ايماقتار • 11 تامىز، 2020

كاسىپكەرلەر كوپشىلىككە كومەك كورسەتۋدە

14 رەت كورسەتىلدى

بۇگىندە ەلىمىزدە دۇنيەنى دۇرلىكتىرگەن كوروناۆيرۋس ىندەتىمەن كۇ­رە­سۋدىڭ ءتيىمدى تاسىلدەرى قولعا الىنۋدا. سونىمەن قاتار، جەر­گى­لىك­تى اۋرۋحانالارعا جانە جالپى حالىققا ءتيىستى دەڭگەيدە كومەك كور­سەتىلۋدە.

بۇل رەتتە بىرقاتار جامبىلدىق كاسىپكەرلەر قاۋىپتى ىندەتپەن كۇرەستە بەلسەندىلىك تانىتىپ، كوپشىلىككە قولداۋ ءبىلدىردى. ما­سە­لەن، «قازفوسفات» جشس باس دي­رەكتورى، قازاقستاننىڭ ەڭبەك ەرى مۇقاش ەسكەندىروۆ وسىنداي قيىن كەزەڭدە جامبىل وبلىستىق اۋرۋحاناسىنا 16 وتتەگى كونتسەنتراتىن جانە 2 كوپفۋنكتسيونالدىق توسەك ساتىپ الىپ بەرگەن. جالپى، اتالعان كاسىپورىن قاۋىپتى ىندەتتى جەڭۋ ماقساتىندا 69،5 ملن تەڭگەگە قايىرىمدىلىق كومەك كورسەتكەن.

«جۇمىلا كوتەرگەن جۇك جەڭىل» دەمەكشى، اۋليەاتالىق الەۋمەتتىڭ جايىن ويلاعان جەرگىلىكتى جومارت جاندار قاۋىپتى ىندەتپەن كۇرەستە ايانىپ قالعان جوق. ءبىرى ءوز ەسەبىنەن وتتەگى كونتسەنتراتىن، وكپەنى جاساندى جەلدەتۋ اپپاراتتارىن الىپ بەرسە، ەندى ءبىرى اۋرۋحانالارعا ءدارى-دارمەك جەتكىزىپ، دارىگەرلەر مەن ناۋقاستارعا ىستىق تاماق پەن سۋسىندار ۇيىمداستىرۋدى قولعا الدى. ماسەلەن، «التىنالماس» اق جالپى كولەمى 42،5 ملن تەڭگەگە قايىرىمدىلىق كومەك كورسەتسە، «جامبىل تسەمەنت وندىرىستىك كومپانياسى» جشس بۇل ماقساتقا 6،6 ملن تەڭگە ءبولىپ، دەمەۋشىلىك جاساعان. سول سياقتى، تاراز قا­لا­سىنداعى «نۇر يسلام» ساۋدا ور­تالىعى رەسپيراتورلار مەن قا­­جەتتى مەديتسينالىق ماس­كا­لار ساتىپ الىپ، وڭىردەگى اۋرۋ­حانالارعا تاراتقان. ونىڭ جال­پى كولەمى 520 مىڭ تەڭگەنى قۇ­راي­دى. سونىمەن قاتار تاراز قالا­سىن­داعى «كوكجيەك-2030» جشس ءوز قا­راجاتىنا 10 وتتەگى كونتسەنتراتىن ساتىپ الىپ، ونىڭ 5-ەۋىن وبلىستىق اۋرۋحانا مەن وبلىستىق كوپبەيىندى بالالار اۋرۋحاناسىنا تاراتقان. ال قالعان 5 وتتەگى كونتسەنتراتىن جۋالى، ت.رىسقۇلوۆ، جامبىل، بايزاق جانە تالاس اۋداندارىنداعى اۋرۋحانالارعا جىبەرگەن. اتالعان سەرىكتەستىكتىڭ باس ديرەكتورى ابدىعالي بەگىم­بە­توۆتىڭ ايتۋىنشا، ولار ءاربىر وتتەگى كونتسەنتراتىن 600 مىڭ تەڭ­گە­دەن الىپتى. «كوكجيەك-2030» كا­سىپورنى «تاراز» اكك ۇك اق-مەن بىرلەسىپ، ءبىر پاكەتى 12500 تەڭگە بولاتىن 1 مىڭ ءدارى-دارمەك پا­كەتىن دايىنداپ، ونى وبلىستىڭ اۋرۋحانالارىنا تاراتقان. «بۇل ىندەتتىڭ كوپشىلىككە وڭاي تيمەگەنى انىق. سوندىقتان دا حالىققا قيىن بولعان سوڭ، سەرىكتەستىك اتىنان ءبىز دە ءوز كومەگىمىزدى بەردىك»، دەيدى ءا.بەگىمبەتوۆ. سونىمەن قاتار «سۋپەرفارم» جشس مۇق­تاج جاندارعا تەگىن تاراتۋ ماق­سا­­تىندا ءتۇرلى قاجەتتى ءدارى-دار­مەك­تەر سالىنعان 700 پاكەتتى تاراز­دا­عى ەمحانالارعا وتكىزگەن بولسا، «تاراز» اكك» ۇك» اق 150 پا­كەتتى وبلىس ورتالىعىنداعى ەم­حا­نالارعا تاپسىرعان. اتالعان كومپانيانىڭ باسقارما توراعاسى ولجاس قارجاۋوۆتىڭ ايتۋىنشا، ولار وبلىس اكىمى بەردىبەك سا­پار­باەۆ­تىڭ تاپسىرماسىنا سايكەس، شىمكەنت قالاسىندا ور­نالاسقان «زەردە» كومپانياسىنان قاۋىپتى ىندەتكە قارسى جانە ناۋقاستاردىڭ دەنە قىزۋىن تۇسىرەتىن ءدارى-دارمەكتەردى ءوز باعاسىمەن ساتىپ الىپ، ءوڭىردىڭ 7 اۋدانىندا ورنا­لاس­قان دارىحانالارعا ارزان باعادا تاراتقان.

