ايماقتار • 14 تامىز، 2020

رەسپۋبليكالىق ماڭىزى بار جولداردى قالپىنا كەلتىرۋ جۇمىستارى ناتيجە بەرە باستادى

6 رەت كورسەتىلدى

قازاقستاندا رەسپۋبليكالىق ماڭىزى بار جولداردى ورتاشا جوندەۋدەن وتكىزۋ جۇمىستارى جالعاسىپ جاتىر. جول جوندەۋمەن اينالىساتىن كومپانيالار تاسجولداردىڭ ۋچاسكەلەرىن بەلگىلەنگەن مەرزىمنەن بۇرىن پايدالانۋعا بەرۋدە. وسىلايشا اتىراۋ وبلىسىنداعى «دوسسور-قۇلسارى-بەينەۋ-ساي وتەس-شەتپە-جەتىباي-اقتاۋ پورتى» جولىنىڭ 45 شاقىرىمىن جاڭارتۋ جۇمىستارى جوسپارلانعان مەرزىمنەن بۇرىن اياقتالدى. 

جولدى جوندەۋ جۇمىستارىن «بىرلىكجولستروي» جشس ورىندادى. ماماندار جولدىڭ قوزعالىس بولىگىن قالپىنا كەلتىردى. اتاپ ايتقاندا، جولدىڭ كەدىرلى-بۇدىرلى بەتى وڭدەلىپ، جابىندىنىڭ تەگىستەۋىش  قاباتى توسەلدى، جولداعى شۇڭقىرلار جامالىپ، شۋىل جولسىزىعى جايلاستىرىلدى، جول جيەگى بەكەمدەلدى. جول جابىندىسىنىڭ جوعارعى قاباتىن توسەۋ كەزىندە جولشىلار جولدىڭ كەدىرلى-بۇدىرلى بەتىن وڭدەۋ تەحنولوگياسىن قولداندى.

جۇرگىزىلگەن جۇمىستاردىڭ ناتيجەسىندە كولىك باسقارۋشىلار ەنگدى ءىلىنىسۋ قاسيەتى جوعارى تەگىس جول جابىندىسىمەن ءجۇرىپ وتە الادى. بۇدان بولەك، جول جابىندىسىنىڭ ۇساق ولقىلىقتارى جويىلىپ، جولداعى ميكروجارىقتار بىتەلدى، اسفالت-بەتون جابىندىنىڭ جوعارعى قاباتىنا سۋدىڭ ءوتۋىن بولدىرمايتىن سۋ وتكىزبەيتىن مەمبرانا قالىپتاسىپ، جابىندىنىڭ جوعارعى قاباتىنىڭ تۇتقىرلىق قاسيەتى جاڭارتىلۋدا. بۇل ءوز كەزەگىندە جول جابىندىسىنىڭ قىزمەت ەتۋ مەرزىمىن ۇزارتۋعا مۇمكىندىك بەرەدى.

«دوسسور-قۇلسارى-بەينەۋ-ساي وتەس-شەتپە-جەتىباي-اقتاۋ پورتى»  جولىن ورتاشا جوندەۋ جۇمىستارى مەجەلەنگەن مەرزىمنەن ەكى اي بۇرىن اياقتالىپ وتىر. جوندەۋدەن وتكەن جول ۋچاسكەلەرى بۇگىنگى تاڭدا قوزعالىس ءۇشىن اشىق.

ەسكە سالايىق، ەلدە رەسپۋبليكالىق ماڭىزى بار جولداردىڭ 1143 شاقىرىمى قالپىنا كەلتىرىلۋدە. ورتاشا جوندەۋ جۇمىستارىمەن 66 نىسان قامتىلعان.

سوڭعى جاڭالىقتار

ۇقساس جاڭالىقتار