ايماقتار • 16 قىركۇيەك، 2020

پاۆلودار وبلىسىندا فەرمەرلەر مالدىڭ قايدا جۇرگەنىن سمارتفون ارقىلى بىلەدى

9 رەت كورسەتىلدى

ماي اۋدانىندا مال باسىن ارتتىرۋدى قولعا العان كاسىپكەرلەر تسيفرلاندىرۋ باعدارلاماسىنىڭ  وڭ ناتيجەسىن كورۋدە،  دەپ حابارلايدى Egemen.kz رavlodarnews.kz سايتىنا سىلتەمە جاساپ.

بۇل تۋرالى وڭىرلىك كوممۋنيكاتسيالار قىزمەتى ونلاين رەجيمدە وتكىزگەن ءباسپاسوز كونفەرەنتسياسىندا ماي اۋدانىنىڭ اكىمى مارات اقتاەۆ ءمالىم ەتتى.

"مالدارعا چيپ تاعۋ جوباسى بىلتىرعى جىلى قولعا الىنعان بولاتىن. بۇگىندە  شارۋا قوجالىقتارى وڭ ناتيجەسىن كورىپ وتىر.  چيپ ورناتىلعاننان كەيىن ولار بۇرىنعىداي مالدى ىزدەپ جۇرمەيدى. جاۋىن-شاشىن كەزىندە ۇيدەن سمارتفون نەمەسە نوۋتبۋك ارقىلى مالداردىڭ قايدا جۇرگەنىن باقىلاپ وتىرادى. اقشيمان اۋىلدىق وكرۋگىندە تاعى  ەكى شارۋا قوجالىعى چيپ تاعۋ تاجىريبەسىن پايدالانۋعا كوشتى. وسىلايشا تسيفرلاندىرۋ  باعدارلاماسى جۇمىستى جەڭىلدەتۋدە"، دەيدى مارات اقتاەۆ.

اۋدان اكىمى سۋارمالى جەرلەردىڭ كولەمى مەن مال باسىن ارتتىرۋ باستى نازارعا الىنعانىن ايتادى. 

"مال شارۋاشىلىعىن دامىتۋعا نيەت بىلدىرگەن ازاماتتارعا  مەملەكەت تاراپىنان ۇلكەن قولداۋ كورسەتىلەدى. تەحنيكا  ساتىپ الۋعا، ۆاگوندار ورناتۋعا، ينفراقۇرىلىم تارتۋعا سۋبسيديا مەن جەڭىلدىكتەرى بار نەسيە بەرىلەدى. بۇدان كەيىن قايتا وڭدەۋ جانە ەكسپورت تۋرالى ويلانۋعا بولادى. بيىلعى جىلى 15 شارۋا قوجالىعى  جاڭا الاڭداردى اشۋعا ءوز قارجىسىن سالدى"، دەيدى مارات اقتاەۆ. 

سوڭعى جاڭالىقتار

ۇقساس جاڭالىقتار