سايلاۋ • 13 تامىز، 2020

سەنات دەپۋتاتتارى سايلاندى

82 رەت كورسەتىلدى

ەلىمىزدىڭ بارلىق وبلىستارى مەن نۇر-سۇلتان، الماتى جانە شىمكەنت قالا­لارىندا پارلامەنت سەناتى دەپۋتاتتارىنىڭ سايلاۋى ءوتتى. قازاقستاننىڭ 17 وڭىرىنەن جوعارعى پالاتاعا ءبىر-ءبىر دەپۋتاتتان سايلاندى.

ورتالىق سايلاۋ كوميسسياcى ۇسىنعان مالىمەتكە سايكەس، سايلاۋ بيۋللەتەن­دەرىنە 46 كانديدات ەنگىزىلدى. اتاپ ايت­قاندا، شىعىس قازاقستان وبلىسىنان – 4 كانديداتتان، ال 10 وڭىردەن – 3 كانديداتتان: اقمولا، اتىراۋ، باتىس قازاقستان، قاراعاندى، قوستاناي، قىزىلوردا جانە پاۆلودار وبلىستارى، نۇر-سۇلتان، الماتى، شىمكەنت قالالارى. قالعان وڭىرلەردەن 2 كانديداتتان تىركەلدى. رەس­پۋبليكا بويىنشا تاڭداۋشىلار تىزىمىنە 3 069 ءماسليحات دەپۋتاتى ەنگىزىلگەن. ولاردىڭ باسىم بولىگى الماتى وبلىسىنان – 317 جانە شىعىس قازاقستان وبلىسىنان – 301، ال ەداۋىر بولىگى نۇر-سۇلتان قالاسىنان – 21، شىمكەنت قالاسىنان – 26 جانە الماتى قالاسىنان – 32. داۋىس بەرۋگە بارلىعى 2889 دەپۋتات قاتىستى.

ورتالىق سايلاۋ كوميسسياسى كوروناۆيرۋس ىندەتىنە بايلانىستى سەناتورلاردى سايلاۋشى ءماسليحات دەپۋتاتتارىنىڭ قاۋىپسىزدىگىن قامتاماسىز ەتۋ ءۇشىن بارلىق جاعداي جاسالعانىن مالىمدەدى. بۇل جولعى سايلاۋعا پاندەميا سالدارىنان شەتەلدىك بايقاۋشىلار كوپ قاتىسپادى. دەگەنمەن تۇركىتىلدەس مەملەكەتتەردىڭ ىنتىماقتاستىق كەڭەسىنەن 5 حالىقارالىق بايقاۋشى بولدى. مۇنان بولەك، سىرتقى ىستەر مينيسترلىگى جانىندا اككرەديتتەلگەن شەتەلدىك بۇقارالىق اقپارات قۇرالدارىنىڭ 143 وكىلى سايلاۋ تۋرالى زاڭناماعا سايكەس سايلاۋدى حالىقارالىق بايقاۋشىلارمەن تەڭ دارەجەدە بايقاي الدى.

سايلاۋدىڭ الدىن الا قورىتىندىلارى ورتالىق سايلاۋ كوميسسياسىنىڭ ينتەرنەت رەسۋرسىندا جاريالاندى. ەلوردادان ەلىمىزدىڭ جوعارعى زاڭ شىعارۋشى ورگا­نىنىڭ جوعارعى پالاتاسىنا ءۇش كاندي­دات تىركەلگەن بولاتىن. تاڭداۋشى ءماس­ليحات دەپۋتاتتارىنىڭ داۋىس بەرۋى ناتي­جەسىندە اقىلبەك كۇرىشباەۆ 15 داۋىس جينادى. ال قالعان ەكى كانديدات ماۋ­لەن سامامبەتوۆ پەن مەيرامباي ورالوۆ 2 جانە 3 داۋىس قانا جيناي الدى. داۋىس بەرۋگە قالالىق ءماسليحاتتىڭ
21 دەپۋتاتىنىڭ 20-سى قاتىسقان. الماتى قالاسىندا سايلاۋ 30 دەپۋتاتتىڭ قاتىسۋىمەن ءوتتى. ولاردىڭ بارلىعى مەدەۋ اۋدانىنىڭ اكىمى سۇلتانبەك ماكەجانوۆقا داۋىس بەردى. ال شىمكەنت قالاسىنان تاڭداۋشىلاردىڭ 18 داۋىسىن يەلەنگەن ايگۇل قاپباروۆا پارلامەنت سەناتىنىڭ دەپۋتاتى بولىپ قايتا سايلاندى. باتىس قازاقستان وبلىسى بو­يىنشا ورال گۋمانيتارلىق كوللەدجىنىڭ قارجى ديرەكتورى ءلاززات رىسبەكوۆاعا 128 دەپۋتات (70،3%) داۋىس بەردى. اتىراۋ وبلىسىندا ساعىندىق لۇقپانوۆ داۋىس بەرۋشىلەردىڭ 86 داۋىسىن (82،6%) جينادى. الماتى وبلىسىندا سەنات دەپۋتاتىن سايلاۋدا وبلىستىق ءماسليحاتتىڭ حاتشىسى سۇلتان دۇيسەمبينوۆ 264 (92،6%) داۋىس يەلەندى. الماتى وبلىسىندا سەنات سايلاۋىنا وبلىستىق جانە قالالىق ءماسليحاتتاردان 287 دەپۋتات قاتىستى.

