اباي • 16 قىركۇيەك، 2020

"اباي وقۋلارى" العاش رەت ونلاين فورماتتا ۇيىمداستىرىلدى

34 رەت كورسەتىلدى

قازاقستاننىڭ قىتاي حالىق رەسپۋبليكاسىنداعى ەلشىلىگىنىڭ قولداۋىمەن قازاقتىڭ ۇلى اقىنى، فيلوسوف جانە گۋمانيست اباي قۇنانباي ۇلىنىڭ 175-جىلدىق تويىن مەرەكەلەۋ اياسىندا جىل سايىن وتەتىن "اباي وقۋلارىنىڭ" 5-ءشى كەزدەسۋى ءوتتى، دەپ حابارلايدى Egemen.kz.

قازاقستاننىڭ قحر-داعى ەلشىسى عابيت قويشىباەۆ ءوزىنىڭ العى سوزىندە "اباي وقۋلارىنىڭ" قىتايلىق تاراپىنىڭ قاتىسۋشىلارىنا ەكى ەل اراسىنداعى مادەني بايلانىستارىنىڭ دامۋىنا قوسقان ماڭىزدى ۇلەسى ءۇشىن العىسىن جەتكىزدى. سونىمەن قاتار، ەلشى قىتاي جەرىندە ابايدىڭ رۋحاني مۇراسىن ناسيحاتتاۋعا قوسقان ۇزدىكسىز ەڭبەكتەرىنە پروفەسسور حا حۋانچجان مەن جازۋشى اكبار ءماجىت ۇلىنا ەرەكشە ريزالىعىن ءبىلدىردى.

1

ءىس-شاراعا قحر مادەنيەت جانە تۋريزم مينيسترلىگى حالىقارالىق ىنتىماقتاستىق دەپارتامەنتى ەۋرازيا ءبولىم باسشىسىنىڭ ورىنباسارى گاو چەن، بەلگىلى جازۋشى، قحر مەملەكەتتىك سىيلىعىنىڭ لاۋرەاتى ءا. ءماجىت ۇلى، قر ۇلتتىق اكادەميكالىق كىتاپحاناسىنىڭ باس ديرەكتورى ءۇمىتحان مۇنالباەۆا، ءال-فارابي اتىنداعى قازۇۋ جونىندەگى بەيجىڭ شەت تىلدەر ۋنيۆەرسيتەتىنىڭ وكىلى ح.قاراباەۆا، سونداي-اق بۇقارالىق اقپارات وكىلدەرى مەن قازاقستاندىق جانە قىتايلىق ستۋدەنتتەر قاتىستى.

7

2

ۇلى قازاق اقىنىن ەسكە الۋعا ارنالعان "اباي وقۋلارى" جىلى جانە دوستىق اتموسفەرادا ءوتتى. كەزدەسۋ قاتىسۋشىلارى اباي قۇنانباي ۇلىنىڭ تۋىندىلارىن قازاق جانە قىتاي تىلدەرىندە ورىنداپ، ۇلى قازاق اقىنىنىڭ شىعارماشىلىعى تۋرالى ءوز ويلارىمەن ءبولىستى.

سوڭعى جاڭالىقتار

ۇقساس جاڭالىقتار