قازاقستان • 15 شىلدە، 2020

ەكولوگيا مينيسترلىگى مارقاكول كولىندە براكونەرلىكپەن كۇرەسۋ شارالارىن قابىلدادى

11 رەت كورسەتىلدى

ەكولوگيا، گەولوگيا جانە تابيعي رەسۋرستار مينيسترلىگى "مارقاكول مەملەكەتتىك تابيعي قورىعى" رمم اۋماعىندا مۇددەلى مەملەكەتتىك ورگاندارمەن كەلىسىلگەن براكونەرلىكپەن كۇرەس بويىنشا 2020 جىلعا ارنالعان تۇتاس ءىس-قيمىل جوسپارىن بەكىتتى، دەپ حابارلادى مينيسترلىكتىڭ ءباسپاسوز قىزمەتى.

مارقاكولدەگى احۋالعا قازاقستان پرەزيدەنتى قاسىم-جومارت توقاەۆ ايرىقشا نازار اۋدارۋدا. وتكەن جىلعى شىلدەدە ول شىعىس قازاقستان وبلىسىنداعى مارقاكول كولىندەگى ۇقت ارەكەتىنىڭ جولىن كەسۋدى تاپسىرعان بولاتىن. "قۇقىققورعاۋ ورگاندارىنا مارقاكول كولىندەگى (شقو) ۇقت ارەكەتىنىڭ جولىن كەسۋ تۋرالى تاپسىرما بەردىم. براكونەرلەر ۋىلدىرىقتى كوپتەپ ءوندىرۋ ءۇشىن بۇل جەردە مايقان بالىعىن زاڭسىز اۋلاۋدا. بۇل باقىلاۋعا الىنادى"، - دەگەن ەدى مەملەكەت باسشىسى.

ۋىلدىرىق شاشۋ كەزەڭىندە بالىق قورىن ساقتاۋدى كۇشەيتۋ ماقساتىندا ۇستىمىزدەگى جىلعى 1 مامىردان 30 ماۋسىمعا دەيىن مارقاكول كولىنىڭ اينالاسىندا، ۋىلدىرىق شاشاتىن وزەندەردە بالىق قورىن تاۋلىك بويى قورعاۋعا ارنالعان 12 بەكەت ورناتىلدى. پروكۋراتۋرا، پوليتسيا، "وحوتزووپروم" رمقك، ينسپەكتسيامەن جانە ت.ب. ۇيىمدارمەن بىرلەسكەن 600 جەدەل رەيدتىك شارا جانە 11 رەيد وتكىزىلدى.

ناتيجەسىندە، مىسالى، مامىردا ۋرۋنحايكا وزەنىندە جالپى مايقان تۇقىمداس 2 دانا بالىقتى ۇستاعان ەكى جەرگىلىكتى تۇرعىن ۇستالدى. كۇرشىم اۋدانىنىڭ № 2 اۋداندىق سوتىنىڭ شەشىمىمەن كىنالىلەر ايىپپۇل تۇرىندە اكىمشىلىك جاۋاپكەرشىلىككە تارتىلدى. ايىپپۇلدار مەن زالالدار تولىعىمەن ءوندىرىلدى.

مارقاكول قورىعىنىڭ اۋماعىندا قر قىلمىستىق كودەكسىنىڭ بابى بويىنشا قوزعالعان بالىق رەسۋرستارىن، باسقا دا سۋ جانۋارلارى مەن وسىمدىكتەرىن زاڭسىز الۋ بويىنشا قىلمىستىق ىستەردى سوتقا دەيىنگى تەرگەۋ جالعاسۋدا. سونىمەن، ماۋسىمدا 10 كۇدىكتىگە قاتىستى قىلمىستىق سوت وتىرىسى وتكىزىلىپ، ماتەريالدار قوسىمشا تەرگەۋگە قايتارىلدى.

سونداي-اق، وسى جىلدىڭ ناۋرىزىنداعى قىزمەتتىك تەرگەۋ ناتيجەلەرى بويىنشا بەلگىسىز بىرەۋلەردىڭ مارقاكول كولىنەن  زاڭسىز بالىق اۋلاۋ فاكتىلەرى تۋرالى اقپارات راستالماعانىن ەسكەرتەمىز. ورمان شارۋاشىلىعى جانە جانۋارلار دۇنيەسى كوميتەتى ىشكى تەكسەرۋ جۇرگىزدى.  

سونىمەن قاتار، ۇستىمىزدەگى جىلدىڭ باسىنان باستاپ ەكولوگيا مينيسترلىگى قورىق ايماعىنداعى مارقاكول كولىندە جەرگىلىكتى حالىقتىڭ بالىق اۋلاۋ ەرەجەلەرىنە وزگەرىستەر ەنگىزدى. ارنايى بەلگىلەنگەن بالىق اۋلاۋ الاڭدارىنىڭ سانى تورتتەن بىرگە دەيىن ازايتىلدى. بۇل جەر مارقاكول كولىنىڭ سولتۇستىك-شىعىس بولىگىندە، ۋرۋنحايكا اۋىلىنا جاقىن جەردە ورنالاسقان. تاعى ءبىر وزگەرىس، بالىق اۋلاۋعا جولداما تۇرعىلىقتى جەرى بويىنشا تىركەلگەن جەكە تۇلعالارعا عانا بەرىلەدى.

سونداي-اق، مينيسترلىك قر پارلامەنتى ماجىلىسىنە مايقان بالىعىن ءۇشىنشى تۇلعالارعا ساتۋعا تىيىم سالۋ تۋرالى جانە مارقاكول كولىندە جىرتقىش قۇستاردى (سۋقۇزعىن) رەتتەۋ تۋرالى ەرەجەنى ەنگىزۋ تۋرالى ۇسىنىستاردى ەنگىزدى. ايتا كەتەيىك، بۇگىنگى تاڭدا سۋقۇزعىندار سانى 2019 جىلمەن سالىستىرعاندا 20 ەسە ازايدى جانە شامامەن 450-دەي.

سوڭعى جاڭالىقتار

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار