ايماقتار • 15 شىلدە، 2020

شىمكەنتتە 305 اۋلانى اباتتاندىرۋ جۇمىسى جۇرگىزىلەدى

93 رەت كورسەتىلدى

بيىل شىمكەنت قالاسىندا 305 اۋلادا اباتتاندىرۋ جۇمىستارى جۇرگىزىلىپ، ويىن جانە سپورت الاڭشالارى جاڭارتىلادى.

وعان رەسپۋبليكالىق جانە جەرگىلىكتى قازىنادان   5 ملرد  تەڭگەگە جۋىق قارجى ءبولىندى. بۇگىندە 232 اۋلادا اباتتاندىرۋ جۇمىستارى باستالعان.

اتالعان قۇرىلىستىڭ  ساپاسىن تەكسەرىپ، قارجىنىڭ ءتيىمدى يگەرىلۋىن باقىلاۋ ماقساتىندا شىمكەنت قالاسىنىڭ اكىمى م.ايتەنوۆ ءال-فارابي اۋدانىنداعى اتقارىلىپ جاتقان اباتتاندىرۋ جانە جول جوندەۋ جۇمىستارىمەن تانىستى. 

قالا اكىمى رەسپۋبليكا داڭعىلىنىڭ بويىندا ورنالاسقان 43 ا، 19، 19ا، 19ب، 45، 41ا كوپقاباتتى ۇيلەردىڭ اۋلاسىندا بولىپ، ونداعى قۇرىلىس جۇمىستارىن كوردى. ويىن جانە سپورت الاڭشالارىنداعى جوندەۋ جۇمىستارىنىڭ ساپاسىن قارادى. 

اتالعان قۇرىلىسقا جاۋاپتى مەردىگەرلەر جۇمىستى تولىعىمەن تامىزدا اياقتاۋدى جوسپارلاپ وتىر.

بىرقاتار اۋلانى ارالاعان اكىم، مەردىگەرلەرگە جۇمىسشىلار اراسىندا سانيتارلىق نورمالاردىڭ ساقتالۋىن جانە ولاردىڭ جالاقىسىن ۋاقتىلى بەرىلۋىن تاپسىردى. سونداي-اق،  جۇمىستىڭ ساپالى ءارى مەرزىمىندە اياقتالۋىن ايتتى. 

ارالاۋ بارىسىندا مۇرات ايتەنوۆ سەيسميكالىق اپاتتى دەپ تانىلعان اسقاروۆ كوشەسىندەگى №9ا كوپقاباتتى تۇرعىن ۇيدە جۇرگىزىلىپ جاتقان كۇردەلى جوندەۋ جانە قالىپقا كەلتىرۋ جۇمىستارىن كوردى. اتالعان تۇرعىنۇيدىڭ كۇردەلى جوندەۋ جۇمىستارىن قىركۇيەك ايىندا اياقتاۋ جوسپارلاۋدا. 

 

سوڭعى جاڭالىقتار

ۇقساس جاڭالىقتار