ايماقتار • 14 تامىز، 2020

تالعار اۋدانىنىڭ پوليتسەيلەرى تاپا-تال تۇستە دۇكەن توناعان ەرلى-زايىپتىلاردى ۇستادى

4072 رەت كورسەتىلدى

تالعار اۋدانىنىڭ پوليتسەيلەرى تاپا-تال تۇستە دۇكەن توناعان ەرلى-زايىپتىلاردى ۇستادى، – دەپ حابارلايدىPolisia.kz.

وقيعا 12 تامىز كۇنى اۋدان ورتالىعى تالعار قالاسىندا ورىن العان. ازاماتتىق نەكەدەگى ەرلى-زايىپتىلار الدىن الا ءسوز بايلانىسۋ ارقىلى ۇيلەرىنە جاقىن ماڭداعى دۇكەننەن ازىق-ت ۇلىك الىپ، دۇكەن ساتۋشىلارىن قورقىتۋ ارقىلى تولەمەستەن وقيعا ورنىنان ءىز سۋىتقان.

پوليتسەيلەرگە قوڭىراۋ شالعاندىقتان، ءتارتىپ ساقشىلارى شۇعىل جەتىپ، قىلمىسقا قاتىسى بار ادامداردى جىلدام انىقتادى.

– ازاماتتىق نەكەدە تۇرىپ جاتقان ەكى ازاماتتىڭ ءوزارا كەلىسۋىمەن قىلمىستىڭ ورىن العانى انىقتالدى. اتالعان دەرەك بويىنشا قر قىلمىستىق كودەكسىنىڭ 191-بابىنىڭ 2-تارماعى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. 32 جاستاعى كۇدىكتى اۋداندىق پوليتسيا باسقارماسىنىڭ ۋاقىتشا ۇستاۋ يزولياتورىنا قاماققا الىندى، – دەدى تالعار اۋدانى پوليتسيا باسقارماسىنىڭ باستىعى ەرلان قاسىم.

تەرگەۋ بارىسىندا كۇدىكتى ازاماتتىڭ بۇعان دەيىن قىلمىستىق جاۋاپكەرشىلىككە تارتىلعانى انىقتالدى. ول دۇكەن ساتۋشىلارىنا بۇرىن سوتتى بولعانىن جانە ەشتەڭەدەن تايىنبايتىنىن ايتىپ قورقىتقانى بەلگىلى بولدى.

سوڭعى جاڭالىقتار

ۇقساس جاڭالىقتار