ۇكىمەت • 15 قىركۇيەك، 2020

مامين ازىق-ت ۇلىك ونىمدەرى باعاسىنىڭ وسۋىنە جول بەرمەۋدى تاپسىردى

67 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا الەۋمەتتىك ماڭىزى بار تاۋارلارعا باعانى رەتتەۋ جانە ازىق-ت ۇلىكپەن قامتاماسىز ەتۋ ماسەلەلەرى قارالدى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

باعاعا مونيتورينگ جۇرگىزۋ جانە قابىلدانعان شارالار تۋرالى ساۋدا جانە ينتەگراتسيا ءمينيسترى ب. سۇلتانوۆ، ازىق-ت ۇلىكپەن قامتاماسىز ەتۋ تۋرالى اۋىل شارۋاشىلىعى ءمينيسترى س. وماروۆ، وڭىرلەردەگى احۋال تۋرالى اقمولا وبلىسىنىڭ اكىمى ە. مارجىقپاەۆ، سولتۇستىك قازاقستان وبلىسىنىڭ اكىمى ق. اقساقالوۆ، نۇر-سۇلتان قالاسىنىڭ اكىمى ا. كولگىنوۆ باياندادى.

بيىل قالىپتاسقان جاعدايدا ۇكىمەت پەن اكىمدىكتەر ءونىم ءوندىرۋدى، ساقتاۋدى جانە بارلىق وڭىرلەرگە جەتكىزۋدى قامتاماسىز ەتۋ بويىنشا شارالار كەشەنىن قابىلدادى. الەۋمەتتىك ماڭىزى بار تاۋارلاردىڭ شەكتى باعاسى بەلگىلەندى، باعانى تەجەۋ مىندەتتەمەسىمەن "قايتارىمدى سحەما" ارقىلى ساۋدا جەلىلەرىنە جەڭىلدىكتى قارىز بەرۋ پراكتيكاسى كەڭەيتىلدى. اۋىل شارۋاشىلىعى تاۋارىن وندىرۋشىلەرگە مەملەكەتتىك قولداۋ شارالارى كورسەتىلدى، ونىڭ ىشىندە فورۆاردتىق ساتىپ الۋ مەحانيزمى ەنگىزىلدى – 24،5 ملرد تەڭگە ءبولىندى، 516،9 مىڭ توننا اۋىل شارۋاشىلىعى ءونىمىن ساتىپ الۋ ءۇشىن 159 اۋىل شارۋاشىلىعى تاۋارىن ءوندىرۋشى ىرىكتەلدى.

پرەمەر-مينيستر قابىلدانعان شارالاردىڭ الەۋمەتتىك ماڭىزى بار تاۋارلاردىڭ باعاسىن 4،4% دەڭگەيىندە تۇراقتاندىرۋعا مۇمكىندىك بەرگەنىن اتاپ ءوتتى، بۇل وتكەن جىلعى كورسەتكىشتەردەن ەكى ەسە از (8،7%). ۇكىمەت باسشىسى باعانى تۇراقتاندىرۋ بويىنشا الماتى قالاسىن مىسالعا كەلتىردى، مۇندا "قايتارىمدى سحەما" ءۇشىن جەدەل تۇردە قاراجات ءبولۋ جۇمىستارى جۇرگىزىلدى، بۇل تۇراقتاندىرۋ قورلارىن دەر كەزىندە تولىقتىرۋعا، ساتىپ الىناتىن الەۋمەتتىك ماڭىزى بار تاۋارلاردىڭ ءتىزىمىن كەڭەيتۋگە مۇمكىندىك بەردى.

"اكىمدىكتەر الدىن الۋ شارالارىن دەر كەزىندە قابىلداسا، باعانىڭ تۇراقتىلىعى مەن ونى تەجەۋ قامتاماسىز ەتىلەدى. ءبىز يمپورتقا تاۋەلدىلىكتى ازايتۋ ءۇشىن جۇمىس جاساپ جاتىرمىز. باعانى قىمباتتاتۋعا ەشبىر سەبەپ جوق. الەۋمەتتىك ماڭىزى بار تاۋارلاردىڭ بارلىق تۇرلەرى بويىنشا باعانىڭ تۇراقتىلىعىنا قاتاڭ باقىلاۋ قامتاماسىز ەتىلەدى"، دەدى ا. مامين.

ۇكىمەت باسشىسى اۋىل شارۋاشىلىعى مينيسترلىگىنە اكىمدىكتەرمەن بىرلەسىپ، سىرتقى جاعدايعا جانە ازىق-ت ۇلىك قورىنىڭ جەتكىلىكتى بولۋى مەن الەۋمەتتىك ماڭىزى بار تاۋارلار باعاسىنىڭ تۇراقتىلىعىنا مونيتورينگتى جالعاستىرۋدى، "قايتارىمدى سحەما" ارقىلى ساۋدا جەلىلەرىنە جەڭىلدىكتى قارىز بەرۋدى كەڭەيتۋ، سونداي-اق الەۋمەتتىك ماڭىزى بار تاۋارلار باعاسىنىڭ تۇراقتىلىعىن قامتاماسىز ەتۋ ءۇشىن فورۆاردتىق ساتىپ الۋ پراكتيكاسى ماسەلەلەرىن پىسىقتاۋدى تاپسىردى. 

اكىمدىكتەرگە يمپورتقا تاۋەلدى تاۋارلار (قانت، كوكونىس ونىمدەرى جانە باسقالارى) ءوندىرىسىن ۇلعايتۋ بويىنشا جوبالاردى باسىم رەتپەن ىسكە اسىرۋدى قامتاماسىز ەتۋ تاپسىرىلدى.

پرەمەر-مينيستر اۋىل شارۋاشىلىعى مينيسترلىگى مەن وڭىرلەر اكىمدەرىنىڭ نازارىن وزىمىزدە وندىرىلەتىن ازىق-ت ۇلىكتىڭ، اسىرەسە، كارتوپ، ۇن، ءسابىز جانە قاراقۇمىق جارماسىنىڭ باعاسىن وسىرۋگە جول بەرمەۋى ءتيىس ەكەنىنە اۋداردى.

"ازىق-ت ۇلىكتىڭ قولجەتىمدىلىگى مەن ساپاسىن قامتاماسىز ەتۋ قازاقستاندىقتاردىڭ تۇرمىس ساپاسىنىڭ باستى فاكتورلارىنىڭ ءبىرى"، دەدى ا. مامين. 


سوڭعى جاڭالىقتار

ۆيرۋس مۋتاتسياعا ۇشىرادى

كوروناۆيرۋس • كەشە

ۇقساس جاڭالىقتار