قازاقستان • 11 شىلدە، 2020

وتاندىق كاسىپورىندار مىڭعا جۋىق دارىلىك پرەپاراتتار شىعارادى

21 رەت كورسەتىلدى

قر يندۋستريا جانە ينفراقۇرىلىمدىق دامۋ ۆيتسە-ءمينيسترى امانياز ەرجانوۆتىڭ جۋرناليستەرگە ىستىقتى تۇسىرەتىن جانە ۆيرۋسقا قارسى ءدارى-دارمەكتەردىڭ وتاندىق وندىرۋشىلەرى تۋرالى، سونداي-اق مەديتسينالىق بەتپەردەلەر شىعاراتىن ءتورت جاڭا كاسىپورىننىڭ ىسكە قوسىلۋى تۋرالى ەگجەي-تەگجەيلى ايتىپ بەردى، - دەپ حابارلايدى Egemen.kz

بۇگىندە ەلىمىزدە فارماتسەۆتيكا باعىتىندا 89 كاسىپورىن جۇمىس ىستەيدى،  ونىڭ ىشىندە دارىلىك زاتتاردى ءوندىرۋ بويىنشا – 33، مەديتسينالىق ماقساتتاعى بۇيىمدار - 41 جانە مەديتسينالىق تەحنيكا ءوندىرىسى بويىنشا – 15. دارىلىك زاتتاردىڭ نەگىزگى ءوندىرىسى الماتى مەن شىمكەنت قالالارىندا، الماتى وبلىسىندا ورنالاسقان 10 كاسىپورىندا، سونداي-اق ءبىر كاسىپورىننان قاراعاندى وبلىسى مەن اقتوبە قالاسىندا جۇزەگە اسىرىلادى.

وتاندىق كاسىپورىندار 1000-عا جۋىق ءدارى-دارمەكتەردى شىعارادى، ولاردىڭ ىشىندە جەدەل رەسپيراتورلىق اۋرۋلاردى (جرا) جانە ولاردىڭ اسقىنۋلارىن (برونحيت، پنەۆمونيا) ەمدەۋگە باعىتتالعان ۆيرۋسقا قارسى، قابىنۋعا قارسى دارىلىك پرەپاراتتار مەن انتيبيوتيكتەر بار. ىستىقتى تومەندەتەتىن جانە ۆيرۋسقا قارسى پرەپاراتتاردىڭ نەگىزگى وندىرۋشىلەرى: "نوبەل افف" اق جانە "گلوبال ابدي يبراحيم" جشس، "ەيكوس – فارم" جشس، "فارم اقتوبە" تك جانە "ۆيۆا فارم" جشس.

"قازىرگى ۋاقىتتا مينيسترلىك ىشكى نارىقتى ءوز ونىمدەرىمەن قامتاماسىز ەتۋ ءۇشىن جەكە قورعانۋ قۇرالدارىن ءوندىرۋ قۋاتىن ارتتىرۋ بويىنشا جۇمىستاردى جالعاستىرۋدا. بۇگىندە توعىز وتاندىق كاسىپورىن تاۋلىگىنە 490 مىڭ دانا بەتپەردە وندىرە الادى. دەنساۋلىق ساقتاۋ مينيسترلىگىنىڭ اقپاراتى بويىنشا، 6 ايعا ەسەپ بويىنشا ماسكالارعا قاجەتتىلىك دەنساۋلىق ساقتاۋ جۇيەسى جانە مەملەكەتتىك ورگاندار ءۇشىن 111،2 ملن. دانانى قۇرايدى. بۇل قاجەتتىلىكتى قاناعاتتاندىرۋ رەسپۋبليكانىڭ بارلىق وڭىرلەرىنەن مەديتسينالىق ماسكالار مەن تىگىن كاسىپورىندارىنىڭ جۇمىس ىستەپ تۇرعان وندىرىستەرىنىڭ كولەمىن ۇلعايتۋ، سونداي-اق ءتورت جاڭا ءوندىرىستى ىسكە قوسۋ ەسەبىنەن مەديتسينالىق جانە پروفيلاكتيكالىق قورعانىش ماسكالارىن شىعارۋ تاۋلىگىنە 1،1 ملن. داناعا دەيىن جەتكىزىلدى"،- دەدى امانياز ەرجانوۆ.

