تاعايىنداۋ • 13 شىلدە، 2020

يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ توراعاسى تاعايىندالدى

17 رەت كورسەتىلدى

مارات قاراباەۆ يدم يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ توراعاسى بولىپ تاعايىندالدى، - دەپ حابارلايدى Egemen.kz.

يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن قاراباەۆ مارات كارىمجان ۇلى قر يندۋستريا جانە ينفراقۇرىلىمدىق دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ توراعاسى قىزمەتىنە تاعايىندالدى. 

مارات قاراباەۆ 1987 جىلى 4 شىلدەدە وزبەكستان رەسپۋبليكاسىنىڭ تاشكەنت وبلىسىندا تۋعان. تاشكەنت اۆتوموبيل جولى ينستيتۋتىن، ۋورۆيك ۋنيۆەرسيتەتىن ( ۇلىبريتانيا)، م.ح. دۋلاتي اتىنداعى تاراز مەملەكەتتىك ۋنيۆەرسيتەتىن بىتىرگەن. 

ەڭبەك جولىن 2011 جىلى قر اۋىل شارۋاشىلىعى مينيسترلىگىنىڭ سۋ شارۋاشىلىعى كوميتەتىنىڭ سۋ شارۋاشىلىعى يماراتتارىنىڭ جەلىلەرىن پايدالانۋ جانە دامىتۋ باسقارماسىنىڭ ساراپشىسى رەتىندە باستادى. 

2011 جىلدان 2013 جىل ارالىعىندا  — قر يندۋستريا جانە جاڭا تەحنولوگيالار مينيسترلىگى جاڭا تەحنولوگيالار جانە ەنەرگيا ۇنەمدەۋ دەپارتامەنتى سەرۆيستىك يندۋستريانى تەحنولوگيالىق دامىتۋ باسقارماسىنىڭ باس ساراپشىسى. 

2014-2015 جىلدارى — وڭتۇستىك قازاقستان وبلىسى شىمكەنت قالاسى كاسىپكەرلىك جانە يندۋستريالدى-يننوۆاتسيالىق دامۋ باسقارماسى باسشىسىنىڭ ورىنباسارى. 

2015-2017 جىلدارى — وڭتۇستىك قازاقستان وبلىسى شىمكەنت قالاسى كاسىپكەرلىك جانە يندۋستريالدى-يننوۆاتسيالىق دامۋ جانە تۋريزم باسقارماسىنىڭ باسشىسى.

2018-2019 جىلدارى — قر تسيفرلىق دامۋ، قورعانىس جانە اەروعارىش ونەركاسىبى مينيسترلىگىنىڭ قورعانىس-ونەركاسىپ كەشەنىن دامىتۋ دەپارتامەنتىنىڭ ديرەكتورى.

2019 جىلعى تامىزدان باستاپ قازىرگى تاڭعا دەيىن قر يندۋستريا جانە جاڭا تەحنولوگيالار مينيسترلىگىنىڭ قورعانىس-ونەركاسىپ كەشەنىن دامىتۋ دەپارتامەنتىنىڭ ديرەكتورى قىزمەتىن اتقاردى.

سوڭعى جاڭالىقتار

ۇقساس جاڭالىقتار