 بۇگىنگى تاڭدا وبلىستا كورو­نا­ۆيرۋس ىندەتىن جۇقتىرۋدىڭ دەرەگى تومەندەگەن. قابىلدانعان جەدەل شارالاردىڭ ناتيجەسىندە ين­فەك­تسيالىق جانە پروۆيزورلىق ستاتسيونارلارداعى ەمدەلۋشىلەر قاجەتتى دارىلىك پرەپاراتتارمەن قام­تاماسىز ەتىلگەن. ناتيجەسىندە اۋرۋ­دان ايىققاندار سانى ارتۋدا. بۇل رەتتە وبلىستىق دەن­ساۋ­لىق ساقتاۋ باسقارماسى باس­شى­سىنىڭ مىندەتىن اتقارۋشى حاميت مىرزاقاسىموۆتىڭ ايتۋىنشا، «سق-فارماتسيا» جشس-مەن بىرلەسە وتىرىپ، ءتيىستى دەنساۋلىق ساقتاۋ نىساندارىنا 7،6 ملرد تەڭگەنىڭ ءدارى-دارمەكتەرى جەتكىزىلگەن. سوندىقتان دا مەدي­تسي­نالىق مەكەمەلەردە ءدارى-دا­ر­مەكتەردىڭ ءبىر ايلىق قورى قالىپ­تاسقان. ناۋقاستاردىڭ دەن­ساۋ­لى­عىن قالپىنا كەلتىرۋ ءۇشىن اۋرۋحانالاردا 476 وتتەگى كونتسەنتراتورى، 167 وكپەنى جاساندى جەلدەتۋ اپپاراتى بار. قازىرگى كەزدە وكپەنى جاساندى جەلدەتۋ اپپاراتىنىڭ سانى 30 پايىزعا، وتتەگى كونتسەنتراتورلارىنىڭ سانى 70 پايىزعا ارتقان. «دارىگەرلەر اۋرۋحانادان شىققاننان كەيىن دە ناۋقاستاردىڭ جاعدايىن با­قى­لاۋدى جالعاستىرۋدا. ولارعا بۇل ىستە ەمحانالار بازاسىندا قۇ­رىلعان ءموبيلدى توپتار كو­مەك­تەسۋدە. توپ مۇشەلەرى شىعا­رىل­عان ەمدەلۋشىلەردىڭ جاع­دا­يىن تەكسەرىپ، قاجەتتى كومەكتەر كورسەتەدى»، دەيدى ح.مىرزاقاسىموۆ.

 

جامبىل وبلىسى

 

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار