مەديتسينا • 07 تامىز، 2020

مەديتسينالىق ساقتاندىرۋ جۇيەسىندە بولماۋىڭىزدىڭ 6 سەبەبى

88 رەت كورسەتىلدى

الەۋمەتتىك مەديتسينالىق ساقتاندىرۋ قورىنا تۇراقتى تۇردە جارنا تولەپ جۇرگەن ەلوردا تۇرعىنى، Egov ارقىلى تەكسەرگەندە نەمەسە تەلەگرامم بوت ارقىلى  قاراعاندا ءمامس مارتەبەسى «ساقتاندىرىلماعان» دەپ  كورسەتىلسە، ونىڭ سەبەبىن انىقتاپ، ءبىلۋ كەرەك. ءبىز بۇگىن ەڭ ءجيى كەزدەسەتىن 6 سەبەپكە توقتالامىز.

ءبىرىنشى سەبەپ. تۇرعىنداردىڭ كوپشىلىگى جەڭىلدىك كەزەڭىن 1 شىلدەگە دەيىن تولەمدەردى تولەۋدەن بوساتۋ رەتىندە قابىلداپ، تولەۋدى توقتاتتى. نەگىزىندە، جەڭىلدىك كەزەڭى حالىقتىڭ وسى ارالىقتا ءمامس جۇيەسىندەگى مارتەبەسىن انىقتاپ الۋى ءۇشىن ارنايى جاسالدى.

ناتيجەسىندە، العاشقى التى ايدا جارنا تولەنبەگەن نەمەسە ءىشىنارا تولەنگەن بولۋى مۇمكىن، ال ءمامس پاكەتىندەگى مەديتسينالىق كومەك وسى كەزەڭدە بارلىعىنا تەگىن قول جەتىمدى بولدى.  

نە ىستەۋ كەرەك؟ الدىمەن ءوز تولەمدەرىڭىزدىڭ ايلارعا بولىنگەن ءۇزىندىسىن الۋ قاجەت. ەگەر ءسىز جەكە كاسىپكەر، ازاماتتىق-قۇقىقتىق سيپاتتاعى شارت بويىنشا جۇمىس ىستەيتىن قىزمەتكەر، ءوزىن-ءوزى جۇمىسپەن قامتۋشى نەمەسە دەربەس تولەۋشى بولساڭىز، وندا سىزدە 2020 جىلدىڭ 1 قاڭتارىنان باستاپ   ساناعاندا 8 ايعا جارنا تولەنۋى كەرەك.  ەگەر ءسىز جالدامالى جۇمىسكەر بولساڭىز، سوڭعى 12 ايعا اۋدارىم بولۋى ءتيىس. ەگەر ءبىر نەمەسە بىرنەشە اي ءۇشىن اۋدارىمدار بولماسا، تولەم جاسالماعان اي ءۇشىن تولەم جۇرگىزۋ كەرەك نەمەسە جۇمىس بەرۋشىڭىزگە بارىپ، اۋدارىم قارىزىن وتەۋدى سۇراۋ كەرەك. ەستەرىڭىزگە سالا كەتەيىك، جارنالاردى ۋاقىتىلى تولەمەيتىن جك مەن جۇمىس بەرۋشىلەر ءۇشىن ءاربىر مەرزىمى وتكەن كۇن ءۇشىن، تولەم كۇنىن قوسا العاندا، بەرەشەك سوماسىنىڭ 1،25% مولشەرىندە ايىپپۇلدار مەن ءوسىمپۇلدار قاراستىرىلعان. ەگەر جارنالار مەن اۋدارىمدار بويىنشا ولقىلىقتار بولماسا، الەۋمەتتىك مەديتسينالىق ساقتاندىرۋ قورىنا 1406 ءنومىرى بويىنشا حابارلاسۋ كەرەك نەمەسە تەلەگرامم بوتتا  ءوتىنىش قالدىرۋ قاجەت. ءسىزدىڭ ءوتىنىشىڭىز جەكە قارالادى.

 

ەكىنشى سەبەپ. 42500 تەڭگە بىرجولعى كومەك تولەنۋىنە بايلانىستى، تۇرعىنداردىڭ كوپشىلىگى ءساۋىر – مامىر ايلارىندا بىرىڭعاي جيىنتىق تولەم تولەي باستادى. وسىلايشا ولار ءوزىن-ءوزى جۇمىسپەن قامتىعان ازاماتتار ساناتىنا جاتقىزىلدى. ايتا كەتەيىك، بىرىڭعاي جيىنتىق تولەمنىڭ، ياعني 2 626 تەڭگەنىڭ تەك 40%-ى نەمەسە 1،1 مىڭ تەڭگەسى مىندەتتى الەۋمەتتىك مەديتسينالىق ساقتاندىرۋعا جۇمسالادى، قالعاندارى مەملەكەتتىك الەۋمەتتىك ساقتاندىرۋ قورى( ماسق)، زەينەتاقى قورى مەن سالىق تولەمدەرىنە بولىنەدى.

بىرىڭعاي جيىنتىق تولەم مىندەتتى تولەمدەرگە، ونىڭ ىشىندە بيۋدجەتكە بايلانىستى ءتورت ماسەلەنى بىردەن شەشسە دە، كوپ ادامدار ونى تولەۋدى جالعاستىرماۋدى ءجون سانادى. سونىمەن قاتار، ء«بىر رەتتىك» تولەۋشىلەردىڭ كوپشىلىگى بۇل تولەم ولارعا الدىن-الا ءبىر جىل ءۇشىن ساقتاندىرۋ مارتەبەسىن بەرەدى دەپ ويلادى. بۇل ولاي ەمەس. بىرىڭعاي جيىنتىق تولەمدى اي سايىن جانە تۇراقتى، ءۇزىلىسسىز تولەۋ قاجەت. ەگەر ءسىز وسى سەگىز اي ىشىندە تەك ءبىر رەت نەمەسە ەكى رەت قانا تولەسەڭىز، ول قورعا قارىز رەتىندە قاراستىرىلادى.

نە ىستەۋ كەرەك؟ الدىڭعى ايلار ءۇشىن جارنا تولەيتىن ارالىقتى كورسەتە وتىرىپ، دەربەس تولەۋشى رەتىندە 2125 تەڭگە مولشەرىندە جەكە تولەمدەر تولەۋ قاجەت. ءسىز جارنانى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بانك شوتىنا قولما-قول اقشامەن دە، بانك اۋدارىمى ارقىلى دا، ەكىنشى دەڭگەيدەگى بانكتەردىڭ نەمەسە «قازپوشتا» بولىمشەلەرىنىڭ كاسسالارى ارقىلى، سونداي-اق Qiwi جانە Kassa24 تەرمينالدارى، حالىق بانكىنىڭ تەرمينالدارى جانە Kaspi.kz موبيلدىك قوسىمشاسى ارقىلى تولەي الاسىز. ەدب كاسسالارى ارقىلى تولەۋ ءۇشىن دەرەكتەمەلەردى امسق www.fms.kz. سايتىنان بىلۋگە بولادى.

ءۇشىنشى سەبەپ. جۇمىس بەرۋشى كارانتين شارالارىنا بايلانىستى قىزمەتكەرلەردى ۋاقىتشا جالاقىسىز دەمالىسقا جىبەرۋ تۋرالى شەشىم قابىلدادى، سايكەسىنشە مىندەتتى مەديتسينالىق ساقتاندىرۋ بويىنشا اۋدارىمداردى توقتاتتى. ايتار بولساق، قازىرگى ۋاقىتتا شامامەن 4،5 ميلليون ادام جارنالاردى وزدەرى تولەمەيدى، ولار ءۇشىن جۇمىس بەرۋشى تولەم جاسايدى. 

نە ىستەۋ كەرەك؟ ەستەرىڭىزگە سالا كەتەيىك، 20 ساۋىردەن باستاپ ءىرى بيزنەس ءوز قىزمەتكەرلەرى ءۇشىن 1 شىلدەگە دەيىن، شاعىن جانە ورتا بيزنەس 1 قازانعا دەيىن 29 قىزمەت باعىتى بويىنشا اۋدارىمدار تولەۋدەن تولىق بوساتىلدى. وسى كاسىپورىنداردىڭ قىزمەتكەرلەرى ولار ءۇشىن اۋدارىمدار تۇسكەنىنە نەمەسە تۇسپەگەنىنە قاراماستان، وسى كەزەڭگە دەيىن ساقتاندىرىلعان بولىپ سانالادى.

ەگەر ءسىز مىندەتتى مەديتسينالىق ساقتاندىرۋ تولەمدەرىنەن بوساتىلعان كومپانيادا 1 قازانعا دەيىن جۇمىس جاساساڭىز دا، ءوزىڭىزدىڭ ساقتاندىرىلعان مارتەبەڭىز جوقتىعىن بىلسەڭىز، Qoldau 24/7 ءموبيلدى قوسىمشاسىن جۇكتەپ الۋىڭىز دا، «شوب قىزمەتكەرلەرى ءۇشىن» قوسىمشا بەتىن اشىپ، ۇيىمىڭىزدىڭ بسن كورسەتىڭىز،  لاۋازىمعا تاعايىنداۋ تۋرالى بۇيرىقتى جۇكتەپ، سۇرانىس جىبەرىڭىز. ول 30 مينۋت ىشىندە وڭدەلەدى. ەگەر مەملەكەتتىك كىرىستەر كوميتەتىنىڭ  دەرەكتەرى بويىنشا بسن ءمامس تولەۋدەن بوساتىلعاندار تىزىمىنە ەنسە، وندا ازاماتقا 1 كۇنتىزبەلىك ايعا ساقتاندىرىلعان مارتەبەسى بەرىلەدى. وسى ۋاقىت ىشىندە ونىڭ جۇمىس بەرۋشىسى ءتىزىمدى جاڭارتۋى كەرەك. ول ءۇشىن ءسىز مەملەكەتتىك كىرىستەر كوميتەتىنىڭ ۆەب-سايتىنا كىرىپ، ارنايى سىلتەمەنى نەمەسە www.msb.fms.kz سىلتەمەسىن قاراپ، ەتسق قولدانا وتىرىپ، ءوز قىزمەتكەرلەرىڭىزدىڭ دەرەكتەرىن جۇكتەۋىڭىز قاجەت. اتاپ ايتقاندا، تىزىمدەردى اي سايىن جاڭارتىپ وتىرۋ كەرەك.

 

ء تورتىنشى سەبەپ. ءسىز جۇمىسسىز قالدىڭىز جانە ءمامس ءۇشىن جارنا تولەۋگە ەش مۇمكىندىگىڭىز جوق.

نە ىستەۋ كەرەك؟ ەستەرىڭىزگە سالا كەتەيىك، مەملەكەت ءمامس جۇيەسىنىڭ نەگىزگى – ىنتىماقتاستىق قاعيداتىن ۇستانادى، جانە حالىقتىڭ الەۋمەتتىك ءالسىز توپتارىنان 11 ميلليون ازامات ءۇشىن جارنا اۋدارادى. بۇل – 15 جەڭىلدىك ساناتىنداعى ازاماتتار، ونىڭ ىشىندە بالالار، ستۋدەنتتەر، كوپ بالالى انالار، جۇكتى ايەلدەر جانە جۇمىسسىزدار. سوندىقتان، ەگەر ءسىز جۇمىسسىز قالساڭىز جانە قازىرگى ۋاقىتتا امسق-عا جارنا تولەي الماساڭىز، جەرگىلىكتى اتقارۋشى ورگان جانىنداعى جۇمىسپەن قامتۋ ورتالىعىنا بارىپ، جۇمىسسىز رەتىندە رەسمي تۇردە تىركەلۋىڭىز كەرەك. سوندا ءسىزدىڭ مارتەبەڭىز كەلەسى ايدان باستاپ اۆتوماتتى تۇردە «ساقتاندىرىلعان» بولىپ وزگەرەدى.  


بەسىنشى سەبەپ. ءسىز ازاماتتاردىڭ 15 جەڭىلدىك ساناتىنىڭ بىرىنە جاتاسىز، بىراق بۇل تۋرالى بىلمەيسىز. ءبىراز ۋاقىت جارنا تولەيسىز، سودان كەيىن وبەكتيۆتى سەبەپتەرمەن توقتاتاسىز. مەملەكەت ءسىز ءۇشىن جارنا تولەي المايدى، ويتكەنى ءسىزدىڭ مارتەبەڭىز اۆتوماتتى تۇردە تاۋەلسىز تولەۋشى نەمەسە ءوزىن-ءوزى جۇمىسپەن قامتىعان ادام بولىپ وزگەردى.

نە ىستەۋ كەرەك؟ ءسىز ءوزىڭىزدىڭ مەديتسينالىق ۇيىمىڭىزدىڭ پاتسيەنتتى قولداۋ قىزمەتىنە جۇگىنۋىڭىز كەرەك، وندا قىزمەتكەرلەر ءار جاعدايدا مارشرۋتتى جەكە تۇسىندىرەدى. سونداي-اق، Qoldau 24/7 ءموبيلدى قوسىمشاسى ارقىلى ءوتىنىش قالدىرۋعا، 1406 مەديتسينالىق ساقتاندىرۋ قورىنىڭ بايلانىس ورتالىعىنا نەمەسە قوردىڭ  قالالىق فيليالىنا قوڭىراۋ شالۋعا بولادى.

التىنشى سەبەپ. جارنالار مەن اۋدارىمداردى تولەۋ كەزىندە قاتە كورسەتىلگەن دەرەكتەر، نە جەتكىلىكسىز سوما.

نە ىستەۋ كەرەك؟ ءسىز «ازاماتتارعا ارنالعان ۇكىمەت» مەملەكەتتىك كورپوراتسياسىنا حابارلاسىپ، تولەم تۋرالى تۇبىرتەكتەرىڭىزدى ۇسىنۋىڭىز كەرەك. سودان كەيىن قاراجاتتى قايتارۋعا ءوتىنىش جازىڭىز جانە قارىز بولعان ايلار ءۇشىن جارنالاردى قايتا تولەڭىز.

ەسىڭىزدە بولسىن، ەگەر ءسىز ساقتاندىرىلماعان بولساڭىز دا، ءسىز مەملەكەت كەپىلدىك بەرگەن تەگىن مەديتسينالىق كومەك پاكەتىندە مەديتسينالىق كومەك الاسىز. ۋچاسكەلىك دارىگەر، پەدياتر، جالپى پراكتيكا دارىگەرى ماماندارىنىڭ قابىلداۋى، دارىگەردى ۇيگە شاقىرۋ، جەدەل جاردەم، ەمحانا مەن ستاتسيونار دەڭگەيىندەگى شۇعىل كومەك، الەۋمەتتىك ماڭىزى بار، جۇقپالى اۋرۋلاردى، ونكولوگيالىق اۋرۋلاردى ەمدەۋ وسى پاكەتكە كىرەدى جانە ساقتاندىرىلعان مارتەبەسىنە قاراماستان ازاماتتاردىڭ بارلىعىنا كورسەتىلەدى.

 

مالىمەتتەردىڭ قاينار كوزى: «الەۋمەتتىك مەديتسينالىق ساقتاندىرۋ قورى» كەاق، نۇر-سۇلتان قالاسى بويىنشا فيليالىنىڭ ءباسپاسوز قىزمەتى

سوڭعى جاڭالىقتار

انتاليادا اباي ساياباعى اشىلدى

رۋحانيات • بۇگىن، 12:00

اقسايدا سپورت مۋزەيى بار

ايماقتار • بۇگىن، 11:50

ەلىمىزدە تاعى 79 ادام ىندەت جۇقتىردى

كوروناۆيرۋس • بۇگىن، 09:10

تۇراقتى ديالوگتىڭ توركىنى

قوعام • بۇگىن، 08:33

كىندىك شەشە ءھام كىسى مىنەزى

رۋحانيات • بۇگىن، 08:30

ءبىر شاڭىراقتاعى قوس باتىر انا

ايماقتار • بۇگىن، 08:26

مباپپەگە كوز تىگىپ وتىر

فۋتبول • بۇگىن، 08:24

تۇرمەدە وتكەن توي

وقيعا • بۇگىن، 08:21

ءتورت جاسار «پوليتسەي»

ايماقتار • بۇگىن، 08:18

ونەردىڭ ەگىز ءورىمى

ونەر • بۇگىن، 07:58

ابىلاي حاننىڭ قارا جولى

رۋحانيات • بۇگىن، 07:54

كيەلى مەكەن – اقمەشىت

رۋحانيات • بۇگىن، 07:53

ۇقساس جاڭالىقتار