ەكونوميكا • 08 قىركۇيەك، 2020

100-دەن استام قازاقستاندىق كاسىپورىن يندۋستريا 4.0 بويىنشا وقۋدان وتەدى

5 رەت كورسەتىلدى

"QazIndustry" قازاقستاندىق يندۋستريا جانە ەكسپورت ورتالىعى" اق يندۋستريا جانە ينفراقۇرىلىمدىق دامۋ مينيسترلىگىمەن جانە Fraunhofer IPA ونەركاسىپتىك ينجەنەريا جانە اۆتوماتتاندىرۋ ينستيتۋتىمەن بىرلەسىپ 2020 جىلعى 23 قىركۇيەك مەن 5 قاراشا ارالىعىندا ونەركاسىپ كاسىپورىندارىنىڭ قىزمەتكەرلەرى ءۇشىن يندۋستريا 4.0 تاقىرىبى بويىنشا وقىتۋ وتكىزەدى، دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ. 

ءىس-شارانىڭ نەگىزگى ماقساتى – يندۋستريا 4.0 ەلەمەنتتەرىن پايدالاناتىن كاسىپورىنداردىڭ ۇلەسىن ارتتىرۋعا جاردەمدەسۋ جانە ولاردىڭ قۇزىرەتىن ارتتىرۋ.

قر يدم يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ توراعاسى مارات قاراباەۆتىڭ ايتۋىنشا، اتالمىش شارا گەرمانيانىڭ Fraunhofer IPA ونەركاسىپتىك ينجەنەريا جانە اۆتوماتتاندىرۋ ينستيتۋتىمەن ىنتىماقتاستىقتىڭ جالعاسى بولىپ تابىلادى.

"نەمىس ينستيتۋتىنىڭ ۇلكەن تاجىريبەسى كاسىپورىندارىمىزدىڭ وندىرىستىك الەۋەتىن جاڭا قىرىنان كورۋگە مۇمكىندىك بەرەدى جانە قازاقستاننىڭ تەحنولوگيالىق دامۋىنا سەرپىن بەرۋى ءتيىس"، دەپ اتاپ ءوتتى مارات قاراباەۆ.

"QazIndustry" قازاقستاندىق يندۋستريا جانە ەكسپورت ورتالىعى" اق ونەركاسىپتىك كاسىپورىنداردى تسيفرلاندىرۋ بويىنشا جۇيەلى جۇمىستى 2017 جىلدان بەرى جۇرگىزۋدە. بۇعان دەيىن Fraunhofer IPA كومەگىمەن جۇمىس ىستەپ تۇرعان پيلوتتى-كاسىپورىندار بازاسىندا تسيفرلىق فابريكالار قۇرىلعان بولاتىن. بۇل جالپى قۇنى 13 ملرد تەڭگەدەن استام ينۆەستيتسيانى، ونىڭ ىشىندە 0،6 ملرد تەڭگە مەملەكەتتىك قولداۋ قاراجاتىن قۇرايتىن 51 جوبانى جۇزەگە اسىرۋشى 7 قازاقستاندىق كاسىپورىن. ىسكە اسىرىلعان جوبالاردىڭ قورىتىندىسى بويىنشا كاسىپورىندار ەڭبەك ونىمدىلىگىن 25% - عا، رەسۋرس تيىمدىلىگىن 18% - عا، جابدىقتىڭ قىزمەت ەتۋ مەرزىمىن 5% - عا ۇزارتىپ، وندىرىستىك شىعىنداردى 20% - عا، ەڭبەك شىعىندارىن 30% - عا جانە ەنەرگيا شىعىندارىن 35% - عا تومەندەتتى.

"يندۋستريا 4.0 تاقىرىبىندا وقىتۋ – بۇل وتاندىق كاسىپورىندار ءوندىرىسىن تسيفرلىق جاڭعىرتۋ ءۇشىن جاسالعان تاعى ءبىر قادام. وقۋعا قاتىسۋ ءۇشىن 22 قىركۇيەككە دەيىن تىركەلۋگە بولادى. ءبىز ەلىمىزدىڭ بارلىق ونەركاسىپتىك كاسىپورىندارىن وسى اۋقىمدى جوباعا بەلسەندى قاتىسۋعا شاقىرامىز"، دەپ اتاپ ءوتتى "QazIndustry" قازاقستاندىق يندۋستريا جانە ەكسپورت ورتالىعى" اق باسقارما توراعاسىنىڭ ورىنباسارى تالعات مۇقانوۆ.

ۆەبينارلار ZOOM ونلاين پلاتفورماسىندا ءتورت مودۋل بويىنشا وتكىزىلەدى: كىرىسپە جانە بيزنەس يننوۆاتسيالارى، ساندىق ءوندىرىستى باقىلاۋ، كيبەر-فيزيكالىق جۇيەلەر، دەرەكتەر نەگىزىندە ءوندىرىستى وڭتايلاندىرۋ جانە اقىلدى قىزمەت كورسەتۋ.

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار