ايماقتار • 17 قىركۇيەك، 2020

اقسۋ ەلەكتر ستانساسى قىسقا ازىرلىك قۇجاتىن الدى

6 رەت كورسەتىلدى

ERG (ەۋرازيالىق توپ) قۇرامىنداعى "ەۋروازياتتىق ەنەرگەتيكالىق كورپوراتسياسى" اق ەلەكتر ستانساسى كورپورتيۆتىك ءبولىمىنىڭ مالىمەتىنشە، ستانسانىڭ 2020-2021 جىلداردىڭ كۇز-قىسقى ماۋسىمىنداعى جۇمىسقا ازىرلىك تولقۇجاتىن بەرۋ جونىندە شەشىمدى ەنەرگەتيكا مينيسترلىگى اتومدىق جانە ەنەرگەتيكالىق قاداعالاۋ مەن باقىلاۋ كوميتەتى قابىلداعان، دەپ حابارلايدى Egemen.kz.

الىپ كورپوراتسيا ەلىمىزدەگى ءىرى ەلەكتر ەنەرگياسى مەن كومىر وندىرۋشىلەردىڭ ءبىرى. ەلىمىزدەگى ەلەكتر ەنەرگياسىنىڭ  17 پايىزى، كومىردىڭ 20 پايىزىن كاسىپورىن وندىرەدى. ەلەكتر ەنەرگياسىن ءوندىرۋدىڭ جىلدىق قۋاتى – 16 ملرد كۆت*س.

كورپوراتسيا اقسۋ ەلەكتر ستانساسى مەن "شىعىس" كومىر كەنىشىن بىرىكتىرەدى. ال، ستانساداعى، دايىندىق بارىسى تاۋەلسىز ساراپشىلاردىڭ، كوميتەتتىڭ، اكىمشىلىكتىڭ كەلىسىمىنەن ءوتىپ، ەنەرگەتيكا مينيسترلىگىمەن ماقۇلداندى.

1

"دايىندىق قۇجاتىن الۋ ستانسا ۇجىمىنىڭ اتقارعان جۇمىسى مەن  جاۋاپكەرشىلىگى بارىسىندا جۇزگە استى. ستانسا بارلىق مىندەتتەردى ورىنداۋعا دادايىن"، دەيدى ستانسا ديرەكتورى ۆلاديمير فەنەۆ.

ء–بىزدىڭ تۇتىنۋشىلار، ونىڭ ىشىندە تالاي ءىرى ونەركاسىپ وندىرىستەرى ەلەكتر قۋاتىمەن ۇزدىكسىز قامتاماسىز ەتىلەدى دەپ سەنىممەن ايتۋعا بولادى. جالپى، بيىلعى جوندەۋ جۇمىستارى بارىسىندا "ەەك" اق ەلەكتر ستانساسىنداعى  №6 ەنەرگوبلوگىنا كۇردەلى جوندەۋ، ال №2 ەنەرگوبلوگىنا ورتاشا جوندەۋ جۇمىستارى جۇرگىزىلگەن. قازىر №1 ەنەرگوبلوكقا كۇردەلى جوندەۋلەر جالعاستىرىلۋدا. سونىمەن قاتار، №5 ەنەرگوبلوگىن قايتا قۇرۋ اياقتالۋدا. جاسالعان جۇمىستاردىڭ  ارقاسىندا ماڭىزدى تەحنولوگيالىق قوندىرعىنىڭ قولدانۋ مەرزىمى ۇلعايا تۇسپەك.

 

پاۆلودار وبلىسى،

اقسۋ قالاسى

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار