ايماقتار • 11 شىلدە، 2020

سۇڭگۋىرلەر سۋعا باتىپ كەتكەن قىزدى ىزدەستىرۋدە

57 رەت كورسەتىلدى

توتەنشە جاعدايلار دەپارتامەنتىنىڭ مالىمەتىنشە، اۋماقتىق كوميسسيا قابىلداعان قاۋلىعا سايكەس جاعاجايلاردىڭ جۇمىسى ەكى اپتاعا توقتاتىلعان ەدى، - دەپ حابارلايدى ەgemen.kz.

بىراق، ءوڭىر تۇرعىندارىنىڭ بىرقاتارى جابدىقتالماعان جانە تىيىم سالىنعان جەرلەردە سۋعا تۇسۋدە. مىسالى، 9-شى شىلدە كۇنى ساعات 14.30-دا بىرىڭعاي ديسپەتچەرلىك پۋلتىنە ءبىر قىزدىڭ سۋعا باتىپ كەتكەنى تۋرالى حابار تۇسكەن.

وقيعا ورنىنا دەرەۋ كەلىپ جەتكەن اقسۋ قالاسى جەدەل-قۇتقارۋ جاساعىنىڭ قىزمەتكەرلەرى ىزدەستىرۋ جۇمىستارىن جۇرگىزگەنىمەن قىزدىڭ دەنەسى تابىلمايدى. سۋعا باتىپ كەتكەن 21 جاستاعى  قىز بەلايا وزەنىندە دوستارىمەن بىرگە دەمالۋعا كەلگەن. جاعالاۋدا ىشىمدىك ىشكەن، ماستىقتىڭ سالدارىنىڭ  سوڭى  قاۋىپتى جاعداي اكەپ سوعاتىنىن بىلمەگەن.

ال، سۋعا باتىپ بارا  جاتقان قىزدى قۇتقارماق بولعان دوستارى دا سۋعا كەتە  جازداعان. دەپارتامەنت مالىمەتىنشە، سۇڭگۋىرلەر توبى دا وزەننىڭ تۇبىنەن قانشا ىزدەگەندەرىمەن سۋعا باتقان قىزدىڭ دەنەسىن تابا المادى. قازىر ىزدەستىرۋ جۇمىستارى جالعاسۋدا.

سونداي-اق، قۇتقارۋشىلار ەرتىس وزەنىنەن ماس ايەلدى الىپ شىقتى. ول ارنايى  رۇحسات ەتىلمەگەن جەردە "زەلەنايا روششا" دەمالىس ايماعىندا سۋعا تۇسكەن.وزەننىڭ اعىسىمەن كەتىپ بارا جاتقان ايەلدى وقيعا ورنىنا جەدەل كەلگەن قۇتقارۋشىلار سۋدان شىعارىپ، ورتالىق قۇتقارۋ ستانساسىنا جەتكىزگەن.

 

پاۆلودار وبلىسى

سۋرەتتى تۇسىرگەن: ەربول تەمىروۆ

 

 

 

 

 

سوڭعى جاڭالىقتار

اراق ساتىلمايتىن اۋدان

ايماقتار • بۇگىن، 21:11

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

ۇقساس جاڭالىقتار