قوعام • 16 قىركۇيەك، 2020

قازاقستاندا ورتاشا جالاقى مولشەرى قانداي؟

238 رەت كورسەتىلدى

قازاقستاندا ورتاشا جالاقى 211 مىڭ تەڭگەنى قۇرادى، دەپ حابارلايدى Egemen.kz ستاتيستيكا كوميتەتىنىڭ ءباسپاسوز قىزمەتىنە سىلتەمە جاساپ.

"2020 جىلعى تامىزدا ءبىر قىزمەتكەردىڭ ورتاشا ايلىق اتاۋلى جالاقىسى باعالاۋ بويىنشا 211 226 تەڭگەنى قۇرادى"، دەلىنگەن حابارلامادا.

شىلدە ايىندا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى باعالاۋ بويىنشا 111 867 تەڭگەنى قۇرادى (الدىن الا دەرەكتەر)، بۇل 2019 جىلعى شىلدەدەگىگە قاراعاندا 6،1% جوعارى، ناقتى اقشالاي تابىس كورسەتىلگەن كەزەڭدە 0،9%-كە تومەندەدى.

"حەۇ ادىستەمەسى بويىنشا انىقتالعان جۇمىسسىزدار سانى 2020 جىلعى II توقساندا 454 مىڭ ادامدى قۇرادى. جۇمىسسىزدىق دەڭگەيى جۇمىس كۇشى سانىنا 5% قۇرادى. جۇمىسپەن قامتۋ ورگاندارىندا جۇمىسسىزدار رەتىندە تىركەلگەن ادامدار سانى 2020 جىلعى تامىزدىڭ سوڭىنا 219،2 مىڭ ادامدى نەمەسە جۇمىس كۇشىنە 2،4 پايىزدى قۇرايدى"،  دەلىنگەن ستاتيستيكا كوميتەتىنىڭ مالىمەتىندە.

سوڭعى جاڭالىقتار

ۇقساس جاڭالىقتار