ساياسات • 14 تامىز، 2020

ۆولونتەرلەر جۇمىسى پىسىقتالدى

28 رەت كورسەتىلدى

Nur Otan پارتياسىنىڭ ورتالىق اپپاراتىندا «جاستاردى قولداۋ» باعىتى بو­يىنشا وتىرىس ءوتتى. جيىن بارىسىندا قاتىسۋشىلار پاندەميا جاعدايىنداعى ۆولونتەرلىك قىزمەت جانە Jas Otan جاستار قاناتىنىڭ 2025 جىلعا دەيىنگى «جاستار – وتانعا!» باعدارلاماسىن تالقىلادى.

پارتيالىق كۋراتور، ءماجىلىس دەپۋتاتى گەن­نادي شيپوۆسكيح وتىرىستى ادام ءومىرى مەن دەنساۋلىعى ءۇشىن كۇرەستە الدىڭعى قاتاردا جۇرگەن ادامدارعا العىس ايتۋدان باس­تادى: ء«بىز كۇن سايىن بۇكىل ەل بويىن­شا مەديتسينا، پوليتسيا جانە قارۋلى كۇش­تەر قىزمەتكەرلەرى، ەرىكتىلەر، سونداي-اق قايى­رىمدى جاندار جاساعان ەرلىككە كۋا بولىپ ءجۇرمىز. بۇگىن ءبىرىنشى كەزەكتە دارى­گەرلەرگە، مەدبيكەلەرگە، سانيتارلارعا، جەدەل مەديتسينالىق جاردەم قىزمەتكەرلەرىنە العىسىمدى بىلدىرگىم كەلەدى»، دەدى دەپۋتات.

اقپارات جانە قوعامدىق دامۋ مينيستر­لىگى جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ «ۆولونتەر جىلى» جانە كوروناۆيرۋس پاندەمياسى كەزىندەگى ۆولونتەرلىك جوبالاردى ىسكە اسىرۋ جانە قاراجاتتى پايدالانۋدىڭ تيىمدىلىگى تۋرالى بايانداما جاسادى. وتىرىس بارىسىندا Jas Otan جاستار قاناتى جەتەكشىسى ەلنۇر بەيسەنباەۆ جاسوتاندىق ۆولونتەرلەردىڭ اتقارعان جۇمىسى تۋرالى ايتىپ بەردى.

«پاندەميا كەزىندە ء«بىز بىرگەمىز!» اكتسيا­سىنا 5 مىڭنان استام ۆولونتەر مەن مەيى­رىمدى قازاقستاندىق قاتىسىپ، 250 مىڭ مۇق­تاج جانعا ازىق-ت ۇلىك سەبەتىن جانە گيگيە­نالىق قۇرالداردى، سونىمەن قاتار 5 ملن مەديتسينالىق ماس­كا ۇلەستىردى. سونى­مەن قاتار توتەنشە جاعداي كەزىندە 3 مىڭ قارت ادام كۇندەلىكتى ىستىق تاعاممەن قامتاماسىز ەتىلدى»، دەدى ۆولونتەرلەر جۇمىسىنان حابار بەرگەن ە.بەيسەنباەۆ. سونداي-اق جاستاردىڭ تۇر­كىستان وبلىسىنىڭ ماقتاارال اۋدان­ىندا بولعان وقيعاعا بەيجاي قارا­ماي، «گۋمانيتارلىق كومەكتى» تاراتۋ جۇ­مى­سىنا بەلسەندى اتسالىسقانىن اتاپ ءوتتى.

وسىنداي قيىن ۋاقىتتا ازامات­تارى­­­مىز­دىڭ ءومىرى ءۇشىن ۇزاق ۋاقىت بويى كۇ­رەسىپ جۇرگەن دارىگەرلەر دە جاس ۆولون­تەر­لەردىڭ نازارىنان تىس قالعان جوق. «بۇدان باس­قا دارىگەرلەردى قولداۋ ماقساتىندا «دارى­گەر­لەرگە مىڭ العىس» رەسپۋبليكالىق اكتسيا­سى ۇيىمداستىرىلعان بولاتىن. ءىس-شارا بارى­سىندا 6 900-دەن استام مەديتسينا قىزمەت­كەرىنە جانە 100-دەن استام اۋرۋحانادا ەرىك­تىلەر قولعابىس ەتتى»، دەپ اتاپ ءوتتى Jas Otan جەتەكشىسى.

جيىندا بەلگىلى بولعانداي، Jas Otan جق كوروناۆيرۋستىق ينفەكتسيا پاندەميا­سىمەن كۇرەستە قولداۋ كورسەتۋ جۇمىستارىن تۇراقتى جۇرگىزىپ كەلەدى. سوند­اي-اق الەمدە بولىپ جاتقان وقيعا­لارعا قاراماستان، پارتيانىڭ جاستار قاناتى ەل جاستارىنىڭ ءومىرىن جاق­سار­تۋعا باعىتتالعان قىزمەتتەرىن جالعاس­تىرۋدا. وسىعان وراي 2025 جىلعا دەيىنگى «جاستار – وتانعا!» باعدارلا­ما­سىن ازىرلەدى.

Jas Otan باعدارلاما جوباسىن كوپ­شىلىك نازارىنا تالقىلاۋعا ۇسىندى. باع­دارلاما جوباسىندا ءاربىر جاس قازاق­ستان­دىقتىڭ ومىرىنە قاتىستى جۇمىسپەن قامتۋ، قولجەتىمدى باسپانا، ساپالى ءبىلىم، ازامات­تىق بەلسەندىلىك جانە تۇلعالىق دامۋ سىندى نەگىزگى ماسەلەلەر كورىنىس تاپتى. «باع­دار­لامانى ىسكە اسىرۋ ماقساتىندا قويىل­عان مىندەتتەرگە قول جەتكىزۋ ءۇشىن شارا­لار كەشەنى مەن ناقتى ينديكاتور­لارى بار وڭىرلىك جول كارتالارى قابىل­دانا­تىن بولادى. باعدارلامانى ىسكە اسىرۋ ماق­ساتىندا پارتيانىڭ جاس وكىل­دەرىن پارلا­مەنت ماجىلىسىندە جانە بار­لىق دەڭگەي­دەگى ءماسليحاتتاردا ناقتى تەتىكتەرمەن قامتا­ماسىز ەتۋ ءۇشىن جاستارعا بولىنگەن 20% كۆوتا نەگىزىندە پارتياىشىلىك پرايمەريزدە ىرىكتەۋ ارقىلى بەلسەندى جانە تالانتتى جاس قازاقستاندىقتاردىڭ پۋلى قۇرىلادى»، دەدى ە.بەيسەنباەۆ.

باعدارلاما جوباسىن ازىرلەۋ بارىسىندا جاس بەلسەندىلەر دامىعان ەلدەردىڭ تاجىريبەلەرىن زەردەلەپ، الەۋمەتتىك زەرتتەۋلەر مەن ساۋالدامالاردىڭ ناتيجەلەرى ەسكەرىلگەن.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار