ەكونوميكا • 16 قىركۇيەك، 2020

تاۋارلاردى جەرگىلىكتى جەردە وندىرەدى

4 رەت كورسەتىلدى

ERG (ەۋرازيالىق توپ) وتاندىق تاۋار وندىرۋشىلەرمەن ارىپتەستىكتى نىعاي­تىپ، قازىر بار ءوندىرىستى جاڭعىرتۋ مەن جاڭا ءوندىرىس اشۋ ىسىنە ين­ۆ­ەس­­تورلار تار­تۋدا. تەك 2019 جىلى كومپانيا 2 مىڭنان استام وتان­دىق ورتا جانە شاعىن بيزنەس وكىلدەرىنەن جالپى سوماسى 280 ملرد تەڭ­گەنىڭ تاۋار­لارىن، جۇمىس پەن قىزمەتتەرىن ساتىپ العان. ال يم­پورت­تى ال­ماستىرۋعا باعىتتالعان جاڭا باعدارلاما ساتىپ الۋلار­داعى وتان­دىق تاۋار، جۇمىس پەن قىزمەت ۇلەسىن ارتتىرۋعا سۇبەلى ۇلەس قوسپاق.

كومپانيا كاسىپورىندارىنىڭ الداعى بەس جىلداعى ۇزاق مەرزىمدى قاجەتتىلىكتەرىن قالىپتاستىرۋ قا­مىنداعى باعدارلامانىڭ العاش­قى كەزەڭىن اياقتادى.

– بۇل توپتىڭ بارلىق كاسىپ­ورىن­دارىنىڭ ۇزاق مەرزىمدى قا­جەت­­تىلىكتەرىن تۇگەل قامتىپ، يم­پورت­تى الماستىرۋ مۇمكىن­دىك­تەرىن با­عا­لاۋ ءۇشىن ءتيىستى سومالارىن كور­سەتە وتىرىپ جاسالعان، – دەدى ەۋ­را­زيالىق توپ­تىڭ ساتىپ الۋلار ادىستەمەسى جانە كونتروللينگ جو­نىندەگى ديرەكتورى اناتولي دەميدوۆ. – بۇل تىزبەكتەگى تاۋار­لار ءبىزدىڭ ەلدە وندىرىلمەيدى نەمەسە قاجەت­تى كولەمدە، ءتيىستى ساپادا ون­دىرىل­مەي وتىرعان تاۋارلار. وسى تاۋارلار ءتىزىمى بويىنشا وتى­نىم­دەر كەلىپ تۇسكەن جاعداي­دا، توپ ۇزاق مەرزىمدى نەمەسە وففتەيك كەلىسىمشارتتارىن جاساۋ ماسەلەسىن قاراستىرۋعا دايار.

كەلەسى كەزەڭدە باعدارلاماعا قاتى­سۋعا تۇسكەن وتى­نىمدەر جينالىپ، قاراستى­رى­لادى. كەلىپ تۇسكەن بارلىق وتىنىمدەردى ارنايى جۇمىس توبى قاراستىرادى. ول ءجىتى سارالانعان سوڭ، كەلىسىمشارت جاساسۋ تۋرالى تۇپكى شەشىم قابىلدانادى.

ERG كاسىپورىندارىنىڭ قا­جەتتى­لىگى تىزىمىندە (2021-2025 جىلدارعا قاجەتتىلىك) جالپى سوماسى 800 ملرد تەڭگەنىڭ 250 اتاۋلى تاۋارى بار. كەلەشەكتە بۇل ءتىزىم جاڭارتىلىپ، ۇلعايا تۇسپەك.

بۇعان قاتىستى تولىمدى اق­پارات، قاجەتتى قۇجاتتار ءتىزىمى مەن بايلانىس مالىمەتتەرىن ERG-ءدىڭ ساتىپ الۋلار پورتالىنان كورۋگە بولادى.

ERG وتاندىق ۇلەستى ارتتىرۋ باعدارلاماسىن جۇزەگە اسىرۋعا بارىنشا ماقساتتى تۇردە، جوسپارلى ءارى ءتيىمدى قاتىسۋعا تالپىنادى. توپ وتاندىق جەتكىزۋشىلەرمەن ارىپ­تەس­تىك اياسىن جىلدان-جىلعا كەڭەي­تىپ، جاقسى ناتيجەگە قول جەتكىزىپ كەلەدى. ماسەلەن، تاۋار، جۇ­مىس پەن قىزمەتتى ساتىپ الۋ­لار­داعى وتاندىق ۇلەس 2016 جىلى 50% بولسا، 2019 جىلى 60%-عا جەتتى. بۇل كور­سەتكىشتى ءالى دە جوعا­رى­لاتۋ ماقساتىندا جۇيەلى جۇمىس جۇرگىزىلىپ جاتىر.

جىل سايىن كومپانيا قازاق­ستان­دىق وندىرۋشىلەردەن جالپى نومەنكلاتۋراسى 7 مىڭنان استام تاۋار ساتىپ الادى. ولاردىڭ اراسىندا جانار-جاعارمايدان باستاپ، دايىن ونىمگە دەيىنگى الۋان ءتۇرلى ءونىم بار.

بۇدان بولەك، ERG جىل سايىن ءوز جەتكىزۋشىلەرى اراسىندا Supplier Award بايقاۋىن ۇيىمداستى­را­دى. وندا قازاقستاندىق وندىرۋشى­­لەر جەكە اتالىمدا ماراپاتتالا­­دى. وسىلايشا كومپانيا وتان­دىق بيزنەسكە قولداۋ كورسەتەدى. ءارى جىل سايىن ERG جالپى سوما­سى 2،5 ملرد دوللاردىڭ ءونىمىن ساتىپ الاتىن بولسا، سونىڭ ءاربىر ءتورتىنشىسى قازاقستاندا ساتىپ الىنادى.

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

قايران قالدىرعان قايىڭدى

فوتوگالەرەيا • بۇگىن، 11:56

ۇقساس جاڭالىقتار