ايماقتار • 10 تامىز، 2020

شىعىس قازاقستاندا اباي كۇنى اتالىپ وتۋدە

27 رەت كورسەتىلدى

ءىس-شارالاردىڭ باسىم بولىگى ىندەتكە بايلانىستى ونلاين تۇرىندە ۇيىمداستىرىلادى.

بۇگىن – اباي كۇنى.

اتاۋلى داتاعا وراي اقىننىڭ تۋعان جەرى – شىعىس قازاقستاندا بىرقاتار ءىس-شارالار وتكىزۋ جوسپارلانعان. ەسكەرتە كەتەر دۇنيە، ءىس-شارالاردىڭ باسىم بولىگى ىندەتكە بايلانىستى ونلاين تۇرىندە ۇيىمداستىرىلادى. ماسەلەن، سەمەيدەگى «جيدەباي-ءبورىلى» مەملەكەتتىك تاريحي-مəدەني جəنە əدەبي-مەموريالدىق قورىعىندا «اباي جانە ءححى عاسىر: بولاشاقپەن سۇحبات» اتتى حالىقارالىق كونفەرەنتسيا وتەدى دەپ جوسپارلانعان. جيىنعا تانىمال عالىمدار، ابايتانۋشىلار، رەسەي فەدەراتسياسى Əدەبيەت اكادەمياسىنىڭ اكادەميگى گ.پرياحين، ءتۇرلى مəدەني جəنە جوو باسشىلارى قاتىسپاق.

سونىمەن قوسا تəۋلىك بويى ينتەرنەت ارقىلى اباي قورىق-مۋزەيىنە، «اباي-شəكəرىم» كەسەنەلەرىنە ۆيدەوەكسكۋرسيا جاساۋعا، اباي مۋزەيىندەگى ەكسپوناتتار جايىنداعى ءتۇرلى بەينەبايانداردى تاماشالاۋعا بولادى.

اباي كۇنىنە وراي وبلىس اكىمى دانيال احمەتوۆ سەمەيگە ارنايى بارىپ، قالاداعى زيالى قاۋىم وكىلدەرىمەن بىرگە اقىن ەسكەرتكىشىنە گۇل شوقتارىن قويدى. وسىنداي شارا وسكەمەندەگى ھاكىم ەسكەرتكىشىنىڭ الدىندا دا ءوتىپ، شاھارداعى زيالى قاۋىم وكىلدەرى مەن «التاي اسۋ» قوعامدىق بىرلەستىگىنىڭ مۇشەلەرى دانىشپان رۋحىنا تاعزىم ەتتى.

شىعىس قازاقستان وبلىسى

 

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار