ايماقتار • 19 شىلدە، 2020

اقتوبەدە پاتەر كىلتتەرى تابىس ەتىلدى

38 رەت كورسەتىلدى

بۇگىنگى كۇنى كۆي-مەن جانە ۆيرۋستى پنەۆمونيامەن جان اياماي كۇرەسىپ جۇرگەن مەديتسينا قىزمەتكەرلەرىنىڭ ەڭبەگىنە ەشقانداي تەڭەۋ مەن باعا جەتپەيدى، - دەپ حابارلايدى Egemen.kz

ءتىپتى بۇكىل ەلىمىز ءۇشىن ۇلكەن سىن، وتكەل بەرمەس اسۋ بولىپ وتىرعان ىندەتپەن بەتپە بەت كەلۋ بارىسىندا ءوز باستارىن تاۋەكەل مەن قاۋىپ-قاتەرگە تىگىپ جۇرگەن دەنساۋلىق ساقشىلارى قانشاما.

سونداي-اق GOVID-19-تى اۋىزدىقتاۋ كەزىندە ناعىز ەرلەرگە ءتان ءىس-قيمىل تانىتىپ جۇرگەن پوليتسيا قىزمەتكەرلەرىنىڭ ەڭبەگى دە بيىك باعاعا لايىقتى. ولاردىڭ ءوز قىزمەتىنە ادالدىق تانىتىپ جۇرگەنى داۋىلپاس اقىن ماحامبەتتىڭ: "قابىرعاسىن قاۋساتىپ، ءبىر ءبىرىن دەپ سوكسە دە، قاباعىن شىتپاس ەر كەرەك، ءبىزدىڭ بۇيتكەن بۇل ىسكە" دەگەن وتتى جولدارى ويعا ورالا بەرەدى.

وتكەن جۇما كۇنى اقتوبە وبلىسىنىڭ اكىمى وڭداسىن ورازالين، وسىنداي بۇگىنگى كۇننىڭ ءبىر توپ قاھارماندارىنا "نۇراقتوبە" شاعىن اۋدانىندا تۇرعىزىلعان ۇيلەردەن پاتەر كىلتتەرىن تابىس ەتتى. ولاردىڭ اراسىندا ىندەتپەن كۇرەس كەزىندە جوعارى كاسىبيلىك پەن ۇلكەن جاۋاپكەرشىلىك تانىتا بىلگەن وبلىستىق كليننيكالىق بالالار اۋرۋحاناسىنىڭ دارىگەر-گەمماتولوگى دامەتكەن ەرعالينوۆا، اقتوبە مەديتسينالىق ورتالىعىنىڭ دارىگەرى ايگەرىم تۇكتىباەۆا، مەدبيكە گۇلجان دۇيسەنعۇلوۆا جانە ۋچاسكەلىك پوليتسيا ينسپەكتورلارى مەيرامبەك جولماعامبەتوۆ، داستان سۇلتانعاليەۆ، الەكساندر باشانوۆ، ارداق مىڭجاساروۆ جانە رۋسلان ناۋرىزباەۆ سەكىلدى ءوز ءىسىنىڭ مايتالماندارى بار.

ءسوز تۇيىنىندە "نۇراقتوبە" وبلىس ورتالىعىنىڭ ىرگەسىندەگى شاعىن دا بولسا قۇرىلىسى قارقىندى جاڭا اۋدان ەكەنىن ايتقان ءجون. ايتالىق تەك سوڭعى ەكى-ءۇش جىلدىڭ ارالىعىندا بۇل جەردەن بەس مىڭعا تارتا وتباسى باسپانالى بولىپ پاتەر كىلتتەرىنە يە بولىپتى. ونڭ باسىم بولىگىن بيۋدجەتتىك سالا قىزمەتكەرلەرى قۇرايدى.

سوڭعى جاڭالىقتار

«وميكرون» «تويوتانى» قىسپاققا الدى

تەحنولوگيا • بۇگىن، 14:00

15169 ادام كوروناۆيرۋس جۇقتىردى

كوروناۆيرۋس • بۇگىن، 09:17

ۇقساس جاڭالىقتار