ايماقتار • 18 شىلدە، 2020

9 وتتەگى اپپاراتىن الىپ بەردى

118 رەت كورسەتىلدى

سامار اۋرۋحاناسىنا 3 جانە كوكپەكتى ورتالىق اۋرۋحاناسىنا 3 دانادان بەرىلدى.

الەمدى اۋرەگە سالعان ىندەت ەلىمىزدىڭ تۇرعىندارىن بىرىكتىرىپ، بەرەكە-بىرلىگىن ارتتىرا تۇسكەندەي. «جۇمىلا كوتەرگەن جۇك جەڭىل» دەمەكشى، قازىر ءبىزدىڭ وبلىسىمىزدا دا جۇقپالى دەرتپەن ارپالىسقان اق حالاتتى ابزال جاندارعا جاردەمدەسىپ، ناۋقاستارعا اسا قاجەتتى قۇرىلعىلاردى جەتكىزىپ جاتقان قايىرىمدى جاندار از ەمەس. ماسەلەن، بۇگىن كوكپەكتى اۋدانىنا 6 وتتەگى اپپاراتى جەتكىزىلدى. قاۋىپتى ىندەتپەن كۇرەستە دارىگەرلەرگە وتە قاجەت كومەكشى قۇرال «اق نيەت» قوعامدىق قورىنا جەرگىلىكتى كاسىپكەرلەر جيناعان قاراجات ەسەبىنەن ساتىپ الىندى. «Armed» وتتەگى كونتسەنتراتورلارى سامار اۋرۋحاناسىنا 3 جانە كوكپەكتى ورتالىق اۋرۋحاناسىنا 3 دانادان بەرىلدى. بۇعان دەيىن جاس كاسىپكەرلەر ارايلىم مانديەۆا جانە تيمۋر قاسەنباەۆ كوكپەكتى ورتالىق اۋرۋحاناسىنا 3 وتتەگى اپپاراتتىن الىپ بەرگەن-ءدى.

«ىندەتپەن كۇرەستە اسا ماڭىزدى قۇرىلعىنى قابىلداپ العان كوكپەكتى ورتالىق اۋرۋحاناسىنىڭ باس دارىگەرى اسەم راحىمباەۆا كومەك قولىن سوزعان كاسىپكەرلەرگە بارلىق دارىگەرلەر اتىنان العىس ايتتى. «اق نيەت» قوعامدىق قورىنا قۇيىلعان كومەك قاراجاتى ەسەبىنەن وتتەگى اپپاراتتارىنان بولەك كوكپەكتى ورتالىق اۋرۋحاناسىنا 25 پروۆيزورلىق جانە 10 كارانتيندىك توسەك ورىن دايىنداۋعا قاجەتتى سانتەحنيكا قۇرالدارى ساتىپ الىنعان. سونداي-اق، كوكپەكتى ورتالىق اۋرۋحاناسىنا 3 جانە سامار اۋرۋحاناسىنا 5 بوبروۆ قۇرىلعىسى بەرىلدى.

جۇرت بولىپ جۇمىلىپ، دارىگەرلەرگە دەم بەرىپ، اۋرۋحانالارعا كومەكتەسىپ جاتقان اعايىن كوپ. ەل باسىنا قيىنشىلىق كەلگەن كەزدە كوكپەكتى جانە سامار اۋىلدارى تۇرعىندارى قاراپ جاتپاي اۋرۋحانادا ناۋقاستاردىڭ ءومىرى ءۇشىن كۇرەسىپ جاتقان دارىگەرلەرگە، ناۋقاستارعا دەرتتەرىنە شيپا بولسىن دەگەن نيەتپەن ەت، قىمىز، قۇرت، تاعى باسقا دا ازىق تۇرلەرىن اپارىپ جاتىر. الەمدى الەككە سالعان ىندەتپەن كۇرەستە كوكپەكتىلىك كاسىپكەرلەر، ەلجاندى ازاماتتار اۋدان باسشىسى اسحات سايداحمەت ۇلىنىڭ ۇندەۋىنە ءۇن قوسىپ جاتقانى قۋانتادى. وسى رەتتە اۋدان تۋمالارى مەن جەكە كاسىپكەرلەرگە ەرەكشە العىس ايتامىز» دەيدى اۋداندىق ءماسليحات دەپۋتاتى دارحان بەردىبەك.

شىعىس قازاقستان وبلىسى،

كوكپەكتى اۋدانى

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار