ەكونوميكا • 10 قىركۇيەك، 2020

مال شارۋاشىلىعىن كەڭەيتتى، ءسۇت ءونىمىن كوبەيتتى

40 رەت كورسەتىلدى

جۋىردا «قازاگرو» حولدينگى اتقارىلىپ جاتقان اۋقىمدى جۇمىستارىن جاريالاۋ ءھام ناقتى ىستەردى ناسيحاتتاۋ ماقساتىندا جۋرناليستەر ءۇشىن ءباسپاسوز تۋرىن ۇيىمداستىردى. وسىعان وراي نۇر-سۇلتان قالاسىنداعى بىرنەشە باق وكىلى تاڭمەن تالاسا جولعا شىقتىق. باعىتىمىز اقمولا وبلىسى، استراحان اۋدانى، كامىشەنكا اۋىلى. ماقساتىمىز – سول اۋىلداعى «كامىشەنكا» شارۋا قوجالىعىنىڭ جۇمىسىمەن تانىسۋ.

ءجۇز شاقىرىمدى ءجۇزىپ وتكەندەي ءبىر ساعاتتىڭ بەدەرىندە دىتتەگەن جەرى­مىزگە جەتتىك. ءبىز بارعاندا شارۋا­شىلىق قوجايىنى دۇيسەمباي قوجاس ۇلى كەشە عانا ۋكراينادان اكەلىنگەن مال ماڭىندا ءجۇر ەكەن.

«بيىلدان باستاپ ءبىز مال باسىن كوبەيتۋدى جوسپارلاپ، «اگرارلىق نەسيە كورپوراتسياسىنان» 505 ملن تەڭگە نە­سيە الىپ، وعان 400 باس ءسۇتتى باعىت­تا­عى سيىرلار ساتىپ الدىق. سيىر سانىنىڭ وسۋىمەن ءبىز دە ءسۇت ءوندىرۋدى ۇلعايتامىز. بۇعان دەيىن كۇنىنە 6-6،5 توننا ءسۇت ساۋساق، ەندى 12-13 تون­ناعا جەتكىزەمىز دەپ ويلايمىن. «اگ­رار­لىق نەسيە كورپوراتسياسىنىڭ» قار­جى­لاي قولداۋىمەن كاسىبىمىزدى كە­ڭەي­تىپ، قۇرىلىس جۇمىستارىن قار­قىن­دى جۇر­گىزىپ جاتىرمىز. مۇنداي مۇم­­كىن­دىك ءبىز سياقتى شارۋاشىلىقتار ءۇشىن وتە قو­لاي­لى. اتالعان كورپوراتسيادان نەسيەنى 6%-بەن 10 جىلعا الدىق»، دەيدى ول.

ءوز ءوندىرىسىن وركەندەتىپ قانا قوي­ماي، جۇزدەن اسا وتباسىن جۇمىسپەن قامتىپ وتىرعان «كامىشەنكا» جشس-نىڭ اتقارۋشى ديرەكتور ايبەك ساكەن­ ۇلى الداعى جوسپارلارىن دا اقتارىپ سالدى.   

مەملەكەتتىڭ شاعىن شارۋاشى­لىق­تار­دىڭ شاشباۋىن كوتەرىپ، قارجىلاي قولداۋى قاي سالاعا بولسىن قانات بىتىرەرى ءسوزسىز. بۇل رەتتە «قازاگرو» ۇبح قازاقستاندا جىل سايىن 100 مىڭ توننادان استام ءسۇت ءوندىرىسىن قارجى­لاندىرعانىن ايتا كەتكەن ابزال. 

ء«سۇت تاپشى­لىعىن جابۋعا باعىتتالعان جوبالاردى قارجى­لاندىرۋ – «قازاگرو» حول­دينگىنە قاراستى «اگرارلىق نەسيە كور­پوراتسياسى» اق جەڭىلدىكپەن نەسيە­لەندىرۋدىڭ باسىم باعىتتارىنىڭ ءبىرى. بۇگىندە «اگرارلىق نەسيە كورپوراتسيا­سى» ءسۇت ءوندىرۋدىڭ جىلدىق جالپى قۋاتى 101،7 مىڭ توننانى قۇرايتىن 29 ءسۇت فەرماسىن قارجىلاندىر­­دى. سونى­مەن قاتار اگروونەركاسىپ­تىك كەشەن­دى قارجىلاندىرۋدا كوشباس­شى فەر­مەر­لەرگە ءسۇتتى مالدىڭ اسىل تۇقىم­دى مالىن ساتىپ الۋعا، جاڭا اۋىل­شارۋا­شىلىق تەحنيكالارىن، ءسۇت فەرمالارى جاب­د­ىقتارىن جانە باسقا باعىتتاردى سا­تىپ الۋعا نەسيە بەرەدى. 2019 جىلى جەڭىل­دەتىلگەن نەسيە العان شارۋا قوجالىقتارىنىڭ ءسۇت وندىرىسىندەگى ۇلەسى 24،8%-دى قۇرادى»، دەدى «اگرارلىق نەسيە كورپوراتسياسى» نۇر-سۇلتان قالاسى بويىنشا فيليالىنىڭ ديرەكتورى اسەت كوشكەمباەۆ. 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار