مەديتسينا • 15 شىلدە، 2020

مەملەكەتتىك ناگرادالار قايتىس بولعان دارىگەرلەردىڭ تۋىستارىنا تاپسىرىلدى

16 رەت كورسەتىلدى

بۇگىن قالالىق اكىمدىكتە مەديتسينا قىزمەتكەرلەرىنە مەملەكەتتىك ناگرادالار تاپسىرۋ ءراسىمى ءوتتى، دەپ حابارلايدى نۇر-سۇلتان اكىمدىگىنىڭ رەسمي سايتى.

قازاقستان رەسپۋبليكاسى پرەزيدەنتىنىڭ جارلىعىمەن قىزمەتىن مۇلتىكسىز ورىنداعانى جانە ازاماتتاردىڭ دەنساۋلىعىن قورعاۋداعى ەرەكشە ەڭبەگى ءۇشىن ەلوردانىڭ كوپ سالالى مەديتسينالىق ورتالىعىنىڭ حيرۋرگيا ءبولىمىنىڭ مەڭگەرۋشىسى قىزمەتىن اتقارعان ولجاباي قوجاعاليەۆ "پاراسات" وردەنىمەن ماراپاتتالدى.
ول كوروناۆيرۋس پاندەمياسى كەزىندە العى شەپتە بولىپ، وسى ىندەتتەن قايتىس بولدى. ماراپاتتى دارىگەردىڭ ۇلى ارمان قوجاعاليەۆكە قالا اكىمىنىڭ ورىنباسارى باقتيار ماكەن تابىستادى. ولجاباي قوجاعاليەۆ 1958 جىلى 1 ناۋرىزدا سولتۇستىك قازاقستان وبلىسىندا دۇنيەگە كەلگەن. ءومىرىنىڭ 34 جىلىن ءوز ماماندىعىنا ارنادى. ەڭبەك جولىن وبلىستىق اۋرۋحانانىڭ دارىگەرىنەن باستاپ ەلوردالىق ەمحانانىڭ حيرۋرگيا ءبولىمىنىڭ مەڭگەرۋشىسىنە دەيىن قىزمەت ەتتى. 1986 جىلدىڭ شىلدەسىنەن 1987 جىلدىڭ قىركۇيەگىنە دەيىن مامليۋت ورتالىق اۋداندىق اۋرۋحاناسىندا حيرۋرگ بولىپ جۇمىس ىستەدى. 1987 جىلدىڭ قىركۇيەگىنەن 1991 جىلدىڭ تامىزىنا دەيىن اۋداندىق اۋرۋحانالاردا حيرۋرگ بولدى. 1991 جىلدىڭ تامىزىنان 1997 جىلدىڭ تامىزىنا دەيىن كورەەۆ اۋداندىق اۋرۋحاناسىنىڭ حيرۋرگيا ءبولىمىنىڭ مەڭگەرۋشىسى بولىپ ەڭبەك ەتتى. 1997 جىلدىڭ قىركۇيەگىنەن 1999 جىلدىڭ ساۋىرىنە دەيىن دياگنوستيكا ءبولىمنىڭ ەندوسكوپيستى بولدى. 1999 جىلدىڭ ساۋىرىنەن 1999 جىلدىڭ جەلتوقسانىنا دەيىن و.قوجاعاليەۆ استانا قالاسىنداعى مەديتسينالىق قىزمەتتەرگە اقى تولەۋ ورتالىعىنىڭ مەديتسينالىق قىزمەتتەردىڭ ساپاسىن باسقارۋ ءبولىمىنىڭ جەتەكشى مامانى بولىپ جۇمىس ىستەدى. 1999 جىلدىڭ جەلتوقسانىنان 2000 جىلدىڭ ماۋسىمىنا دەيىن – باس مامان – ەلوردالىق مەديتسينالىق قىزمەتتەر باسقارماسىنىڭ مەديتسينالىق-تالداۋ ءبولىمىنىڭ ساراپشى-حيرۋرگى. 2000 جىلدىڭ ماۋسىمىنان 2009 جىلدىڭ ناۋرىزىنا دەيىن ءىرىڭدى حيرۋرگيا ءبولىمىنىڭ مەڭگەرۋشىسى بولىپ جۇمىس ىستەدى. 2009 جىلدىڭ ناۋرىزىنان 2015 جىلدىڭ تامىزىنا دەيىن حيرۋرگيا كافەدراسىندا حيرۋرگ بولدى. 2015 جىلدىڭ تامىز ايىنان باستاپ قازىرگى ۋاقىتقا دەيىن نۇر-سۇلتان قالاسى اكىمدىگىنىڭ № 2 كوپسالالى مەديتسينالىق ورتالىعى حيرۋرگيا ءبولىمىنىڭ مەڭگەرۋشىسى بولىپ جۇمىس ىستەدى.

سوڭعى جاڭالىقتار

ۇقساس جاڭالىقتار