قازاقستان • 13 تامىز، 2020

كارانتينگە جاتقىزىلعان ونىمدەرگە سەرتيفيكات بەرۋ 10%-عا ارتتى

8 رەت كورسەتىلدى

اشم مەملەكەتتىك ينسپەكتورلارى جۇمىسىنىڭ ەرەجەسىنە ەنگىزىلگەن وزگەرىستەر فەرمەرلەرگە ءونىمىن ەكسپورتتاۋ ءۇشىن قاجەتتى فيتوسانيتارلىق جانە كارانتيندىك سەرتيفيكاتتاردى بەرۋ جۇيەسىنە وڭ اسەرىن تيگىزدى.

2020 جىلدىڭ 1 جارتىجىلدىعىندا قازاقستاندىق فەرمەرلەرگە رەسپۋبليكادان تىس جەرلەرگە ەكسپورتتالاتىن ونىمدەرىنە 165 مىڭنان استام فيتوسانيتارلىق جانە كارانتيندىك سەرتيفيكاتتار بەرىلدى. بۇل، بىلتىرعى جىلدىڭ جارتى جىلىمەن سالىستىرعاندا  10  % - عا كوپ.

ەستەرىڭىزگە سالا كەتەيىك، وسى جىلدىڭ كوكتەمىندە ەلىمىزدىڭ وڭتۇستىك وڭىرلەرىندەگى فەرمەرلەر جۇكتەردىڭ جينالۋىنا جانە كوكونىستەر مەن جەمىستەردى ەكسپورتتاۋ ءۇشىن قاجەتتى قۇجاتتاردى الۋ كەزىندەگى قيىندىقتارعا بايلانىستى اوك مەملەكەتتىك ينسپەكتسيا كوميتەتىنىڭ اۋماقتىق ينسپەكتسياسىنا شاعىمدانعان بولاتىن.

ەكسپورتتىق الەۋەتتى قولداۋ جانە اۋىلشارۋاشىلىق تاۋار وندىرۋشىلەرىنىڭ  شىعىندارىن ازايتۋ ماقساتىندا مەملەكەتتىك ينسپەكتورلار كارانتينگە جاتقىزىلعان ءونىمدى ەكسپورتتاۋعا وتىنىمدەر قابىلداۋ بويىنشا كۇشەيتىلگەن جۇمىس رەجيمىنە كوشىرىلدى. اۋماقتىق ينسپەكتسيالاردىڭ شتاتتىق سانى باسقا وڭىرلەردەن ينسپەكتورلاردى ىسساپارعا جىبەرۋ ەسەبىنەن ۇلعايتىلدى. قاجەت بولعان جاعدايدا بارلىق اۋماقتىق بولىمشەلەرگە تەز بۇزىلاتىن ونىمگە سەرتيفيكاتتار بەرۋدى ساعات 20:00-گە دەيىن جۇزەگە اسىرۋ تاپسىرىلدى.

كارانتيندىك سەرتيفيكاتتى بەرۋ مەرزىمىن 3 كۇننەن 1 كۇنگە دەيىن، فيتوسانيتارلىق سەرتيفيكاتتى 5 كۇننەن 3 كۇنگە دەيىن قىسقارتۋ جانە تەز بۇزىلاتىن ونىمگە فيتوسانيتارلىق سەرتيفيكاتتار 3 ساعات ىشىندە دايىندالدى.

سوڭعى جاڭالىقتار

ۇقساس جاڭالىقتار