Қоғам • 03 Қыркүйек, 2020

Еңбек құқықтары өз деңгейінде қорғалуы тиіс

35 рет көрсетілді

Қазақстан Кәсіподақтар федерациясының (ҚРКФ) XXVI съезі өтті. Жиын барысында съезд делегаттары Сатыбалды Дәулеталинді ҚРКФ төрағасы лауазымына сайлады және құрылымның 2021-2025 жылдарға арналған Даму стратегиясын қабылдады.

Онлайн режімде өткен съезд жұ­мы­сына республиканың барлық салаларын қамтитын 151 делегат, сондай-ақ әлеуметтік әріптестер, саяси партиялар жетекшілері, Парламент депутаттары, шетелдік кәсіподақ және халықаралық ұйымдардың өкілдері қатысты.

Мемлекет басшысы Қасым-Жомарт Тоқаевтың съезд делегаттарына арнаған құттықтау сөзін Президент Әкімшілігі Басшысының бірінші орынбасары Дәурен Абаев оқып берді. «Біз еңбекті Қазақстан қоғамының негізгі құндылығы ретінде дәріптеуіміз керек. Бұл – менің нақты ұстанымым. Бұл үшін тек атқарушы органдардың болуы жеткіліксіз екенін бәріміз түсінеміз. Сондықтан әлеуметтік серіктестік механизмі, мемлекет пен азаматтардың, үкіметтік емес сектордың екіжақты өзара әрекеттесу жүйесінің баламалары жоқ. Кәсіподақтар федерациясы – Қазақстандағы ең көп инс­титуционалдық тұрғыда дамыған қо­ғам­дық бірлестіктердің бірі. Жалпы, сая­си өмірде, экономикалық, әлеуметтік, ру­хани және мәдени бағдарламаларды жүзеге асыруда оның алар орны ерекше», делінген Президенттің құттықтау сөзінде.

Д.Абаевтың айтуынша, 2017 жылдан бастап федерацияны басқару жүйесі айтарлықтай реформаланып, оның мүмкіндіктері кеңейтіліп, азаматтардың әлеу­меттік, экономикалық, еңбек құ­қық­тары мен мүдделерін қорғайтын кеңес құрылған. «Кәсіподақтар федерациясы еңбекке қатысты дау-дамайларды шешудің басты бастамашысына айналуы керек. Жұмысшылардың құқықтарын жүйелі түрде жүзеге асыру арқылы ғана әлеуметтік қызметкерлердің күмәні мен сенімсіздігін жоюға болады. Федерация үшін еңбек дауларын болдырмау үшін, әсіресе ірі кәсіпорындарда өзінің әлеуетін жақсарту өте маңызды. Әлеуметтік серіктестік жөніндегі екіжақты комиссия шеңберінде функцияларды нақты бө­ліп, оның орындалуын тұрақты ба­қы­лауды қамтамасыз ету қажет. Бұл Фе­де­рацияның тиісті министрліктермен және әкімдіктермен жұмысшылардың делдалдығы бойынша бірлескен жұмыс үшін өзара іс-қимылының нақты алго­ритмін қалыптастыруға мүмкіндік береді. Бізге барлық деңгейдегі кәсіподақтар арасындағы заманауи қолжетімді ақпа­раттық байланыс қажет. Ақпараттық кеңіс­тікте қоғаммен өзара әрекеттесудің сын­дарлы арналарын құру қажеттілігі сезіледі», деді Д.Абаев.

Премьер-Министрдің орынбасары Ералы Тоғжанов Үкімет атынан съезд делегаттарына құттықтау сөзін арнады. Ол кәсіподақ ұйымдары жұмыс істейтін кәсіпорындарда еңбек ұжымдары мен жұмыс берушілер арасында байланыс жүйесінің тиімділігін атап өтті. «Қазақстан кәсіподақтары – әлеуметтік тұрақтылық мақсатына қол жеткізу ісінде Үкіметтің сенімді серіктесі мен қатысушысы. Бұл ұйым жұмыс істейтін жерлерде еңбек ұжымдары мен жұмыс берушілер арасында тиімді байланыс жүйесі орнатылғанын білеміз. Жалақыны арттыру, еңбек және демалыс жағдайларын жақсартумен байланысты мәселелер тиімді шешіледі. Елімізде күрделі жағдай орын алғанда Кәсіподақтар федерациясы өзінің бас­ты мақсаты – жұмысшылардың еңбек құқықтары мен мүдделерін қорғауды белсенді жүзеге асыруда, еңбеккерлерге және халықтың әлеуметтік тұрғыдан әлсіз тобына материалдық көмек көрсетеді, кеңес береді», деді Премьер-Министрдің орынбасары.

Еңбек және халықты әлеуметтік қорғау министрі Біржан Нұрымбетов өз кезегінде Кәсіподақтар федерациясының еңбеккерлердің заңды құқықтары мен мүдделерін қорғаудағы маңызды рөлін атап өтті.

Халықаралық Еңбек ұйымының еңбек­керлердің қызметі жөніндегі Еуропа және Орталық Азия секторының меңге­рушісі Сергиус Гловацкас Қазақстан Кәсіп­одақтар федерациясының қызметіндегі оң өзгерістерді атап өтті әрі өз позиция­сын нығайтуға бағытталған белсенді іс-шараларын, соның ішінде ХЕҰ Кон­венцияларын ратификациялау бойынша бастамаларын жоғары бағалады.

Кәсіподақтар федерациясының жетіс­тіктері мен кәсіподақтар бірлестігінің алдағы міндеттері туралы ҚРКФ төрағасы Сатыбалды Дәулеталин өз сөзінде айтып өтті. ҚРКФ басшысы барлық кәсіподақ ұйымдары мен кәсіподақ мүшелерін елімізде лайықты өмірдің жаңа әлеуметтік үлгісін әзірлеуге белсенді қатысуға шақырды. Оның айтуынша, «Кәсіптік одақтар туралы» заң бірқатар өзгертуді қажет етеді.

XXVI съезд делегаттары еңбек­кер­­лерге, кәсіподақ  ұйымдары мен әлеу­­меттік әріптестерге Мемлекет бас­шы­­сының Жолдауында көрсетілген жаңа­ру бағыттарын қолдау туралы үндеу қа­был­дады.

Съезде Қазақстан Республикасының кәсіподақтарының 2020-2025 жылдарға арналған стратегиясы қабылданды. ҚРКФ жоғары органының қатысушылары – съезд делегаттары басым дауыспен Саты­­балды Дәулеталинді Қазақстан Кәсіп­одақтар федерациясының төрағасы лауазымына сайлады.

 

Соңғы жаңалықтар

Алдағы күндері аяз болады

Аймақтар • Бүгін, 11:25

Елордада STEM олимпиадасы өтті

Аймақтар • Бүгін, 10:30

Пневмонияның 43 жағдайы тіркелді

Коронавирус • Бүгін, 09:10

Саңлақтар сыр бермеді

Күрес • Бүгін, 08:28

Білім мен рухани бірлік алаңы

Руханият • Бүгін, 08:23

Ел чемпионатында топ жарды

Спорт • Бүгін, 08:20

Ой түбінде жатқан сөз...

Қоғам • Бүгін, 08:17

Аңыздар айқасы тең аяқталды

Кәсіпқой бокс • Бүгін, 08:15

Тәжікстаннан да төмен тұрмыз

Футбол • Бүгін, 08:07

Алға ұмтылған Ақмола

Елорда • Бүгін, 08:02

Көреген көшбасшы

Елбасы • Бүгін, 07:45

Әлемнен алғыс алған тұлға

Елбасы • Бүгін, 07:33

Құрметті отандастар!

Қоғам • Бүгін, 07:30

Елбасы және Сыр елі

Аймақтар • Бүгін, 07:28

Ұқсас жаңалықтар