ايماقتار • 15 شىلدە، 2020

الماتى يندۋستريالدى ايماعىندا 35 جوبانى ىسكە قوسۋ جوسپارى بار

11 رەت كورسەتىلدى

2021 جانە ودان كەيىنگى جىلدارى الماتى يندۋستريالدى ايماعىندا 35 جوبانى ىسكە قوسۋ جوسپارلانعان. جوبالاردىڭ جالپى قۇنى 151 ملرد تەڭگەنى قۇراماق، 5 مىڭنان استام جۇمىس ورنى اشىلادى.

جۇزەگە اسىرىلاتىن جوبالاردىڭ قاتارىندا مەتالل قۇرىلىمدارىن ءوندىرۋ، شينالاردى شىعارۋ، ءسۇت جانە ىرىمشىك ونىمدەرىن، مەديتسينالىق بۇيىمداردى، گازدى ءورت ءسوندىرۋ جۇيەلەرىن، جورگەكتەردى، پلاستيكالىق پروفيلدەردى، شىنى پاكەتتەرگە ارنالعان اكسەسسۋارلاردى، اليۋميني جانە بيمەتالل جىلۋ رادياتورلارىن، كولىك-لوگيستيكالىق جانە تاراتۋ ورتالىقتارىن ءوندىرۋ باعىتىنداعى باستامالاردى ىسكە اسىرۋ جوسپارلانۋدا. سونداي-اق، يندۋستريالىق ايماقتا 20-دان استام كاسىپورىن ەكسپورتقا باعىتتالعان ءونىم شىعاراتىن بولادى.

الماتى يندۋستريالدى ايماعى 2012 جىلى قۇرىلعان. يندۋستريالىق ايماق جەكە كاسىپكەرلىككە مەملەكەتتىك قولداۋ كورسەتۋ ماقساتىندا قۇرىلعان جانە، ءبىرىنشى كەزەكتە، الماتى قالاسىندا ونەركاسىپتىڭ باسىمدى باعىتتارىن دامىتۋعا ارنالعان – ول ماشينا جاساۋ، تاماق، جەڭىل، فارماتسەۆتيكا جانە حيميا ونەركاسىپتەرى، قۇرىلىس ماتەريالدارىن ءوندىرۋ. سونىمەن قاتار، قالانىڭ تۇرعىن اۋداندارىنان ونەركاسىپ كاسىپورىندارىنىڭ ورىن اۋىستىرۋىنا، تەحنولوگيالىق، يننوۆاتسيالىق ءونىم شىعارۋعا، يمپورتتى الماستىرۋعا باعىتتالعان ينۆەستيتسيالىق جوبالارعا ارتىقشىلىق كورسەتىلەدى.

يندۋستريالىق ايماقتىڭ جالپى اۋدانى 490 گا قۇرايدى، ونىڭ 326 گا (ينفراقۇرىلىمعا 164 گا) جوبالارعا ءبولىندى. بۇگىندە ينۆەستيتسيالىق جوبالاردى ىسكە اسىرۋ ءۇشىن 268،2 گا (57،8 گا ەركىن) قاراستىرىلعان. 260 ملرد.تەڭگەگە 58 كومپانيا رەزيدەنتتەر بولىپ تابىلادى، ونىڭ ىشىندە شەتەلدىك قاتىسۋمەن 18 كومپانيا (قىتاي، رەسەي، جاپونيا، يران، مالايزيا، ءباا، گەرمانيا، وڭتۇستىك كورەيا، تۇركيا، اقش). وسىلايشا 8،5 مىڭ جۇمىس ورنىن قۇرۋ كوزدەلگەن.

قازىرگى ۋاقىتتا جالپى سوماسى 67،4 ملرد تەڭگە بولاتىن 12 كاسىپورىن ىسكە قوسىلدى، ناتيجەسىندە 1 669 جۇمىس ورنى قۇرىلدى: "BRBAPK" جشس جىلىجاي كەشەنى، قاعازدان جاسالعان قاپتار ءوندىرۋ بويىنشا "Almapack Co.LTD" زاۋىتى، "DOC Co.LTD" جشس ۇيىمداستىرۋ تەحنيكاسىنا ارنالعان كارتريدجدەر ءوندىرۋ زاۋىتى، "TOKYO ROPE ALMATY" جشس ينجەنەرلىك قاۋىپسىزدىك جۇيەلەرىن ءوندىرۋ زاۋىتى، "KMK Investment" جشس كابەلدىك ءونىم ءوندىرۋ زاۋىتى.

ال، وتكەن جىلى الماتىنىڭ يندۋستريالدى ايماعىندا 848 جۇمىس ورنىن قۇرۋمەن جالپى سوماسى 42،4 ملرد تەڭگە بولاتىن 7 جوبا ىسكە اسىرىلدى. ولاردىڭ ىشىندە "KazTigerTape" جشس سكوتچ جانە سترەيچ-پلەنكا ءوندىرۋ زاۋىتى، "ASSET" جشس پوليمەرلىك بۇيىمدار ءوندىرۋ زاۋىتى، "ەنكو" جشس جىلۋمەن-سۋمەن جابدىقتاۋ جابدىقتارىن ءوندىرۋ زاۋىتى، "Asia Steel Pipe Corporation" جشس ۇلكەن ديامەترلى دانەكەرلەنگەن بولات قۇبىرلار ءوندىرۋ زاۋىتى، "تەحنوۆيد" جشس ەنەرگوتيىمدى ساۋلەت قاسبەتتەرىن شىعارۋ زاۋىتى، "مپز بيجان" جشس ەت ونىمدەرى مەن جارتىلاي فابريكاتتاردى ءوندىرۋ زاۋىتى، سونداي-اق "المەرەك" جشس ءبىر رەت قولدانىلاتىن مەديتسينالىق ماقساتتاعى بۇيىمداردى ءوندىرۋ زاۋىتى بار.

ايتا كەتۋ كەرەك، يندۋستريالىق ايماققا قاتىسۋشى كومپانيالار سالىق جەڭىلدىكتەرى مەن كەدەندىك پرەفەرەنتسيالار، مەملەكەتتىك زاتتاي گرانت، 7 جىل مەرزىمگە جىلدىق 2-دەن 7% - عا دەيىنگى جەڭىلدىكتى نەسيە الۋ مۇمكىندىگىنە يە.

مەكەن-جايى: الماتى قالاسى، "العاباس" شاعىن اۋدانى، 7 كوشەسى، 142/26

+7 (727) 237 69 13

+7 (727) 237 69 11

info@indzone.kz

سوڭعى جاڭالىقتار

ۇقساس جاڭالىقتار