ايماقتار • 17 قىركۇيەك، 2020

تاس جولدار قيىلىسىنىڭ كەلەشەگى زور

24 رەت كورسەتىلدى

مەملەكەت باسشىسى قاسىم-جومارت توقاەۆتىڭ بيىلعى قازاقستان حالقىنا جولداۋىندا ەلىمىزدەگى وزەكتى ماسەلەنىڭ ءبىرى – كولىك-لوگيستيكا كەشەنىن دامىتۋ ەكەندىگى اتاپ كورسەتىلدى، دەپ حابارلايدى Egemen.kz.

تومەندە باياندالاتىن باياننىڭ بۇعان تىكەلەي قاتىسى بار. ماسەلەنىڭ ءمانىسى مىنادا. ىرعىز اۋدانى ورتالىعىنا تاياۋ تۇستاعى سامارا-شىمكەنت حالىقارالىق اۆتوجول ءدالىزى مەن ىرعىز-شالقار-ەمبى-قاندىاعاش تاس جولدارى قيىلىسىن ۇلكەن جول كولىك لوگيستيكاسى ورتالىعىنا اينالدىرۋدىڭ مۇمكىندىگى مول، قاجەتتىلىگى قاپىسىز ەكەندىگى.

ويتكەنى اتالعان ارالىق باتىس ەۋروپا مەن باتىس قىتايدى جالعاپ جاتقان حالىقارالىق كولىك ءدالىزىنىڭ بويىندا تۇر. سونداي-اق الداعى جىلى "ورتالىق - باتىس" جوباسى اياسىنداعى قۇرىلىستار قولعا الىنىپ سوعان سايكەس سالىناتىن كۇرە جول دا ءدال وسى تۇستان تۇيىسپەك. مامانداردىڭ مالىمدەۋىنشە بۇل كولىك-لوگيستيكالىق تۇرعىدان وتە ءتيىمدى. ءارى مۇنىڭ ءوزى توعىز جولدىڭ تورابىندا تۇرعىنداردىڭ جيىرەك قونىستاۋىنا جول اشا الاتىن دەموگرافيالىق جانە الەۋمەتتىك تۇرمىستىق ماڭىزى زور جوبا دەۋگە دە ابدەن بولادى.

اسىرەسە ونىڭ اۋماعى ۇلكەن، تۇرعىندار سانى شاعىن شالعايداعى ىرعىز اۋدانىنا تيگىزەتىن پايداسىنا ەشقانداي باعا جەتپەيدى. بۇعان قوسا قيىلىستىڭ ەلدىك مۇددەگە قاجەتتى تاعى دا ءتيىمدى تۇستارى بار. بىرىنشىدەن وسى ارقىلى باتىس پەن شىعىز ارالىعىنداعى شەتەلدىك ترانزيتتىك كولىك اعىنى جيىلەي تۇسەدى. ەكىنشىدەن رەسپۋبليكانىڭ باتىس ايماقتارى مەن ونىمەن ىرگەلەس سىر ءوڭىرىنىڭ ورتالىق وبلىستارمەن، سونىڭ ىشىندە ەلورداسى نۇر-سۇلتان قالاسى مەن كولىك بايلانىسىن قالىپتاستىرۋعا جول اشادى. ايتالىق قازىرگى كەزدە ساراپشى-ماماندار اقتوبەدەن نۇر-سۇلتان قالاسىنا قوستاناي ارقىلى جۇرەتىن تاس جولعا قاراعاندا، وعان ىرعىز ارقىلى جەتۋ ءتورت ءجۇز شاقىرىمعا قىسقا ەكەنىن مالىمدەپ وتىر.

"جاڭا جوبانىڭ تاعى ءبىر ۇتىمدى جاعى تاريحى تەرەڭ، شەجىرەسى باي جانە تاريحي-مادەني ەسكەرتكىشتەرى مول قاسيەتتى ىرعىز جەرىندە ءتۋريزمدى دامىتۋعا ۇلكەن سەپتىگىن تيگىزە الاتىندىعى. مىسالى الەمگە ايگىلى جامانشىڭ مەتەوريت كراتەرى قيىلىستان نەبارى قىرىز شاقىرىم جەردە"، دەيدى ىرعىز اۋدانىنىڭ اكىمى اققانات شاحين.

قالاي دەگەندە دە بۇگىنگى كۇنى قيىلىس اۋماعىن جاڭا زامان تالاپتارىنا لايىقتاۋ، ءارى سوعان سايكەس ينفراقۇرىلىمدىق جۇيەلەر قۇرۋ ءىسىن قولعا الۋ كەزەك كۇتتىرمەس مىندەتتەردىڭ ءبىرى ەكەندىگى ايقىن. ارينە، بۇل قالپاقپەن سوعىپ الا قوياتىن پو-وڭاي ءىس ەمەس ەكەنىنە كوڭىل اۋدارعان ءجون. ونىڭ بىرنەشە ساتىدان تۇراتىن كۇردەلى ۇدەرىس ەكەندىگى دالەلدەۋدى قاجەت ەتپەيدى.

وسى ورايدا ىرعىز اۋدانى اكىمدىگى ءوز قىزمەتى شەڭبەرىندە جۇرگىزىلەتىن ىستەردى قولعا الىپ جاتقانى قولداۋعا ابدەن لايىقتى. بۇل ءۇشىن ەڭ اۋەلى قيىلىستان 1250 گەكتار كولەمىندەگى اۋىل شارۋاشىلىعى ماقساتىنداعى القاپتى ەلدى-مەكەن ورنالاساتىن جەرگە اۋىستىرۋ جونىندەگى ماسەلە قولعا الىنىپ جوباسى جاساقتالعان. سوعان سايكەس جەرگىلىكتى قوعامداستىق حاتتاماسى جانە اۋدان اكىمدىگىنىڭ قاۋلىسى مەن اۋداندىق ماسليحاتتىڭ شەشىمى قابىلدانعان. قازىرگى كۇنى اۋماقتا جاڭادان تۇرعىزىلاتىن ەلدى-مەكەنگە اتاۋ بەرۋ ماسەلەسى تالقىلانۋدا. جەرگىلىكتى تۇرعىندار وعان "جاڭا ىرعىز" اتاۋىن بەرگەندى ءجون كورەدى. دەگەنمەن ونىڭ سوڭعى نۇكتەسىن وبلىستىق ونوماستيكالىق كوميسسيا ايقىندايتىنى انىق.

بۇگىندە ەلدى-مەكەن اۋماعىنا اۋىستىرلعان جەرگە جان-جاقتى جوسپارلاۋ جوباسى بەلگىلەنىپ وعان ينجەنەرلىك-كوممۋنيكاتسيالىق جەلىلەر تارتۋ ماسەلەسى قوزعالۋ ۇستىندە. اۋدان ورتالىعىنان نە ءبارى 25 شاقىرىمداعى قيىلىسقا ەلەكتر جەلىسى تارتىلعان. ونىڭ ىرعىز كەنتىنە جاقىن تۇرۋى دا اۋىز سۋ مەن گاز قۇبىرىن تارتۋ ءۇشىن وتە ىڭعايلى، ءارى ءتيىمدى ەكەندىگى تالاسسىز. مىنە، قازىرگى كۇنى شالعايداعى ىعرىز توپىراعاىندا وسىنداي ىلكىمدى ءىس باستاۋىن ءتۇرىپ وتىر. ارينە، مۇندا وبلىس ءتىپتى رەسپۋبليكا دەڭگەيىنە اتقارىلاتىن ماسەلەلەر دە بار. ونىڭ ءبارى ۋاقىتى كەلگەندە ءوز شەشىمى مەن ىڭعايىن تابادى دەگەن ويدامىز.

 

اقتوبە وبلىسى

ىرعىز اۋدانى

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار