ايماقتار • 15 شىلدە، 2020

جازىلىپ شىققاندار كوبەيە باستادى

144 رەت كورسەتىلدى

اقتوبە وبلىسىنىڭ اكىمى وڭداسىن ورازالين وڭىرلىك كوممۋنيكاتسيا قىزمەتىندە وتكەن بريفينگتە وبلىستا ەپيدەميالىق احۋالعا تالداۋ جاسادى. ءوڭىر باسشىسى سوڭعى ۋاقىتتا تۇرعىندار اراسىندا وكپە قابىنۋىنىڭ ءجيى تارالۋى الاڭداتىپ وتىرعانىن ايتتى. وسىعان وراي از ۋاقىتتىڭ ىشىندە شەشىمىن تاپقان شارالارعا توقتالدى.

– قازىر ناۋقاستاردى قابىلداۋ ءۇشىن 3300 ورىن بار. سوڭعى اپتادا 924 ورىندىق پروۆيزورلىق گوسپيتال جاساقتالدى. وڭىردەگى پروۆيزورلىق ورىندار 70 پا­يىز­عا عانا تولىق. ارتىق قوردا 715 كەرۋەت تۇر. سونىمەن بىرگە ەمحانالار جانىنان 725 ورىن­دىق كۇندىزگى ستاتسيونار جۇ­مىس ىستەيدى. ءبارى قاجەتتى مەدي­تسي­نا­لىق قوندىرعىلارمەن قامتىلعان. ماۋسىم ايىندا مىڭعا جۋىق ادام دەرتىنەن قۇلان-تازا ەمدەلىپ شىقق­انى كوڭىلگە اجەپتاۋىر مەدەۋ، – دەدى ءوڭىر باسشىسى.

و.ورازالين ءدارىحانا جەلىسىنىڭ اينالىمىن تولىقتىرۋ ءۇشىن شەتەلدەن ءدارىنىڭ 16 ءتۇرى قوسىمشا ساتىپ الىنعانىن العا تارتتى. بريفينگ كەزىندە ءدارىحانالار قاجەتتى پرەپاراتتارمەن كۇن سايىن تولىعىپ وتىرعانى، ايتسە دە سۇرانىستىڭ تىم كوپتىگىنەن تەز ازايىپ كەتەتىنى، سونىڭ سالدارىنان قاجەتتى پرەپاراتتار دەر كەزىندە تابىلماي قالاتىنى دا اشىق ايتىلدى. مۇنداي جاعدايدا تۇبەگەيلى شەشىم قابىلداۋ قاجەتتىگى انىق. ينۆەستورلارمەن ءوزارا كەلىسىمگە سايكەس بولىنگەن 500 ملن تەڭگە قاراجات ارقىلى وكپە قابىنۋىنا قاجەتتى ءدارى-دارمەك قورى ودان ءارى تولىقتىرىلماق.

قازىرگى جاعدايدا ۆيرۋستىق دەرتكە قارسى ءدارى شىعارۋ مۇمكىن ەمەس. ايتسە دە اقتوبە قالا­سىن­داعى «تك فارم» فارما­تسەۆ­تي­كا­لىق كومپانياسى گەپارين دەگەن ۆيرۋسقا قارسى پرەپارات شىعارۋ ءىسىن قولعا العانى وتاندىق ءدارى ونەركاسىبىنىڭ جاڭا قادامى بولارى انىق. اتالعان پرەپارات تاياۋ كۇندە اۋرۋحۋنالارعا تۇسەدى. سونىمەن بىرگە ناۋقاستاردى تىنىس الۋ اپپاراتىمەن قامتۋ جونىندە دە اتقارىلعان ءىس از ەمەس.

و.ورازالين وبلىستا ىندەتپەن كۇرەستە ينفەكتسيونيست دارىگەرلەر عانا ەمەس، بارلىق جوعارى ءبىلىمدى دەنساۋلىق ساقشىلارى جانە مە­دي­­تسينا ۋنيۆەرسيتەتىنىڭ تۇلەك­تە­رى جۇمىلدىرىلعانىن جەتكىزدى. بۇعان قوسىمشا 3 مىڭعا جۋىق ورتا بۋىن مەديتسينا ماماندارى تارتىلعان. وسى ارقىلى مامان تاپشىلىعىن جويۋعا قول جەتكىزىلدى. سونداي-اق ۆيرۋس جۇقتىرعان 1 مەدبيكە، ءتۇرلى سالادا قىزمەت ەتەتىن 4 مەديتسينالىق قىزمەتكەر قايتىس بولعان.

وبلىس اكىمى و.ورازالين جوعارىدا ءوزى ايتىپ وتكەندەي، شۇعىل اتقارىلعان كەشەندى ءىس-قيمىلدىڭ ناتي­جەسىندە سوڭعى اپتادا ناۋقاس­تار سانى باسەڭ­دە­گەنىن اتاپ ءوتتى. ايتالىق، ماۋ­سىم ايى­نىڭ سوڭعى اپتالارىن­دا اۋرۋ­حانالارعا كۇن سايىن 120-130 ادام تۇسكەن بولسا، بۇگىندە ولاردىڭ سانى 70-80 ادامعا دە­يىن ازايدى. دەرتتەن ايىعىپ، ۇي­لە­رىنە ورالعان اقتوبەلىكتەردىڭ سانى وسە ءتۇستى. ماسەلەن، تەك سوڭ­عى تاۋلىكتىڭ ىشىندە 81 ادام وكپە قابىنۋى دەرتىمەن اۋرۋ­حا­ناعا تۇسسە، وسى دياگنوز بو­يىن­شا 161 ادام جازىلىپ شىق­قا­نىن ەپيدەميالىق احۋال اۋقى­مىنداعى وڭ قۇبىلىس دەپ باعا­لا­عان ءجون.

بريفينگتى قورىتىندىلاي كەلە، ايماق باسشىسى وبلىس سوڭ­عى كەزدە وڭىر­دەگى ەپي­دە­ميا­لىق احۋالدى ساۋىق­تى­رۋ­دا وڭ قۇ­بىلىس باي­قال­عا­نىمەن بۇل جايت بوساڭسۋعا نەگىز بولماۋى كە­رەك­تى­گىن جەتكىزدى.

 

اقتوبە

 

سوڭعى جاڭالىقتار

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار