ايماقتار • 13 شىلدە، 2020

الماتىدا ءدارى-دارمەك تاپشىلىعى نەدەن تۋىنداعانى انىقتالدى

88 رەت كورسەتىلدى

بۇگىن الماتى اكىمىنىڭ ورىنباسارى ساپاربەك تۇياقباەۆ ءدارى-دارمەككە قاتىستى ونلاين بريفينگ وتكىزدى، دەپ جازادى Egemen.kz

ونىڭ ايتۋىنشا، وسىدان 2 اپتا بۇرىن پاندەمياعا بايلانىستى جەكەلەگەن دارىلەرگە سۇرانىس ەداۋىر ءوسىپ كەتكەن بولاتىن. "پاراتسەتامولدى قالانىڭ جالپى تۇتىنۋى مامىر ايىندا 50 مىڭ بولسا، سوڭعى ەكى اپتادا كۇنىنە 100 مىڭ ساتىلدى. جىل بويى تەرمومەتردىڭ 100 مىڭى ساۋدالانسا، 2-3 كۇندە 50 مىڭ تەرمومەتر ساتىلىپ كەتتى. تۇتىنۋدىڭ، سۇرانىستىڭ وسۋىنە بايلانىستى دا تاپشىلىق تۋىنداپ وتىر. قازىر ماسەلەنى تۇراقتاندىرۋ ءۇشىن كۇنىنە 2 رەت مونيتورينگ جاساپ وتىرمىز. باستاپقىدا ءدارىحانالاردىڭ ينفراقۇرىلىمى سۇرانىسقا دايىن ەمەس بولاتىن. ماسەلە شەشىلدى. قازىر سوڭعى 1 اپتادا ۇلكەن دۇرلىگۋ جوق"، - دەدى ساپاربەك تۇياقباەۆ.

ونىڭ ايتۋىنشا، 1 شىلدەدەن باستاپ الماتى ءدارىحانالارىنا 900 مىڭعا جۋىق ءدارى جەتكىزىلگەن.

"ودان بولەك كۇندەلىكتى بۇكىل كومپانيالاردا، ءدارىحانالار قويماسىندا دا ءدارىنىڭ بىزدەگى قورىنا مونيتورينگ جاساپ وتىرمىز. 846 مىڭ دانا ءدارى بار. 1 اي كولەمىندە 3 ملن 685 كەلىسىمشارت جاسالعان. پاراتسەتامولدىڭ 185 مىڭ داناسى بار. 16 شىلدەدەن باستاپ اي سوڭىنا دەيىن 2،2 ملن قاپتاماسى كەلەدى. سوندىقتان، كەيبىر ازاماتتاردىڭ ءدارى جوق دەپ دابىل قاققانى شىندىققا سايكەسپەيدى"، - دەدى تۇياقباەۆ.

 

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار