قوعام • 15 شىلدە، 2020

تارتىناتىن، اياناتىن كەز ەمەس

22 رەت كورسەتىلدى

مەملەكەت باسشىسى قاسىم-جومارت توقاەۆ 13 شىلدەنى ۇلتتىق ازا تۇتۋ كۇنى دەپ جاريا­لاپ، فارماتسەۆتيكا سالاسىندا ورىن العان كەم­­شىلىكتەردى جويۋ مەن الداعى ۋاقىتتا شۇعىل قول­­عا الىنۋى ءتيىس بىرقاتار ءىس-شارالاردى اتاپ كور­­سەتكەن ەدى.

ءۇنسىز جاۋدى جەڭۋدىڭ قارەكەتىنە كوشكەن حالىقتىڭ بارلىق ءۇمىت-سەنىمى – جامان ىندەتتىڭ كۇشىن جويىپ، جولىن كەسەتىن ءدارى-دارمەكتە. سوعان قاراماستان الەمدى جايلاعان ىندەت بەلەڭ الىپ، دەرتكە شالدىققاندار سانى وڭىرلەردە ءالى دە وسۋدە. كىسى ءولىمى كوبەيىپ، نەبىر بەلگىلى تۇلعالاردى ورتامىزدان ج ۇلىپ الىپ كەتۋدە. ماماندار كوروناۆيرۋستىڭ مۇنشالىق اۋا جايىلىپ كەتۋى ساقتاندىرۋ ەرەجەلەرىنىڭ ورىندالماۋى مەن ءتيىستى ءدارى-دارمەكپەن جەتكىلىكتى قامتاماسىز ەتىلمەۋدىڭ سالدارى دەگەن پىكىردى العا تارتۋدا. جاھاننىڭ تىنىسىن تۇنشىقتىرىپ تۇرعان جامان دەرتتەن كوز جۇمعان وتانداستارىمىزدى ەسكە الىپ، ازا تۇتىپ جاتقان قارالى قاۋىم وتكەن كۇندەردىڭ اششى ساباعىنان ناقتى ناتيجە شىعارۋدى، ءدارىحانالار مەن اۋرۋحانالاردى ءتيىستى ءدارى-دارمەكپەن جەتكىلىكتى قامتاماسىز ەتۋدى تالاپ ەتۋدە. ولاردىڭ دەنى الەۋمەتتىك جەلى ارقىلى تارالۋدا. مىسالى، قاراعاندىلىق قالامگەر كامەل جۇنىستەگى: «پرەزيدەنت ق.توقاەۆ دۇرىس ايتادى. سوعىس جاعدايىندامىز.

كەشەگى سوۆحوز اتالعان، بۇگىندە باسى قالقيىپ تۇرعان اۋىلداردىڭ «جوتەلمەيتىنى» جوق. جاس تا، جاسامىس تا اۋىرعان جاعداي. كەي اۋىلداردا ءدارى تۇگىلى، تەمپەراتۋرا ولشەيتىن گرادۋسنيك تە جوق.

بار ءدارىنى تىعىپ تاستاپ، ايتپەسە جيىرما قۇنىنا ساتىپ، اجال ۇستىندە بايىپ قالۋدى ويلاعاندار ولەكسەنى اڭساعان قۇزعىندار سياقتى. ولار ەلدى اياماعان. ەندەشە، ولاردى دا اياماي جازالاۋ قاجەت. ولاردى جۇمىستان عانا شىعارىپ وتىرۋ از، بار دۇنيەسىن تاركىلەپ، سوتتاۋ قاجەت. سوتتالعانىن حالىق كورۋى قاجەت. سوتتىڭ ءوزى «ۆوەننىي پولوجەنيەدەگىدەي» سوزباققا سالىنباۋى ءتيىس...» دەپ جازدى فەيسبۋكتەگى پاراقشاسىندا.

 

سوڭعى جاڭالىقتار

قحل: ۆيزا بەرمەي جاتىر

حوككەي • بۇگىن، 15:18

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

ۇقساس جاڭالىقتار