قوعام • 11 تامىز، 2020

جەرگىلىكتى ۇلەس 90%-عا جاقىندادى

14 رەت كورسەتىلدى

«نۇرلى جەر» باعدارلاماسى ارقىلى بيۋدجەتتىك ينۆەستيتسيالار ەسەبىنەن 611 ملرد تەڭگەگە 937 ينفراقۇرىلىمدىق جوبا جۇ­زەگە اسىرىلۋدا. بۇل تۋرالى ورتالىق كوممۋنيكاتسيالار قىز­­مەتىندە وتكەن ءباسپاسوز جيىنىندا يندۋستريا جانە ينفرا­قۇرى­لىمدىق دامۋ ۆيتسە-ءمينيسترى قايىربەك وسكەنباەۆ ايتتى.

بيىلعى جارتى جىلدىڭ قو­رى­تىندىسى بويىنشا مەملە­كەتتىك ينۆەستيتسيالار ەسەبىنەن 4،7 مىڭ باسپانا پايدالانۋعا بەرىلدى. بۇل رەتتە وتاندىق كا­سىپ­ورىنداردان 159 ملرد تەڭ­گەگە قۇرىلىس ماتەريالدارى، جابدىقتار مەن باسقا دا قىز­مەت تۇرلەرى ساتىپ الىندى. وتان­دىق كاسىپورىندار 586 ملرد تەڭگەنىڭ قۇرىلىس ماتەريالدارىن ءوندىرىپ، 348 ملرد تەڭگەلىك ءونىم يمپورتتالدى (نارىقتاعى يمپورتتىڭ ۇلەسى 37%).

ق.وسكەنباەۆ وتاندىق قۇرى­لىس يندۋسترياسىن دامى­تۋ شارالارىنا توقتالىپ، قازىر 33 جوبا ىسكە اسىرىلىپ جاتقانىن جەتكىزدى. ونىڭ ىشىندە 8 جو­با يمپورتتىق تاۋەلدىلىكتى الماس­تىرۋعا قاتىستى. بۇل يمپورت ۇلە­سىن 15%-عا تومەندەتۋگە جانە تۇر­عىن ءۇي قۇرىلىسىندا قازاق­ستاندىق ءونىمىنىڭ قامتۋىن 90%-عا دەيىن ارتتىرۋعا مۇمكىندىك بەرەدى.

– قىزىلوردا وبلىسىندا شىنى زاۋىتى سالىنۋدا. نۇر-سۇل­تاندا پوليەتيلەن قۇبىر­لارى ءوندىرىسى («كەرىم پلاستي­كالىق قۇبىرلار» جشس) ىسكە قوسىلدى. كەراميكا («زەردە كەراميكا اقتوبە» جشس) جانە ارماتۋرا («ارماتۋرا تاراز زاۋىتى» جشس) ءوندىرىسى ارتىپ كەلەدى، – دەدى ۆيتسە-مينيستر.

وڭدەۋ ونەركاسىبىندەگى وتان­­دىق مازمۇندى ارتتىرۋعا با­عىتتالعان جۇمىستارعا اما­نياز ەرجانوۆ توقتال­دى. يندۋس­تريا جانە ينفراقۇرى­لىم­دىق دامۋ ۆيتسە-ءمينيسترى اتاپ وتكەندەي، وڭدەۋ سالاسىندا جەر­گىلىكتى ۇلەستى ارتتىرۋ ماق­ساتىندا جالپى سوماسى 1،6 ترلن تەڭگەدەن استام قاراجاتقا 73 جوبانى ىسكە قوسۋ كوزدەلىپ وتىر.

سپيكەردىڭ ايتۋىنشا، مەم­لەكەتتىك ساتىپ الۋ باعىتىندا قازاق­ستاندا جيناقتالاتىن اۆتو­كولىكتەر مەن ەلەكتر تەحني­كالىق جابدىقتاردى ساتىپ الۋعا 2 جىل بويى باسىمدىق بەرىلمەك. بۇ­دان بولەك، وتاندىق 2809 تاۋار ءوندى­رۋشىنىڭ ءتىزىمى بەكىتىلدى.

– ءتىزىم قولدانىستاعى CT-KZ سەرتيفيكاتتارى مەن يندۋس­تريالىق سەرتيفيكاتتار نە­گى­زىندە جاسالدى. بۇل رەتتە تىزبە كۇن­دەلىكتى نەگىزدە «اتامەكەن» ۇلت­تىق كاسىپكەرلەر پالاتاسىمەن بىر­لەسىپ رەتتەلەدى، – دەپ تولىق­تىردى ا.ەرجانوۆ.

ۆيتسە-مينيستر قازىر 13 ارنايى ەكونوميكالىق ايماق بار ەكەنىن، وندا 23 مىڭنان استام ادام جۇمىس ىستەيتىنىن ايتتى. اتالعان ايماقتاردا ءون­دىرىس كو­لەمى 2،9 ترلن تەڭگەگە جە­تىپ، بيۋدجەتكە تۇسەتىن سالىق تۇ­سىمدەرى 180 ملرد تەڭگەنى قۇرا­دى.

ا.ەرجانوۆ ارنايى ەكو­نومي­كالىق ايماقتاردىڭ ين­فراقۇ­رىلىمىن سالۋعا بيۋد­جەت­تىك شىعىندار 344 ملرد تەڭگە مول­شەرىندە بايقالعانىن جەتكىزدى. بۇل رەتتە وڭدەۋشى ونەر­كاسىپكە تارتىلعان ينۆەستيتسيالار كولەمى شامامەن 1،1 ترلن تەڭگە.

– مەملەكەت باسشىسىنىڭ تاپسىرماسى بويىنشا قازىر ارنايى ەكونوميكالىق ايماق قىزمەتىنە تالداۋ جۇرگىزىپ جاتىرمىز. ءۇش ايماقتىڭ («استانا – تەحنوپوليس»، «Qyzyljar»، «اق­تاۋ تەڭىز پورتى») اۋماقتارى كە­ڭەيتىلدى. جەڭىل ونەركاسىپتى دامىتۋ ءۇشىن «وڭتۇستىك» اەا اۋما­عىن كەڭەيتۋ ماسەلەسى پىسىق­تالۋدا. «قورعاس» شىحو» اەا تيى­مدىلىگىن ارتتى­رۋ بو­­يىنشا كەشەندى جوسپار ازىر­لەنۋدە، – دەدى ۆيتسە-مينيستر.

 

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار