمالار بەردى، ولاردىڭ ورىندالۋى باقىلاۋعا الىندى.

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار