ۇكىمەت • 15 شىلدە، 2020

پرەزيدەنت تاپسىرماسى ورىندالۋعا ءتيىس

23 رەت كورسەتىلدى

كەشە پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا پرەزيدەنت قاسىم-جومارت توقاەۆتىڭ ۇكىمەتتىڭ تاياۋداعى كەڭەيتىلگەن وتىرىسىندا بەرگەن تاپسىرمالارىن ورىنداۋعا باعىتتالعان شارالار لەگى قارالدى.

 

كوروناۆيرۋسپەن كۇرەس رەيتينگى ىسكە قوسىلدى

كوروناۆيرۋس ينفەكتسياسىنىڭ تارالۋىنا بايلانىستى ەلدەگى جاعداي تۋرالى دەنساۋلىق ساقتاۋ ءمينيسترى الەكسەي تسوي بايانداما جاسادى. ونىڭ ايتۋىنشا، قازىرگى تاڭدا رەسپۋبليكا بويىنشا 61 755 ناۋقاس تىركەلگەن. ونىڭ ىشىندە 25 448 ادام ەم الۋدا، 35 911 ادام ەمدەلىپ شىق­تى، 396 ادام كوز جۇمدى. تاۋلىگىنە 1700-1800 ادام COVID-19 ۆيرۋسىن جۇقتىرۋدا.

جاعدايدى تۇراقتاندىرۋ ءۇشىن وڭىرلەردە جۇرگىزىلىپ جاتقان شارالاردىڭ تيىمدىلىگىنىڭ 17 كورسەتكىشىنە كۇن سايىن مونيتورينگ جۇرگى­زىلەدى. قوسىمشا تاعى 4 ينديكاتوردى قوسۋ تۋرالى شەشىم قابىلداندى، ونىڭ 2-ەۋى باق-پەن جۇمىس ارقىلى الەۋمەتتىك شيرىعۋدى ازايتۋ جانە تۇرعىنداردىڭ شاعىمدارىن ۋاقتىلى قاراستىرۋعا ارنالعان. ءدارى-دارمەكتىڭ جەتكى­لىكتى بولۋىنا مونيتورينگ جۇرگىزۋ جۇمىستارى مەن مەديتسينا ۇيىمدارىنىڭ وتىنىمدەرىنە بىرىڭعاي ديستريبيۋتوردىڭ جۇمىسىن كور­سەتەتىن تاعى 2 ينديكاتور بار. وعان قوسا اي­ماق اكىمدىكتەرىنىڭ جۇمىسىن باعالاۋ رەي­تينگى ازىرلەندى.

«رەيتينگكە سايكەس، 1-ورىندى 2 وبلىس – سولتۇستىك قازاقستان جانە شىعىس قازاقستان وبلىس­تارى الىپ وتىر، بۇل وڭىرلەردە 17 يندي­كاتوردىڭ 9-ى بويىنشا كوزدەلگەن يندي­كاتورعا قول جەتكىزىلدى. رەيتينگتە 2-ورىن­دى 5 وبلىس جانە شىمكەنت قالاسى الدى – 8 ينديكاتورعا قول جەتكىزىلدى، 3-ورىندا – 3 وبلىس جانە الماتى قالاسى يەلەندى، مۇندا 7 ين­ديكاتور بويىنشا كورسەتكىشتەر تۇزەلدى. رەي­تينگتە سوڭعى ورىندى اتىراۋ وبلىسى الىپ وتىر، بۇل ايماقتا 17 ينديكاتوردىڭ 5-ەۋى ورىندالعان»، دەدى ا. تسوي.

«بۇگىندە COVID-19-بەن كۇرەسۋ جۇمىس­تارىنا 46 مىڭنان اسا مامان تارتىلعان. وڭىرلەردە ەپيدەميولوگتار، ينفەكتسيونيس­تەر، انەستەزيولوگ-رەانيماتولوگتار، پۋل­مونولوگتاردىڭ جەتىسپەۋشىلىگى بايقالادى. مينيسترلىك اسا سۇرانىسقا يە تۇلەكتەردى: 88 انەستەزيولوگتى، 26 ينفەكتسيونيستى، 7 پۋلمونولوگتى وڭىرلەرگە ءبولدى» دەدى ا.تسوي.

كادر تاپشىلىعى ماسەلەسىن شەشۋ ءۇشىن مەديتسينالىق جوعارى وقۋ ورىندارىنىڭ 2084 مامانى مەن ۆولونتەر جۇمىسقا تارتىلىپ، ولار ەپيدەميالىق شارالارعا جۇمىلدىرىلدى. سونداي-اق بۇل جۇمىستارعا ستۋدەنتتەر دە اتسالىسۋدا. كوروناۆيرۋسپەن كۇرەس شارالارىنا اتسالىسقان مەديتسينا قىزمەتكەرلەرىنە ۇستەمەاقى تولەنەدى.

 

وقۋشىلار قاشىقتان وقىتىلعانى ءجون

ەلىمىزدە ۆيرۋس جۇقتىرعان 60 مىڭنان استام ادامنىڭ 1700-دەن استامى – بالالار.

ء«بىلىم مەكەمەلەرىنىڭ وقۋشىلارىنىڭ اراسىندا رەسپيراتورلىق ينفەكتسيامەن اۋى­رۋدىڭ ماۋسىمدىق ءوسۋىن جانە كورو­نا­ۆيرۋس ينفەكتسياسىنا بايلانىستى ەپيدەميالىق قولايسىز جاعدايدى ەسكەرە وتىرىپ، شاعىن جيناقتالعان مەكتەپتەردى قوسپاعاندا، وقۋ جىلىنىڭ ءبىرىنشى توقسانىندا ورتا ءبىلىم بەرۋ ۇيىمدارىنىڭ بارلىق سىنىپتارىن قاشىقتان وقىتۋدى قاراستىرعان ءجون دەپ سانايمىز»، دەدى ا.تسوي.

ءبىلىم جانە عىلىم ءمينيسترى ا.ايماعام­بەتوۆ اتاپ وتكەندەي، پەداگوگتەر مەن وقۋشى­لاردىڭ كوروناۆيرۋس ينفەكتسياسى مەن ءجىتى رەسپيراتورلىق ۆيرۋستىق ينفەكتسيالاردى جۇقتىرۋ قاۋپى جوعارى. ماسەلەن، تەك جرۆي-مەن جىل سايىن وقۋشىلاردىڭ 70%-ىنا دەيىن اۋىرادى. وسىعان بايلانىستى مينيستر بالالار ءۇشىن مەكتەپتەردى اشۋعا ءالى ەرتە دەپ، وتكەن وقۋ جىلىنىڭ ءۇشىنشى جانە ءتورتىنشى توقسانىنداعى تاجىريبەنى قايتالاۋدى — قاشىقتان وقىتۋ فورماتىن جالعاستىرۋدى ۇسىندى. ا.ايماعامبەتوۆ وسى باعىتتاعى ۇسىنىستاردى تاپتىشتەپ تۇرىپ ورتاعا سالدى.

ء«بىرىنشى. شالعايداعى اۋىلدارداعى شا­عىن جيناقتى مەكتەپتەردى ەسكەرمەگەندە، 1 قىر­كۇيەكتە وقۋ جىلىن ەلىمىزدىڭ بارلىق مەكتەپ­تەرىندە 1-11 سىنىپتار ءۇشىن قاشىقتان وقىتۋ فورماتىندا باستاۋ. ەكىنشى. باستاۋىش سىنىپتاردىڭ وقۋشىلارىنىڭ اتا-اناسىنىڭ ءوتىنىشى بويىنشا ءتيىستى مۇمكىندىكتەرگە قاراپ، قاتاڭ سانيتارلىق شارالاردى ساقتاي وتىرىپ، كەزەكشى سىنىپتاردىڭ جۇمىس ىس­تەۋىنە مۇمكىندىك بەرۋ»، دەدى مينيستر.

بۇل باستاۋىش سىنىپتاردىڭ وقۋشىلا­رىنىڭ جاس ەرەكشەلىكتەرىنە، ءوز بەتىنشە ءبىلىم الۋ جانە ءوزىن ءوزى تارتىپكە سالۋ داعدىلارىنىڭ قالىپتاسا باستاۋىنا بايلانىستى. بىراق مۇنداي جاعدايدا مەكتەپتەردە سانيتارلىق قاۋىپسىزدىك شارالارى بارىنشا كۇشەيتىلەتىن بولادى.

«بالالار تەك ءبىر كابينەتتە وقيدى، ۇزىلىس­تەرى ءارتۇرلى ۋاقىتتا بولادى، كىرەبەرىستە دەنە قىزۋىن ولشەۋدى ۇيىمداستىرامىز، اۋا­نى تازارتۋ، كۆارتستاۋ جانە ىلعالدى تازالاۋ رەجىمى كۇشەيتىلەدى. الەۋمەتتىك قاشىقتىقتى ساقتاۋ ءۇشىن وقىتۋدى اۋىسىمدارعا جانە بالا سانى 10-15 بالادان اسپايتىن شاعىن توپتارعا ءبولۋ، مەكتەپتە وقىتۋ كۇندەرىنىڭ كەزەگى جاسالادى. دەسەك تە، بۇل بالالار ءۇشىن پاندەردىڭ ءبىر بولىگى قاشىقتان وقىتىلادى»، دەدى مينيستر.

ول شالعايدا ورنالاسقان شاعىن اۋىلدىق مەكتەپتەردە شتاتتىق فورماتتا وقىتۋ مۇم­كىن­­دىگىن ۇسىندى. بۇل جالپى وقۋشىلار سا­نى­نىڭ 4%-ىن قۇرايدى. وسى كريتەريگە ساي­كەس كەلەتىن 1934 مەكتەپتە 127 مىڭ بالا بار.

مينيستر قاشىقتان وقىتۋدىڭ تەك جاڭا وقۋ جىلىنىڭ باستالۋىنا قاتىستى شەشىم ەكەنىن اتاپ ايتتى.

ء«بىرىنشى توقسان اياقتالعاننان كەيىن ەپي­دە­ميالىق جاعدايدىڭ تۇراقتالۋىنا باي­لانىستى مەكتەپتەردە كەزەڭ-كەزەڭمەن ارالاس وقىتۋ جانە شتاتتىق فورماتتا وقىتۋ جۇرگى­زىلەدى»، دەدى ول. ۇيدە وقىتۋدىڭ ەڭ وسال توپتارى – ەرەكشە ءبىلىم بەرۋدى قاجەت ەتەتىن بالالار جانە تابىسى تومەن وتباسىلاردىڭ بالالارى، باستاۋىش سىنىپتاردىڭ وقۋشىلارى بولعاندىقتان، وسى ساناتتاعى بالالارعا ينكليۋزيۆتى جانە قولجەتىمدى ءبىلىم بەرۋ قام­تاماسىز ەتىلەدى.

وقۋ جىلىنا ازىرلىك بارىسىندا 35 مىڭ كومپيۋتەر ساتىپ الىنعان. جەر­گىلىكتى اتقا­رۋشى ورگاندار مەكتەپتەردى، مۇعا­لىم­دەردى جانە وقۋشىلاردى كومپيۋتەرلەرمەن جانە ين­تەرنەتكە قوسىلۋمەن قامتاماسىز ەتۋگە ءتيىس.

ءتورتىنشى توقساننىڭ قورىتىندىسى بو­يىن­شا پەداگوگتەردىڭ جانە وقۋشىلاردىڭ ۇسىنىستارى بويىنشا ءبىلىم جانە عىلىم مينيسترلىگى ينتەرنەت-پلاتفورمالاردى جاڭ­­عىرتۋ جۇمىستارىن جۇرگىزدى. ءبىرىنشى جانە ەكىنشى توقسانداعى پاندەر بويىنشا وقۋ ماتەريالدارى دايىن. ونلاين-وقىتۋ ءۇشىن اكىمدىكتەر ءار مەكتەپتە ستريمينگ مۇم­كىندىگى بار ينتەرنەت-پلاتفورماعا قوسىلۋ مۇمكىندىگىن قامتاماسىز ەتۋى كەرەك.

جاڭا وقۋ جىلىن كوللەدجدەر دە قاشىقتان وقىتۋ رەجىمىندە باستايدى. ءداستۇرلى فورمات جەكە كەستە بويىنشا وندىرىستىك وقىتۋدى جانە كاسىبي پراكتيكانى ۇيىمداستىرۋ كەزەڭىندە كوبىنە ءبىرىنشى جانە ءبىتىرۋشى كۋرستاردىڭ ءبىلىم الۋشىلارى ءۇشىن، سونداي-اق شالعايدا ورنالاسقان كوللەدجدەردە از كونتينگەنت بولسا، سانيتارلىق نورمالاردى ساقتاي وتىرىپ جۇرگىزىلەدى.

«جالپى، جاڭا وقۋ جىلىنا دايىندىق بويىنشا ءىس-شارالار كەشەندى تۇردە جالعاس­تىرىلاتىن بولادى»، دەپ تۇيىندەدى مينيستر.

 

وڭدەۋ ونەركاسىبى ورلەپ كەلەدى

ۇلتتىق ەكونوميكا ءمينيسترى رۋسلان دالەنوۆ مەملەكەت باسشىسىنىڭ تاپسىر­مالارىن ىسكە اسىرۋ جونىندە شارالار ازىر­لەنگەنىن ايتتى. سونىڭ ىشىندە مەملەكەت باسشىسىنىڭ ەكونوميكا سالالارىن جانە حالىقتى قولداۋدىڭ قوسىمشا شارالار پاكە­تىن قالىپتاستىرۋ جونىندەگى تاپسىرماسىن ورىنداۋ ءۇشىن ۇكىمەت پەن ۇلتتىق بانكتىڭ بىرلەسكەن ءىس-قيمىل جوسپارى جاسالادى. تىكەلەي ينۆەستيتسيا تارتۋدا تۇراقتى ورتانى قالىپتاستىرۋ ماقساتىندا ستراتەگيالىق ينۆەستورلار ءۇشىن شارتتاردى ساقتاۋدىڭ تۇراقتىلىعىن قام­تاماسىز ەتۋ بويىنشا زاڭ­ناماعا قاجەتتى وزگە­رىستەر ەنگىزىلىپ، پار­لامەنت ءماجىلىسىنىڭ قاراۋىنا بەرىلدى.

يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ مالىمەتىنشە، 2020 جىلعى ءى جارتىجىلدىق قورىتىندىسى بويىنشا وڭدەۋ ونەركاسىبىندەگى ءوندىرىس كولەمى 4،8%-عا وسكەن.

«جىل سوڭىنا دەيىن وڭدەۋ ونەركاسىبى سالالارى بويىنشا بارلىق جوسپارلى كورسەتكىشكە قول جەتكىزۋ جوسپارلاندى. وڭدەۋ ونەركاسىبى سالالارىندا 1،7 ترلن تەڭگە سوماعا 65-تەن اسا جوبا ىسكە اسىرىلادى. بۇل 2025 جىلعا قاراي سالاداعى يمپورتتى 20%-عا قىسقارتۋعا مۇم­كىندىك بەرەدى»، دەدى مينيستر. «نۇرلى جول»، «نۇرلى جەر» جانە «جۇمىسپەن قامتۋ جول كارتاسى» باعدارلامالارى بويىنشا جالپى قۇنى 3،7 ملرد تەڭگەنى قۇرايتىن 6 202 ينفرا­قۇرىلىمدىق جوبا ىسكە اسىرىلۋدا، ونداعى قازاقستاندىق قامتۋ ۇلەسى – 90%.

سونىمەن قاتار قۇرىلىس ماتەريالدارىن شىعارۋ بويىنشا 33 جوبا ىسكە اسىرىلۋدا، وسىنىڭ ەسەبىنەن يمپورت ۇلەسىن 15%-عا ازايتۋ جانە تۇرعىن ءۇي قۇرىلىسىنداعى وتاندىق قۇرىلىس ماتەريالدارىنىڭ ۇلەسىن 90%-عا دەيىن جەتكىزۋ كوزدەلەدى. مينيسترلىك قۇرىلىس سالاسىندا قازاقستاندىق قامتۋ ۇلەسىن ۇلعايتۋ بويىنشا بۇدان باسقا دا ناق­تى شارالار قابىلداۋدا. وسى ماقساتتا بيۋدجەت ەسەبىنەن قارجىلاندىرىلاتىن جوبالاردا وتاندىق ماتەريالداردى مىندەتتى تۇردە قولدانۋ بويىنشا قۇقىقتىق بازا قۇرىلدى. ساراپتامادان وتكەن بارلىق جوبانىڭ جيىن­تىق رەسۋرستىق ۆەدوموستارى ەنگىزىلگەن پورتال ازىرلەندى.

اۋىل شارۋاشىلىعى ءمينيسترى ساپارحان وماروۆ الەۋمەتتىك ماڭىزى بار ازىق-ت ۇلىك تاۋارلارى قىمباتتاماۋى ءۇشىن مينيسترلىكتىڭ ىشكى نارىقتى تولىقتىرۋ بويىنشا جوسپارلى جۇمىس جۇرگىزىپ جاتقانىن ايتتى. ماسەلەن، جەر ماسەلەلەرىنە قاتىستى پرەزيدەنت اكىم­شىلىگى قاۋىپسىزدىك كەڭەسىنىڭ تالدامالىق توبىمەن بىرلەسە وتىرىپ، اۋىل شارۋاشىلىعى ماقساتىنداعى جەرلەردى پايدالانۋدىڭ الەم­دىك تاجىريبەسىنە تالداۋ جاسالدى. كەڭىنەن تالقىلاۋعا شىعارىلاتىن بىرقاتار ۇسىنىس ازىرلەندى. «4 وڭىردە عارىشتىق مونيتورينگ بويىنشا قاناتقاقتى جوبا ىسكە اسىرىلۋدا، ونىڭ جايىلىمدىق القاپتارعا قاتىستى ءبىرىنشى كەزەڭى اياقتالدى، جىرتىلعان جەرلەر بويىنشا ەكىنشى كەزەڭ باستالدى، جىل سوڭىنا دەيىن اياقتالادى»، دەدى مينيستر.

 

ەكولوگيا وزەكتى بولا ءتۇستى

ەلىمىزدەگى قازىرگى ەكولوگيالىق احۋال تۋرالى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ بايانداعانىنداي، قازىرگى تاڭدا ەلىمىزدەگى 3،3 مىڭ پوليگوندا 125 ملن توننادان اسا قاتتى تۇرمىستىق قالدىق جينالعان. جىل سايىن 5 ملن توننا قوسىمشا تقق جينالادى. ونى وڭدەۋ ۇلەسى 2018 جىلى 11،5% بولسا، 2019 جىلدىڭ قورىتىندىسى بويىنشا 14،9%-عا ءوستى. قايتا وڭدەۋ كولەمى ماڭعىستاۋ، الماتى وبلىستارىندا جانە شىمكەنت قالاسىندا جوعارى، ال تومەن كورسەتكىشتەر اقمولا، شىعىس قازاقستان جانە باتىس قازاقستان وبلىستارىندا تومەن.

ءمينيستردىڭ ايتۋىنشا، جىلدار بويى زاڭسىز قوقىس توگۋ ورىندارىنىڭ كوبەيۋى ماسەلەسىنىڭ شەشىمى تابىلماي كەلەدى. «قا­زاقستان عارىش ساپارى» اق عارىشتىق مونيتورينگ شەڭبەرىندە 11 شىلدەدەگى جاعداي بويىنشا ەلىمىزدىڭ بارلىق وڭىرىندە 7،5 مىڭنان استام وسىنداي پوليگون انىقتالعان. اكىمدىكتەرمەن بىرلەسىپ ونى جويۋ جوسپارى ازىرلەندى.

«جاڭا زاڭسىز قوقىس ورىندارىنىڭ پايدا بولۋىنا بارىنشا جول بەرمەۋ قاجەت. بۇل ءۇشىن قوعامدىق رەيدتەر وتكىزىپ، انىقتالعان فاكتىلەردى جۇرتقا جاريا ەتۋدى ۇسىنامىز. الايدا وسى ماسەلەنى جۇيەلى تۇردە شەشۋ ءۇشىن جاڭا ەكولوگيالىق كودەكستە قوقىس شىعاراتىن كولىكتەرگە GPS-داتچيكتەردى مىندەتتى تۇردە ورناتۋ شارالارى كوزدەلدى»، دەدى م.مىرزاعاليەۆ.

پرەمەر-مينيستر مەملەكەت باسشىسى قويعان مىندەتتەردىڭ بارلىعى ناقتى ورىندالۋى ءتيىس ەكەنىن اتاپ ايتتى. ء«اربىر باسشى ونىڭ ىسكە اسىرىلۋىنا جەكە جاۋاپتى بولادى» دەدى ا.مامين.

 

42 500 تەڭگە تاعى ءبىر ايعا تولەنەدى

وتىرىستا قارالعان ماسەلەلەردى ۇكىمەت باسشىسى اسقار مامين قورىتىندىلادى.

«قاتاڭ كارانتيندىك شەكتەۋ شارالارىنىڭ ەكىنشى اپتاسى ءوتىپ جاتىر. اۋرۋدىڭ تارالۋ قارقىنى تۇراقتالىپ كەلەدى. دەنساۋلىق ساقتاۋ مينيسترلىگىنىڭ ۇسىنىسى بويىنشا ەپيدەميالىق احۋالدى ودان ءارى تۇراقتاندىرۋ ءۇشىن ەلدە شەكتەۋ شارالارىن تاعى 2 اپتاعا – 20 شىلدەدەن باستاپ 2 تامىزعا دەيىن ۇزارتۋ تۋرالى شەشىمدى قابىلداپ وتىرمىز»، دەگەن ۇكىمەت باسشىسى كارانتين تالاپتارىن قاتاڭ ساقتاۋعا شاقىردى جانە ورتالىق مەملەكەتتىك ورگاندار مەن اكىمدىكتەرگە كاران­تيندى ودان ءارى ساقتاۋدىڭ بارلىق شارالارىن ىسكە اسىرۋدى تاپسىردى.

ا.مامين ءدارى-دارمەكتىڭ قاجەتتى قورى بار ەكەنىن، ول ۇنەمى تولىقتىرىلىپ وتىراتىنىن اتاپ ايتتى. ءدارى-دارمەكتى ءدارىحانا جەلىلەرى مەن ستاتسيونارلارعا ناقتى ءبولۋ ءۇشىن بارلىق شارالاردى قامتاماسىز ەتۋ قاجەت.

«مەملەكەت باسشىسىنىڭ تاپسىرماسى بويىنشا شەكتەۋ شارالارى كەزەڭىندە تابىسىنان ايىرىلۋعا بايلانىستى بەرىلەتىن الەۋمەتتىك جاردەماقىنى – ەڭ تومەنگى جالاقى مولشەرىندەگى 42 500 تەڭگەنى ءبىر ايعا تولەۋ تۋرالى شەشىم قابىلداپ وتىرمىز. تولەم كارانتين شارالارىنىڭ كۇشەيتىلۋىنە بايلانىستى جۇمىسى شەكتەلگەن جۇمىس بەرۋشىلەردىڭ، جەكە كاسىپكەرلەر مەن ءوزىن ءوزى جۇمىسپەن قامتىعانداردىڭ ءوتىنىمى نەگىزىندە جۇرگىزىلەدى»، دەدى ا.مامين.

ۇكىمەت باسشىسى توتەنشە جاعداي كەزىن­دەگىدەي، ازاماتتاردىڭ جەكەلەگەن ساناتتارىنا (1 ميلليوننان استام ادام) ازىق-ت ۇلىك ونىمدەرىن الۋعا اقشالاي كومەك بەرۋدى جالعاستىرۋدى، ءۇشىنشى توقساندا اتاۋلى الەۋمەتتىك كومەك تا­عايىنداۋدى قولدا بار دەرەكتەر نەگىزىندە (128 مىڭعا جۋىق وتباسى) الدىن الا جۇرگىزۋدى، سون­داي-اق مۇگەدەكتىگىن قايتا كۋالاندىرۋ مەرزىمى كاران­تين كەزەڭىنە تاپ كەلگەن ادامداردىڭ (شامامەن 30 مىڭ ادام) مۇگەدەكتىگىن ءۇش ايعا اۆتوماتتى تۇردە ۇزارتۋدى تاپسىردى.

دەنساۋلىق ساقتاۋ مينيسترلىگىنىڭ ۇسىنى­سى بويىنشا ءتيىستى مينيسترلىكتەر مەن اكىم­­دىكتەرگە جاڭا وقۋ جىلىنىڭ ءبىرىنشى توقسا­نىندا ورتا ءبىلىم بەرۋ ۇيىمدارىنىڭ قاشىقتان وقىتۋعا دايىندىعىن قامتاماسىز ەتۋ تاپسىرىلدى. الەۋمەتتىك-ەكونوميكالىق احۋال ناشارلاعان جاعدايدا حالىق پەن بيز­نەستى قولداۋ بويىنشا قوسىمشا ءىس-قيمىل جوسپارى دايىندالاتىن بولدى. بيۋدجەت قارا­جاتىن ءتيىمدى جۇمساپ، ينفلياتسيانى 8-8،5% دەڭ­گەيىندە ۇستاۋ ءۇشىن اقشا-نەسيە سايا­ساتىن جۇرگىزۋ كەرەكتىگى اتالدى.

«اۋىل شارۋاشىلىعى مينيسترلىگى وسى اپتانىڭ سوڭىنا دەيىن جەر رەفورماسى جونىن­دەگى كوميسسيانى قۇرۋ تۋرالى شەشىم جوبا­­سىن ەنگىزۋگە ءتيىس. كوميسسيا جەر رەسۋرستارىن ودان ءارى پايدالانۋ بويىنشا ناقتى ۇسى­نىستار دايىن­داۋى قاجەت»، دەدى پرەمەر-مينيستر.

وتىرىس بارىسىندا پرەمەر-مينيستر تاراپىنان يندۋستريا جانە ينفراقۇرىلىمدىق دامۋ مينيسترلىگىنە اكىمدىكتەرمەن جانە «اتامەكەن» ۇكپ-مەن بىرلەسىپ، تاۋارلاردى ساتىپ الۋ جانە قۇرىلىس جۇمىستارىن جۇر­گىزۋ كەزىندە جەرگىلىكتى قامتۋ ۇلەسىن ۇلعايتۋ، سونداي-اق وڭدەۋ ونەركاسىبىنىڭ جوبالارىن ىسكە اسىرۋدى كەڭەيتۋ تۋرالى تاپسىرما بەرىلدى.

 

سوڭعى جاڭالىقتار

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار