ەكولوگيا • 14 تامىز، 2020

قازاقستانعا ەكولوگ-زاڭگەرلەر قاجەت

67 رەت كورسەتىلدى

ەكولوگيالىق ماسەلەلەر حالىقتىڭ الەۋمەتتىك-ەكونوميكالىق جاعدايى مەن دەنساۋلىعىنا كەرى اسەر ەتۋدە. قر پرەزيدەنتى قاسىم-جومارت توقاەۆ، 2020 جىلعى 10 شىلدەدە وتكەن ۇكىمەتتىڭ كەڭەيتىلگەن وتىرىسىندا ەكولوگيالىق ءبىلىمنىڭ ماڭىزدىلىعىن ەرەكشە اتاپ ءوتكەن بولاتىن. بۇل جاعدايدا ەكولوگيالىق قۇقىقتى قورعايتىن مامانداردىڭ تاپشىلىعى بايقالۋدا. وسىعان وراي، KAZGUU ەكولوگ-زاڭگەرلەردىڭ جاڭا بۋىنىن وقىتۋدى باستايدى.

ءالەمنىڭ 70 ەلىندە جەتەكشى بيزنەس جۇرگىزىپ وتىرعان Eni S. p.a حالىقارالىق كومپانياسى جانە Eni S. p. a كورپوراتيۆتىك ۋنيۆەرسيتەتى كازگيۋ ۋنيۆەرسيتەتىمەن ىنتىماقتاسا وتىرىپ، بىرلەسە ارەكەت ەتۋگە دايىن ەكەندىكتەرىن ءبىلدىردى. بۇل كومپانيا قازاقستاننىڭ مۇناي-گاز سالاسىندا 90-جىلداردىڭ باسىنان جۇمىس ىستەيدى.

ىنتىماقتاستىق تۋرالى ءۇش جاقتى كەلىسىمگە قول قويۋ كەزىندە 2020/21 اكادەميالىق وقۋ جىلىنا ارنالعان ماگيسترلىك باعدارلاما ازىرلەنەتىن بولدى. KAZGUU بيىلدان باستاپ ەكولوگ-زاڭگەرلەردىڭ جاڭا بۋىنىن دايارلايدى. بولاشاق ماماندار ەكولوگيالىق قۇقىق جانە قورشاعان ورتانى قورعاۋ جونىندەگى، زاڭناما سالاسىندا ءبىلىم الىپ، داعدىلارىن جەتىلدىرەدى.

ەكولوگيالىق قۇقىق جەكە جانە زاڭدى تۇلعالار ءۇشىن، مەملەكەت ءۇشىن ماڭىزدى بولعاندىقتان، بۇل ءبىلىم باعدارلاماسى بارلىق تاراپتار ءۇشىن  ۇتىمدى. ءويتكەنى KAZGUU ەنەرگەتيكالىق سەكتور ءۇشىن ەكولوگيالىق زاڭگەرلەردىڭ جاڭا بۋىنىن تاربيەلەۋگە كومەكتەسەدى، ال مەملەكەتتىك ورگانداردىڭ ماماندارى ءۇشىن باعا جەتپەس حالىقارالىق تاجىريبە بولماق.

سوڭعى جاڭالىقتار

ۇقساس جاڭالىقتار