سونىمەن قاتار، ۆيتسە-مينيستر بۇگىندە دەنساۋلىق ساقتاۋ جانە قارجى مينيسترلىكتەرىمەن وكپەنى جاساندى جەلدەتۋ اپپاراتتارىنىڭ ءوندىرىسىن ۇيىمداستىرۋ، ءوجج اپپاراتتارىن ءوندىرۋدى قارجىلاندىرۋدىڭ جەڭىلدەتىلگەن تەتىگى جانە وڭىرلەر بويىنشا جەتكىزۋ ءۇشىن قاجەتتى ءوجج اپپاراتتارىنىڭ ناقتىلانعان تىزبەسىن انىقتاۋ بويىنشا بىرلەسكەن جۇمىستىڭ جالعاسىپ جاتقاندىعىن اتاپ ءوتتى. 3000 بىرلىكتەگى ءوجج ستاتسيونارلىق اپپاراتتارىنا بولجامدى قاجەتتىلىكتى ەسكەرە وتىرىپ، ءبىزدىڭ وندىرۋشىلەر ونى جىل سوڭىنا دەيىن ايىنا 550 بىرلىك ەسەپتىك ورتاشا وندىرىستىك قۋاتپەن جابادى. العاشقى 50 ءوجج اپپاراتى وسى ايدا جەتكىزىلەتىن بولادى.

شىلدە ايىنىڭ سوڭىنا دەيىن "تىنىس" اق دەنساۋلىق ساقتاۋ مينيسترلىگى مەن اكىمدىكتەرگە 270 ءوجج موبيلدىك اپپاراتىن جەتكىزەدى. كاسىپورىننىڭ ايىنا 500-گە دەيىن ءوجج اپپاراتىن شىعارۋعا مۇمكىندىگى بار. بۇدان باسقا، ءبىزدىڭ اۆتووندىرۋشىلەرمەن بىرلەسىپ جەدەل جاردەم ماشينالارىن ءموبيلدى اپپاراتتارمەن جابدىقتاۋ بويىنشا جۇمىستار جۇرگىزىلۋدە. وسىلايشا، قازاقستاندىق كاسىپورىندار قوسىمشا قاجەتتىلىكتەردى ەسكەرە وتىرىپ، جىل سوڭىنا دەيىن 4930 ستاتسيونارلىق جانە 2695 ءوجج ءموبيلدى اپپاراتتارىن شىعارا الادى.

سونىمەن قاتار، بريفينگ بارىسىندا امانياز ەرجانوۆ 2020 جىلدىڭ ءبىرىنشى جارتىجىلدىعىنداعى فارماتسەۆتيكا سالاسىنىڭ قورىتىندىلارى تۋرالى ايتىپ بەردى. فارماتسەۆتيكا سالاسىندا نكي ءوندىرىسى كولەمىنىڭ وتكەن جىلدىڭ سايكەس كەزەڭىمەن سالىستىرعاندا 123،6%-عا ءوسۋى بايقالادى. وسىلايشا، 2020 جىلعى قاڭتار-ماۋسىمىندا وتاندىق كاسىپورىندار 58،5 ملرد.تەڭگەگە دارىلىك زاتتار، ماسكالار - 65،0 ملن. دانادان استام، قولعاپتار - 60 ملن. جۇپ جانە 2،0 ملن. دەيىن قورعانىش كوستيۋمدەرىنىڭ جيىنتىعىن ءوندىردى، سونداي - اق وڭىرلەر مەن قر دسم-نە 410 بىرلىك ەجج اپپاراتى ءوندىرىلىپ، جىبەرىلدى.

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار