ەكونوميكا • 10 قىركۇيەك، 2020

كۇزگى ناۋقان قىزىپ تۇر

27 رەت كورسەتىلدى

جەتىسۋدا جيىن-تەرىن جۇمىسى قارقىن الدى. قازىر وبلىس ديقاندارى 968،6 مىڭ گەكتارعا ەگىلگەن داقىلداردان ءونىم جيناۋ ۇستىندە. جالپى، بيىل ايماقتاعى ەگىستىك القابىنىڭ كولەمى جىلداعىدان ارتىپ، 7 مىڭ گەكتارعا ۇلعايعان بولاتىن.

ياعني قامباعا قۇيىلاتىن ءونىم كولەمى دە وسەتىنى انىق. ال ورىلعان استىقتى سىيىم­دى­لىعى 771 مىڭ توننا بولاتىن 265 استىق قويماسى قابىلداۋعا دايىن. ونىڭ ەكەۋى استىق ساقتاۋ ءۇشىن ارنايى ليتسەنزيا العان، بۇل قويمالارعا 58،6 مىڭ توننا استىق سىيادى. بيىلعى ەگىن وراعىنا دا جەتىسۋلىقتار ەرەكشە دايىندىقپەن كەلدى. ناۋقان باستالعانعا دەيىن بارلىق تەحنيكا جوندەلىپ، استىق جيناۋعا 1409 كومباين، 180 مەحانيكالىق قىرمان، 260 استىق تيەگىش، 203 ءدان اتقىش، 160 استىق تازالاۋ ما­شيناسى مەن 249 اۆتوتارازى جۇمىلدىرىلۋدا. قازىر وبلىستىڭ بىرقاتار اۋدانىندا كۇزگى دالا جۇمىسى قىزىپ تۇر. شارۋالار استىق ورىپ، ءشوپ جا­ۋىپ، باستىرۋدى ورتالاپ قا­لىپتى. ەندىگى كەزەكتە قانت قىزىلشاسىن قازۋعا كىرىس­پەك. وبلىس بويىنشا بيىل 16،1 مىڭ گەكتار القاپقا ءتاتتى ءتۇبىر تۇقىمى سەبىلگەن بولاتىن. جي­نالعان قانت قىزىلشاسىنان 500 مىڭ توننا ءونىم الىپ، 48 مىڭ توننادان استام دايىن قانت شىعارۋ جوسپارلانعان. قازىر وبلىس قىزىلشا جيناۋ ناۋقانىنا تولىق دايىن. اقسۋ جانە كوكسۋ قانت زاۋىتتارى ءونىم قابىلداۋعا كى­رىسپەك، ال قانت قىزىلشاسىن قا­زۋ جۇ­مى­سى الداعى اپتادا باس­تالادى.

كۇزگى جيىن-تەرىندى ۋاقى­تىندا اياقتاۋدى ماقسات ەتكەن كوكسۋلىق ديقاندار دا ەگىنگە وراق سالدى. كوكسۋ اۋدانى بو­يىنشا بيىل ەگىلگەن اۋىل شا­رۋاشىلىعى داقىلدارىنىڭ كولەمى 31 710 گەكتار ەكەن. ونىڭ ىشىندە ءداندى داقىلدار ۇلەسى 9 544 گەكتار شاماسىندا. قازىر 2 529 گەكتارداعى كۇزدىك بيداي تولىعىمەن جينالىپ، 5 256 توننا ءونىم الىندى. داقىلدىڭ ورتاشا ونىمدىلىگى گەكتارىنا 20،78 تسەنتنەردەن اينالۋدا. جاز­دىق بيداي دا ورىلىپ، 860 گەكتاردان جينالعان داقىلدىڭ ونىمدىلىگى 20،94 تسەنتنەر بولدى. ال ەگىلگەن ارپانىڭ ورتاشا ونىمدىلىگى 20،94 تسەنتنەر بولىپ، 1550 گەكتار القاپتاعى ءونىم تولىقتاي ورىلعان. مۇنان بولەك، كوكسۋلىق شارۋالار 5 318 گەكتاردان قىسقى مال ازى­عىن دايىنداعان. اۋداندا داقىلداردان بولەك جەمىس-جيدەك ءونىمىن جيىپ-تەرۋ جۇمىسى قارقىندى جۇرۋدە. مى­سالى، 232 گەكتارعا وتىر­عى­زىلعان الما باعى مول ءونىم بەرىپ تۇر. قازىر 200 گەكتاردان 1 294 توننا الما جينالعان. ال 140 گەكتارعا ەگىلگەن باقشا داقىلدارى تولىعىمەن جينالىپ، 2 800 توننا تازا ءونىم الىندى. بيىل جۇرت كوكونىسكە دە قارىق بولعانداي، 885 گەك­تاردىڭ 620 گەكتارى جينالىپ، بۇدان 18 290 توننا ءونىم الىنعان. 962 گەكتارعا ەگىل­گەن كارتوپ تا مولىنان ءونىپ، باس­تاپقى جيىن-تەرىننىڭ ونىمدىلىگى گەكتارىنان 200 تسەنتنەرگە جە­تىپ وتىر.

سونداي-اق كوكسۋ اۋدانىندا جىلدىڭ ءتورت مەزگىلىندە دە ءونىم دايىندايتىن 16 جىلىجاي جۇمىس ىستەيدى. قازىر بۇل جىلىجايلاردان الىنعان تازا ءونىم مولشەرى 110 توننانى قۇرايدى. ال اۋداننىڭ نەگىزگى داقىلى سانالاتىن قانت قىزىلشاسىن قازۋ جۇمىسى تاياۋ كۇندەرى باستالادى. وڭىردەگى ءتاتتى ءتۇبىر ءوندىرىسىنىڭ كوشباسشىسى سانا­لاتىن كوكسۋ قانت زاۋىتى شي­كىزات قابىلداۋعا تولىق دايىن تۇر.

ايتپاقشى، قاۋىرت جۇ­مىس­قا قاپشاعاي قالاسى­نىڭ دي­قاندارى ءبىر كىسىدەي جۇ­مىلۋدا. بيىل شارۋا قوجالىقتارى 13 666 گەكتار جەرگە ەگىن سالعان. ونىڭ 4 297 گەكتارىنا ءداندى داقىل سەبىلگەن ەكەن. قازىر 3 941 گەكتار القاپتاعى ارپا ورى­لىپ، باۋلاندى. قالعان ەگىس القابىنداعى جيىن-تەرىن جاقىن كۇندەرى اياقتالماق. ال الاكول اۋدانى بويىنشا ەرتە كوكتەمدە 36 678 گەكتار جەرگە ءداندى داقىل سەبىلگەن بولاتىن. ەندىگى 6 214 گەكتارعا ەگىلگەن كۇزدىك بيداي ورىلىپ بولىپ قالدى. 5 521 گەكتارداعى جازدىق بيدايعا جانە 24 112 گەكتارداعى جازدىق ارپاعا دا جاقىن كۇندەرى وراق تۇسپەك. ديقاندار قىسقى مال ازىعىنا قاجەتتى جەمشوپ قورىن دا قامداپ قويعان. دىتتەگەن جوس­پار 85 پايىزعا ورىندالىپ، 299 577 توننا ءشوپ مايالاندى.

 

الماتى وبلىسى

 

سوڭعى جاڭالىقتار

2021 جىلعى ورازا كەستەسى

رۋحانيات • بۇگىن، 15:36

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:59

ۇقساس جاڭالىقتار