قازاقستان • 15 شىلدە، 2020

جىل باسىنان بەرى تەمىر جول كولىگىمەن 137 ملن توننا جۇك تاسىمالداندى

11 رەت كورسەتىلدى

بيىلعى ءبىرىنشى جارتى جىلدىقتا ەلىمىزدە تەمىر جول كولىگىمەن جۇك تاسىمالداۋدا وڭ سەرپىن بايقالادى. وتكەن جىلى وسى كەزەڭدە بۇل كورسەتكىش 134 ملن. توننا بولسا، بيىل العاشقى 6 ايدا 137 ملن. تونناعا جەتىپ، 2،2% ءوسىم بولدى. بۇعان ەكونوميكالىق ءوسىمى قالپىنا كەلتىرۋ جونىندەگى كەشەندى جوسپار شەڭبەرىندە ۋاقىتىلى قابىلدانعان شارالار ىقپال ەتتى.

اتاپ ايتقاندا، جۇك جونەلتۋشىلەر ءۇشىن جۇكتەردى ساقتاۋ، ۆاگونداردىڭ تۇرعانى ءۇشىن الىمدار مەن تولەمدەر، سونداي-اق ايلىق وتىنىمدەر بويىنشا تيەۋ جوسپارىن ورىنداماعانى ءۇشىن سالىناتىن ايىپپۇلدار الىنىپ تاستالدى.

بۇدان باسقا، توتەنشە جاعدايدا جانە امالسىز بوس تۇرعان كەزەڭدە جولاۋشىلاردى تاسىمالداۋشىلاردى قولداۋ بويىنشا ءىس جۇزىندەگى شىعىنداردى سۋبسيديالاۋ جانە ەڭبەكاقى تولەۋ قورى بولىگىندە شارالار قابىلداندى.

سونىمەن قاتار، جولاۋشىلار ۆاگوندارىنىڭ تاپشىلىعىن جويۋ ماقساتىندا اعىمداعى جىلدىڭ ءبىرىنشى جارتىجىلدىعىندا 50 جولاۋشى ۆاگونى ساتىپ الىندى. ولار نۇر – سۇلتان – ارقالىق باعىتىنا 14 ۆاگون، اتىراۋ – ماڭعىستاۋ – 18، الماتى – جەزقازعان – 10، نۇر-سۇلتان-سەمەي - 8 ۆاگون ءتۇستى.

بۇدان باسقا، تەمىر جول كولىگىمەن تاسىمالداۋدىڭ نورماتيۆتىك نەگىزدەرىن جەتىلدىرۋ بويىنشا بەلسەندى جۇمىس جۇرگىزىلۋدە.

وسىلايشا، بيىلعى ءبىرىنشى جارتىجىلدىقتا تاسىمالداۋشىلار كوپ بولعان  جاعدايدا تاسىمالداۋ پروتسەسىندەگى ءاربىر قاتىسۋشىنىڭ ءوزارا ءىس-قيمىل ءتارتىبىن ايقىنداۋعا باعىتتالعان تەمىر جول كولىگى ماسەلەلەرى جونىندەگى زاڭ جوباسىنىڭ تۇجىرىمداماسى ازىرلەندى.

اعىمداعى جىلدىڭ ەكىنشى جارتىسىندا جۇك تاسىمالى نارىعىندا شىنايى باسەكەلەستىكتى دامىتۋ ءۇشىن ءتيىستى زاڭ جوباسىن ازىرلەۋ جوسپارلانىپ وتىر.

انىقتاما:

بۇگىنگى تاڭدا "قتج "ۇك" اق مەن ERG كومپانيالار توبىنىڭ تاپسىرىسى بويىنشا Ernst and Young كونسالتينگتىك كومپانياسى جۇك تاسىمالداۋ نارىعىنىڭ مودەلىنە جەكە جۇك تاسىمالداۋشىلاردىڭ اعىمداعى كورسەتكىشتەرىندەگى تالداۋ جۇرگىزۋدە.

مۇنداي جۇمىس تەمىر جول سالاسىنىڭ تاريف بەلگىلەۋىن ءادىل رەفورمالاۋ جانە جەكە جانە ۇلتتىق جۇك تاسىمالداۋشى قىزمەتىنە بىردەي جاعداي جاساۋ ءۇشىن قاجەت.

سوڭعى جاڭالىقتار

ۇقساس جاڭالىقتار