ساياسات • 14 تامىز، 2020

سايلاۋ قورىتىندىلارى جاريالاندى

11 رەت كورسەتىلدى

كەشە ورتالىق سايلاۋ كوميسسياسىنىڭ وتىرىسىندا سەنات دەپۋتاتتارىن سايلاۋ قورىتىندىسى بويىنشا قاۋلى قابىلداندى.

جيىن بارىسىندا وسك تور­اعاسىنىڭ ورىنباسارى كونس­تانتين پەتروۆ وبلىستىق، نۇر-­سۇلتان، الماتى جانە شىمكەنت قالالارى سايلاۋ كوميس­سيا­لارىنىڭ پارلامەنت سەناتى دەپۋتاتتارىن سايلاۋ بويىن­شا داۋىستاردى ساناۋ ناتيجە­لەرى تۋرالى حاتتامالارى نە­گىزىندە سايلاۋ 14 وبلىس پەن نۇر-­سۇلتان، الماتى جانە شىمكەنت قالالارىندا ءوتتى دەپ تانىل­عانىن باياندادى. ونىڭ ايتۋىن­شا، 3069 تاڭداۋشىنىڭ 2889-ى نەمەسە تاڭداۋشىلاردىڭ جالپى سانىنىڭ 94،1 پايىزى داۋىس بەرۋگە قاتىسقان.

وتىرىستى قورىتىندىلاي كەلە، وسك توراعاسى بەرىك يما­شەۆ بۇل سايلاۋ ناۋقانىنىڭ ەرەك­شەلىگى – ايەلدەردىڭ ساياسي بەل­سەندىلىگىنىڭ ارتقانى بولعانىن اتاپ ءوتتى. ياعني، سايلانعان 17 دەپۋتاتتىڭ 5-ءى ايەلدەر، بۇل 29،4%-دى قۇرايدى. 2014 جانە 2017 جىلدارداعى سايلاۋدا بۇل كور­سەتكىش تەك 6% بولعان.

داۋىس بەرۋ بارلىق باسقا سايلاۋ راسىمدەرى سياقتى سايلاۋ زاڭناماسىنىڭ نورمالارىنا ساي ءوتتى. داۋىس بەرۋ ءراسىمىن جانە سايلاۋ قورىتىندىلارىن شىعارۋدى 242 جەرگىلىكتى جانە 5 حالىقارالىق بايقاۋشى بايقاپ وتىرعان.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار