ايماقتار • 10 قىركۇيەك، 2020

مۇرات ايتەنوۆ اللەيالارداعى اباتتاندىرۋ جۇمىستارىنىڭ بارىسىمەن تانىستى

77 رەت كورسەتىلدى

بيىل شىمكەنت قالاسىنداعى بىرقاتار اللەيادا اباتتاندىرۋ جۇمىستارى ءجۇرىپ جاتىر. وسىعان وراي قالا اكىمى مۇرات ايتەنوۆ اللەيالاردى ارالاپ، ونداعى اتقارىلىپ جاتقان جۇمىس بارىسىمەن تانىستى، دەپ حابارلايدى Egemen.kz.

شاھار باسشىسى الدىمەن 2006 جىلى بوي كوتەرگەن ء"شامشى الەمى" اللەياسىنا باردى. اللەيانىڭ جالپى الاڭى – 2،62 گەكتار. ماماندار تاراپىنان ء"شامشى الەمى" اللەياسىنا زەردەلەۋ جۇمىستارى جۇرگىزىلدى. ناتيجەسىندە اللەيا ىشىندەگى جاياۋ جۇرگىنشىلەر جولىنىڭ  80 پايىزىنان استام پليتالىق توسەنىشتەرى جوندەۋدى قاجەت ەتەتىنى جانە ساحنا اينالاسىنداعى سۋ بۇرقاقتىڭ جابىندارى، تەمىر بۇرىككىشتەرىنىڭ شىرىگەنى، تالاپقا ساي كۇتىپ ۇستاۋ جۇمىستارىن اتقارۋ مۇمكىن ەمەستىگى بەلگىلى بولعان ەدى. سوندىقتان قازىر مۇندا نىساننىڭ پليتالىق توسەنىشتەرىن تولىقتاي جاڭارتۋ، سۋعارۋ جۇيەسىن الماستىرۋ، كوگالداندىرۋ  جانە قوسىمشا كوركەيتۋ ەلەمەنتتەرىن ورناتۋ جۇمىستارى ءجۇرىپ جاتىر. اتالعان جوبا قازان ايىنا دەيىن اياقتالادى دەپ جوسپارلانعان. 

كەيىننەن مۇرات ايتەنوۆ اباتتاندىرۋ جۇمىستارى اياقتالعان  "چەرنوبىل" سكۆەرى مەن "بالالار تەمىر جولىنىڭ "سپورت" ستانتسياسىن ارالادى.

"چەرنوبىل" سكۆەرى 2004 جىلى پايدالانۋعا بەرىلگەن. 2019 جىلى سكۆەرىن اباتتاندىرۋ جۇمىستارىنىڭ سمەتالىق قۇجاتتارى ازىرلەنگەن. وسىعان وراي "جۇمىسپەن قامتۋ جول كارتاسى" اياسىندا قارجى ءبولىنىپ، اباتتاندىرۋ جۇمىستارى جۇرگىزىلدى. جوبا بويىنشا پليتالىق توسەنىشتەرى تولىقتاي جاڭارتىلىپ، سۋعارۋ جۇيەسىن الماستىرىلدى. سونداي-اق 29 جارىقشام، 22 ورىندىق، قوقىس جاشىكتەرى ورناتىلعان. 0،47 گەكتاردى قۇرايتىن سكۆەر جاڭا كەيىپكە ەنىپ تامىز ايىندا ەل يگىلىگىنە بەرىلدى. 

ال  "بالالار تەمىر جولىنىڭ "سپورت" ستانتسياسىنىڭ جۇمىستارى قىركۇيەكتە اياقتالدى. جوباعا سايكەس قاراۋسىز قالعان ستانتسيا اۋماعى كوگالداندىرىلىپ، پليتالىق توسەنىشتەر سالىنعان. قوسىمشا جارىقشامدار مەن بالالارعا ارنالعان سپورت ەلەمەنتتەرى ورناتىلعان. سونىمەن قاتار مۇندا ستانتسياسنىڭ پەررون اۋماعى، تۇرعىن ەمەس عيماراتتارى جانە تەپلوۆوز تۇراقتارى تالاپقا ساي اباتتاندىرىلعان. ياعني ستاديون اۋماعىنا كەلىپ، سپورتپەن شۇعىلدانۋشىلاردىڭ دەمالىسى ءۇشىن جاعدايلار جاسالعان. 

ايتا وتسەك، اللەيالارداعى اباتتاندىرۋ جۇمىستارى كەزىندە 100-دەن اسا ادام جۇمىسپەن قامتىلعان. 

سوڭعى جاڭالىقتار

2021 جىلعى ورازا كەستەسى

رۋحانيات • بۇگىن، 15:36

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

ۇقساس جاڭالىقتار