ەلوردا • 17 قىركۇيەك، 2020

ەلوردادا ءار كەسىلگەن اعاشتىڭ ورنىنا ون كوشەتتەن وتىرعىزىلادى

12 رەت كورسەتىلدى

بيىل 30 مىڭ اعاش وتىرعىزىلادى. جۇمىستار ەلوردانىڭ بارلىق اۋدانىندا ءجۇرىپ جاتىر. بۇل تۋرالى نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا جازدى، دەپ حابارلايدى Egemen.kz.

"قالادا تال ەگۋ، جاسىل بەلدەۋدى قالىپتاستىرۋ جانە ەكولوگيالىق اۋماقتار قۇرۋدا جۇمىستار قارقىندى تۇردە جۇرگىزىلىپ جاتىر. وتىرعىزىلعان كوشەتتەردىڭ ءوسۋى ءۇشىن بىرنەشە جىل ۋاقىت كەرەك ەكەنىن بىلەمىز. ارينە ەككەننەن كەيىن ولاردى كۇتىپ تاپتاۋ كەرەك. ءبىزدىڭ كوممۋنالدىق قىزمەتكەرلەر قولايسىز اۋا رايىنا قاراماستان ەڭبەكتەنىپ ءجۇر. قالا تۇرعىندارى دا وسىمدىكتەرگە ۇقىپتى قاراۋى قاجەت.

وسىمدىكتەردى قورعاۋ ماقساتىندا جاسىل كوشەتتەردى كۇتۋ ءارى قورعاۋ ەرەجەلەرى كۇشەيتىلدى. بۇرىن كەسىلگەن ءبىر اعاشتىڭ ورنىن تولتىرۋعا بەس اعاش ەگىلەتىن. ەندى ءبىر اعاش كەسىلسە، ونىڭ ورنىنا ون اعاش وتىرعىزۋ كەرەك بولادى.

بيىل 30 مىڭ اعاش وتىرعىزامىز. جۇمىستار ەلوردانىڭ بارلىق اۋدانىندا ءجۇرىپ جاتىر. جاسىل بەلدەۋدە 330 مىڭ جاپىراقتى جانە قىلقانجاپىراقتى اعاش، 3 مىڭنان استام كوشەتكە دەيىن ەگەمىز. جالپى، قازىر جاسىل بەلدەۋ اۋماعىندا 10،2 ملن استام اعاش پەن 1،8 ملن بۇتا (قاراقات، مويىل، بورىجيدەك، كورىكتال) ءوسىپ-ءونىپ جاتىر.

1

اۋلالار، ساياباقتار، سكۆەرلەر مەن بۋلۆارلاردى اباتتاندىرۋ كەزىندە، قۇرىلىس بارىسىندا اۋماقتى كوگالداندىرۋعا ەرەكشە ءمان بەرەمىز. وسىمدىكتەر كەۋىپ كەتپەس ءۇشىن سۋارۋ جۇيەسىن 20%-دان 90%-عا دەيىن قالپىنا كەلتىردىك.

مەملەكەت باسشىسى حالىققا جولداۋىندا ەكوتۋريزم مادەنيەتىن دامىتۋ ماڭىزدى مىندەت ەكەنىن ايتقان بولاتىن. ءبىز وسى ماقساتتا ەكوساياباقتار قۇرۋ بويىنشا جۇمىس اتقارىپ جاتىرمىز. ولار حالىق جينالاتىن ورىن عانا بولماي، قالا ەكولوگياسىن ءبىرشاما جاقسارتۋعا دا مۇمكىندىك بەرەدى"، دەپ جازدى التاي كولگىنوۆ.

سوڭعى جاڭالىقتار

ۆيرۋس مۋتاتسياعا ۇشىرادى

كوروناۆيرۋس • كەشە

ۇقساس جاڭالىقتار