ايماقتار • 08 قىركۇيەك، 2020

شىمكەنتتەگى دەندروساياباقتا ۇزىندىعى 6457 مەترلىك ۆەلوجول سالىنۋدا

23 رەت كورسەتىلدى

بۇل تۋرالى بۇگىنگى بريفينگتە شىمكەنت قالالىق قۇرىلىس باسقارماسىنىڭ باسشىسى ەربول احمەتوۆ مالىمدەدى، دەپ حابارلايدى Egemen.kz.

"اتالعان جوبا 2019 جىلى مەملەكەتتىك كونكۋرستان وتكەن. بۇل ۆەلوجولدىڭ ۇزىندىعى 6457 مەتردى قۇرايدى. جۇمسالاتىن قارجى – 130 ملن تەڭگە، ال قۇرامى تاس، قۇم قوسپاسى. قوسپادان كەيىن شەگىن تارتىپ، اسفالت جابىندىسى توسەلەدى. ايتا كەتەيىك، مۇندا تەك ۆەلوجولاق قانا ەمەس، جۇگىرۋ الاڭدارىن سالۋ، اباتتاندىرۋ جانە جارىقتاندىرۋ جۇمىستارى جۇرگىزىلۋدە. بۇل جۇمىستاردىڭ جالپى قۇنى 458 ملن تەڭگەنى قامتيدى"، دەدى باسقارما باسشىسى.
 
ەربول قۇلانباي ۇلىنىڭ ايتۋىنشا، ۇزىندىعى 1164 مەترلىك جۇگىرۋ جولى، 676 مەترلى جارىقتاندىرۋ باعانالارى ورناتىلۋدا. ودان بولەك، ساياباققا بەسەدكالار قويىلىپ، اباتتاندىرۋ جۇمىستارى قارقىن العان.
 
ايتا كەتەيىك، بۇگىندە قۇرىلىستىڭ 50 پايىزى اياقتالعان. ءتيىستى ماماندار بۇل جۇمىستار جىل سوڭىنا دەيىن تولىق بىتەتىنىن جەتكىزدى.
سوڭعى جاڭالىقتار

قازاقستاندا دوللار قىمباتتادى

ەكونوميكا • بۇگىن، 11:37

ۇقساس جاڭالىقتار