ايماقتار • 15 شىلدە، 2020

اككۋمۋلياتور ۇرلىعى اشىلدى

8 رەت كورسەتىلدى

تۇركىستان وبلىسىندا پوليتسەيلەر بىرنەشە اككۋمۋلياتور ۇرلىعىن اشتى، – دەپ حابارلايدى Egemen.kz  Polisia.kz سايتىنا سىلتەمە جاساپ.

سايرام اۋدانىنىڭ پوليتسياسىنا جەرگىلىكتى تۇرعىندار شاعىمدانىپ، تۇراقتا تۇرعان جەڭىل اۆتوكولىك جانە جۇك كولىكتەرىنىڭ اككۋمۋلياتورلارى ۇرلانعانى تۋرالى بىرقاتار ارىزدار ءتۇسىردى. جابىرلەنۋشىلەردىڭ ءبىرىنىڭ حابارلاۋىنشا، ونىڭ “كاماز” ماركالى اۆتوكولىگىنەن بەلگىسىز ادامدار ەكى اككۋمۋلياتورىن الىپ، 60 مىڭ تەڭگە كولەمىندە شىعىن كەلتىرگەن. سول كۇنى اۆتوۇرى 1-2 ساعات ىشىندە تاعى بىرنەشە اۆتوكولىكتەن اككۋمۋلياتورلاردى جىمقىرىپ كەتكەن. اتالعان جايتتار سايرام اپب–مەن سدتتبت-عا ەنگىزىلىپ، قر قك–نىڭ 188-بابى “ۇرلىق“ بويىنشا تىركەلدى.

اككۋمۋلياتور ۇرلاۋشىنى ۇستاۋ ماقساتىندا پوليتسيا باسقارماسىندا تاجىريبەلى قىزمەتكەرلەردەن جەدەل-تەرگەۋ توبى قۇرىلدى. جەدەل-ىزدەستىرۋ ءىس-شاراسى بارىسىندا پوليتسيا قىزمەتكەرلەرى جيناقتالعان اقپارات كوزدەرى ارقىلى شىمكەنت قالاسى كوشەلەرىنىڭ بىرىنەن كۇدىكتىنى قۇرىقتادى. ول بۇرىن سوتتالعان، مەگاپوليستىڭ تۇرعىنى بولىپ شىقتى.

تەرگەۋ بارىسىندا كۇدىكتىنىڭ ءتورت اككۋمۋلياتور باتارەيالارىن ۇرلاۋعا قاتىستىلىعى انىقتالدى. ۇرلانعان م ۇلىكتى اۆتوۇرى شىمكەنت قالاسىنداعى مەتالل قابىلداۋ بەكەتىنە وتكىزىپ، ال اقشاسىن ءوز قاجەتتىلىگىنە جۇمساعان.

جابىرلەنۋشىلەرگە كەلتىرىلگەن شىعىننىڭ جالپى كولەمى 250 مىڭ تەڭگەنى قۇرادى. قازىرگى ۋاقىتتا اتالعان جايتتار بويىنشا سوتقا دەيىنگى تەرگەۋ امالدارى جۇرگىزىلىپ جاتىر. پوليتسيا قىزمەتكەرلەرى ۇرلانعان م ۇلىكتىڭ ءبىر بولىگىن ايعاقتى زات رەتىندە الىپ، زاڭدى يەسىنە قايتاردى.

سوڭعى جاڭالىقتار

ۇقساس جاڭالىقتار