ۇكىمەت • 15 شىلدە، 2020

اسكەرلەردىڭ جاۋىنگەرلىك دايىندىق فورماتى وزگەرۋدە

14 رەت كورسەتىلدى

قورعانىس مينيسترلىگىندە اپپاراتتىق كەڭەس ءوتتى. كۇن تارتىبىنە اسكەرلەردىڭ جاۋىنگەرلىك دايىندىعى مەن اسكەري قىزمەتشىلەردىڭ كوروناۆيرۋسپەن كۇرەسكە قاتىسۋى، مەرزىمدى قىزمەتكە شاقىرۋ ماسەلەلەرى قويىلدى.

قورعانىس ۆەدومستۆوسىنىڭ باسشىلىعى بەكىتىلگەن جوسپارلارعا سايكەس جاۋىنگەرلىك وقۋدى تولىق كولەمدە جالعاستىرۋعا جانە كارانتيندىك شارالاردى قاتاڭ ساقتاۋعا باسا نازار اۋداردى.

ۆەدومتسۆو باسشىسىنا اسكەرلەردىڭ جاي-كۇيى مەن جەكە قۇرامدى دايارلاۋ، سونىمەن قاتار وقىتۋ جوسپارلارىنىڭ ورىندالۋى تۋرالى وڭىرلىك قولباسشىلىقتار مەن اسكەر تەكتەرىنىڭ باس قولباسشىلارى مەن قولباسشىلارى باياندادى.

ايتا كەتۋ كەرەك، دەسانتتىق-شابۋىلداۋ اسكەرلەرىنىڭ اسكەري قىزمەتشىلەرى پاراشيۋتپەن 800 – دەن استام سەكىرۋدى جۇزەگە اسىردى، ونىڭ 64-ءى تۇندە وتكىزىلدى. اسكەرلەردە ارنايى-تاكتيكالىق وقۋ-جاتتىعۋلار وتكىزىلىپ، ماماندىقتار بويىنشا دايىندىق جالعاسۋدا.

اۋە قورعانىسى كۇشتەرىندە اۆياتسيالىق تەحنيكانى جوندەۋ مەن جاڭعىرتۋدان كەيىن قابىلداۋ جونىندەگى ءىس-شارالار جۇزەگە اسىرىلادى، جاس ۇشقىشتار قۇرامىمەن ۇشۋ داعدىلارىن وقىتۋ جانە جەتىلدىرۋ ءۇشىن جوسپارلى وقۋ-جاتتىعۋ ۇشۋلارى وتكىزىلەدى.

بارلاۋ بولىمشەلەرىمەن، اۋە شابۋىلىنا قارسى قورعانىس بولىمشەلەرىمەن جانە ارتيللەريالىق بولىمشەلەرمەن لاگەرلىك جيىن وتكىزىلەدى. ولار ادەتتەگىدەي وڭىرلىك پرينتسيپ بويىنشا وتەدى، وندا ايماق اسكەرلەرى كوپ شاقىرىمدى جاياۋ شەرۋلەر، اسكەري تەحنيكانىڭ شىعۋى جانە بەرىلگەن پوليگونعا شوعىرلانادى.

كۇردەلى ەپيدەميولوگيالىق جاعدايدااسكەرلەردى دايارلاۋ فورماتىنىڭ وزگەرۋى ءماجبۇرلى شارا بولدى. مينيستر لاگەرلىك جيىنداردى پوليگوندارعا بارماي، تۇراقتى ورنالاسقان پۋنكتتەرگە جاقىن جەردە دالالىق ساباقتار تۇرىندە وتكىزۋدى تاپسىردى. باس قولباسشىلار مەن اسكەرلەر قولباسشىلارىنا وتكىزىلەتىن ساباقتاردى جان-جاقتى باقىلاۋدى قامتاماسىز ەتۋ، ماقساتتارى مەن ناقتى تۇپكىلىكتى ناتيجەلەرىن كورسەتە وتىرىپ، ساباقتار باعدارلامالارىن ازىرلەۋ جانە جەكە ءوزى بەكىتۋ جونىندە نۇسقاۋ بەرىلدى.

اسكەرلەردىڭ جاۋىنگەرلىك وقۋ نىساندارىنىڭ ءبىرى – حالىقارالىق ارميالىق ويىندار. بۇل جاي عانا جارىس ەمەس، ارميانى دايىنداۋ مەن ونىڭ جاۋىنگەرلىك قابىلەتىن كۇشەيتۋدىڭ ەلەمەنتىسانالادى. جاتتىعۋلار مەن جارىستار بارىسىندا اسكەري قىزمەتشىلەر ءوز شەبەرلىكتەرىن ارتتىرىپ، ءتۇرلى قارۋ-جاراق پەن اسكەري تەحنيكانى يگەرىپ، اسكەردىڭ دايىندىق دەڭگەيىن كورسەتىپ، باسقالاردان ۇيرەنۋگە مۇمكىندىك الا وتىرىپ، تاجىريبە الماسادى. اۋقىمدى حالىقارالىق اسكەري جارىستار اسكەري-ساياسي بايلانىستاردى نىعايتۋعا ءوز ىقپالىن تيگىزەدى.

قارۋلى كۇشتەردە كوماندالاردى جوسپارلى دايىنداۋ ۇدەرىسى جالعاسۋدا. مينيستر اتاپ وتكەندەي، سانيتارلىق-ەپيدەمياعا قارسى شارالار مەن ويىنداردى ۇيىمداستىرۋشى ەلدەردىڭ تالاپتارىن ەسكەرۋ جانە ساقتاۋ ماڭىزدى. قاتىسۋشىلارعا كارانتين جانە تەستىلەۋ بويىنشا قاتاڭ مەديتسينالىق تالاپتار قولدانىلادى. بارلىق سايىستار ەلدى مەكەندەردەن الشاق، سونداي-اق اشىق اۋادا وتكىزىلەدى.

جىل سايىن قاتىسۋشىلار قۇرامى جاڭارتىلادى. كوماندالار كونكۋرس ەرەجەلەرءىنىڭ تالاپتارىنا سايكەس قۇرىلادى. قورعانىس ۆەدومستۆوسىنىڭ باسشىسى كوماندالاردى دايىنداۋ ناتيجەلىلىگىن ارتتىرۋ، قاتىسۋشىلاردى جەكە جانە كوماندالىق سىناقتاردا جوعارى كورسەتكىشتەرگە قول جەتكىزۋگە ىنتالاندىرۋ جونىندە تاپسىرما بەردى.

جىلداعى داستۇرگە سايكەس، ارمي-2020 ارميالىق ويىندارىنىڭ بىرنەشە سايىسى ەلىمىزاۋماعىنداعى گۆاردەيسك گارنيزونىنىڭ پوليگوندارىندا وتەدى. سونىمەن قاتار، ارميالىق ويىندارعا قاتىسۋ تۋرالى تۇپكىلىكتى شەشىم ەپيدەميولوگيالىق جاعدايدى نەگىزگە الا وتىرىپ قابىلدانادى.

قارۋلى كۇشتەر جەرگىلىكتى اتقارۋشى ورگاندار مەن توتەنشە جاعداي ورگاندارىنا دەزينفەكتسيالاۋ بويىنشا كومەك كورسەتۋدى قايتا باستادى.

اتاپ ايتقاندا، اتىراۋدا قالالىق قىزمەتكە كومەك رەتىندە اسكەري قىزمەتشىلەردىڭ جەكە قۇرامى مەن قاجەتتى جابدىقتار ءبولىندى. دەزينفەكتسيالاۋجۇمىستارى اقمولا، تاراز، شىمكەنت جانە قىزىلوردا گارنيزوندارىندا جوسپارلانعان.

قاراعاندى اسكەري لازارەت دارىگەرلەرىنىڭ ءبىر توبى ازاماتتىق مەديتسينا ماماندارىمەن بىرگە كوروناۆيرۋسپەن كۇرەسۋگە قاتىسادى. ءوڭىر باسشىسى اسكەري مەديتسينا قىزمەتكەرلەرىنە قيىن ۋاقىتتا قاجەتتى كومەك كورسەتكەنى ءۇشىن العىسىن ءبىلدىردى.

بەلگىلەنگەن مەرزىمدەرگە سايكەس ازاماتتاردى مەرزىمدى اسكەري قىزمەتكە شاقىرۋ وتەدى. وعان قوسا قارۋلى كۇشتەردىڭ اسكەري بولىمدەرى جاساقتالادى. جاس بۋىن دەنساۋلىعىنىڭ قاۋىپسىزدىگىن قامتاماسىز ەتۋ بويىنشا قوسىمشا شارا رەتىندە «قازاقستان تەمىر جولى» ۇك اق-مەن اسكەرگە شاقىرىلۋشىلاردى قىزمەت ورىندارىنا جىبەرۋ ءۇشىن جەكە تەمىر جول ۆاگونىن ءبولۋ مۇمكىندىگىن پىسىقتاۋ تۋرالى نۇسقاۋ بەرىلدى.

سوڭعى جاڭالىقتار

ۇقساس جاڭالىقتار