ماڭعىستاۋ وبلىسىنان 87 (87%) داۋىس جيناعان سۇيىندىك الداشەۆ دە­پۋتات بولىپ سايلاندى. ول 2017 جىل­دىڭ قاراشا ايىنان باستاپ «قارا­جان­باسمۇناي» اق-تىڭ ءبىرىنشى ۆيتسە-پرەزي­دەنتى قىزمەتىن اتقارىپ كەلگەن. سولتۇستىك قازاقستان وبلىسىنان پارلا­مەنت سەناتىنىڭ دەپۋتاتى بولىپ قايتا­دان ولگا پەرەپەچينا سايلاندى. 23 (12،4%) دەپۋتات دونگولە موگۋنوۆاعا داۋىس بەرسە، 162 (87،5%) دەپۋتات ولگا پەرە­پە­چينانى تاڭداعان. پاۆلودار وبلى­سىندا سايلاۋدا 150 (81،9%) داۋىس جيناعان پاۆلودار مەملەكەتتىك پەدا­گوگي­كالىق ۋنيۆەرسيتەتىنىڭ رەكتورى التىن­بەك نۇح ۇلى جەڭىسكە جەتتى. اقتوبە وبلى­سىندا شالقار اۋدانىنىڭ اكىمى باۋىرجان قانيەۆ 143 (79،8%) داۋىسپەن باسىم ءتۇستى.

اقمولا وبلىسىندا سەنات دەپۋتاتىنىڭ سايلاۋىندا ەڭ كوپ داۋىستى (89،5%) نۇرلان بەكەنوۆ جينادى. قىزىلوردا وبلىسىندا Nur Otan پارتياسىنىڭ وبلىستىق فيليالى توراعاسىنىڭ ءبىرىنشى ورىنباسارى اقمارال ءالنازاروۆا باسىم داۋىسقا يە بولدى، وعان 102 (77،8%) ادام داۋىس بەردى.

جامبىل وبلىسىنان وسى ۋاقىتقا دەيىن وبلىس اكىمىنىڭ ءبىرىنشى ورىنباسارى قىزمەتىن اتقارىپ كەلگەن بەكبولات ورىنبەكوۆ 163 (92%) داۋىسپەن پارلامەنت سەناتىنىڭ دەپۋتاتى بولىپ سايلاندى. قوستاناي وبلىسىندا داۋىس بەرۋ قورىتىندىسى بو­يىنشا 225 (87،2%) داۋىس جيناعان وبلىس اكىمىنىڭ ورىنباسارى سەرگەي كارپليۋك جەڭىسكە جەتتى. تۇركىستان وبلىسىندا ءالي بەكتاەۆ 216 (91،5%) داۋىسپەن سەنات دەپۋتاتى بولىپ قايتا سايلاندى. شىعىس قازاقستان وبلىستىق ءماسليحاتى ۇسىنعان بورودۋليحا اۋدانىنىڭ اكىمى ولگا الەكساندروۆنا بۋلاۆكينانى وڭىردە تاڭداۋ جاساعان 275 ءماسليحات دەپۋتاتىنىڭ 255-ءى قولدادى. قاراعاندى وبلىسىنان بۇگىنگى كۇنگە دەيىن سەناتورلىق قىزمەتىن اتقارىپ جۇرگەن تاعى ءبىر كانديدات سەرگەي ەرشوۆ 222 (83،1%) داۋىسپەن قايتا سايلاندى. وسك ۇسىنعان مالىمەت بويىنشا، جاڭا سايلانعان سەنات دەپۋتاتتارىنىڭ ءتىزىمى جوعارىداعىداي.

حالىقارالىق بايقاۋشى رەتىندە قا­تىس­قان تۇركىتىلدەس مەملەكەتتەر ىنتى­ماقتاستىعى كەڭەسى ميسسياسىنىڭ باسشىسى، ازەربايجاننىڭ قازاقستانداعى ەلشىسى راشاد مامەدوۆ سايلاۋ زاڭناماعا ساي وتكەنىن مالىمدەدى. الەمدەگى قيىن جاعدايعا بايلانىستى حالىقارالىق بايقاۋشىلار سانى شەكتەۋلى بولعانى بەلگىلى.

پارلامەنت سەناتى دەپۋتاتتارىن ساي­لاۋ­دى بايقاۋشىلار ميسسياسىنا توراعا­لىق ەتكەن ر.مامەدوۆ داۋىس بەرۋ پروتسەسىنە باقىلاۋ جاساعانىن جانە ونىڭ اشىق وتكەنىن ايتتى. «دەلەگاتسيا قۇرامى­نا قىرعىزستان، وزبەكستان، تۇركيا جانە ازەر­بايجان ەلدەرى كىرەدى. بۇگىن ءبىز كاندي­دات­تاردى، بايقاۋشىلاردى، باق وكىلدەرىن تىركەۋ ساتىنەن باستاپ مونيتورينگ جۇر­گىزدىك. ءماسليحاتتىڭ نۇر-سۇلتان قالالىق سايلاۋ كوميسسياسىمەن بىرلەسكەن وتىرىسى­نا قاتىستىق. داۋىس بەرۋ پروتسەسىنە باقى­لاۋ جاسادىق، ول وتە جاقسى، اشىق ءوتتى. تاڭداۋ­شى­لاردىڭ بارلىعىنا قولايلى جاعداي جاسالعان. وكىنىشكە قاراي، دەلەگاتسيامىز وتە شاعىن بولعاندىقتان نۇر-سۇلتان قالاسى­نان باسقا وڭىرلەرگە بارا المادىق. دەگەن­مەن، سايلاۋ دەموكراتيالىق جاعدايدا، قازاقستان زاڭناماسىنا ساي ءوتتى دەپ ايتۋعا بولادى»، دەدى حالىقارالىق بايقاۋشى.

 

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار