ايماقتار • 10 شىلدە، 2020

"قازاقمىس" كۆي-مەن كۇرەسكە قوماقتى قارجى ءبولدى

50 رەت كورسەتىلدى

سوڭعى ەكى اپتادا جەزقازعان، ساتباەۆ جانە بالقاش قالالارىندا  كۇردەلى ەپيدەميولوگيالىق جاعداي قالىپتاستى. وسىعان وراي كوروناۆيرۋس ينفەكتسياسىنا قارسى كۇرەس جۇرگىزۋ ماقساتىندا "قازاقمىس" كومپانياسى مەن جەرگىلىكتى اتقارۋشى بيلىك مەموراندۋمعا قول قويدى، – دەپ حابارلايدى Egemen.kz.

مەموراندۋم بويىنشا قاراعاندى وبلىستىق دەنساۋلىق ساقتاۋ باسقارماسى وڭىردەگى دەنساۋلىق ساقتاۋ نىساندارىنىڭ ماتەريالدىق-تەحنيكالىق بازاسىن نىعايتۋعا باعىتتالعان ءىس-شارالار جوسپارىن ازىرلەپ، سونىڭ اياسىندا 3 ملرد تەڭگە شاماسىنداعى قارجى جەزقازعان، ساتباەۆ جانە بالقاش قالالارىنا باعىتتالدى.

اتالعان مەموراندۋمدا دەنساۋلىق ساقتاۋ نىساندارىن تولىق جابدىقتاۋ، اتاپ ايتقاندا، ءۇش قالانىڭ دەنساۋلىق ساقتاۋ وبەكتىلەرىنىڭ ەمدەۋ قورى ءۇشىن قوسىمشا مەديتسينالىق جابدىقتار مەن دارىلىك پرەپاراتتاردى ساتىپ الۋ، امبۋلاتوريالىق مەديتسينا قىزمەتكەرلەرىنىڭ تاۋلىك بويى قوزعالىسىن قامتاماسىز ەتۋ ءۇشىن كولىكتى ۇيىمداستىرۋ جانە باسقا دا شارالاردى ورىنداۋ بولىگىندە "قازاقمىس" تاراپىنان جالپى سوماسى شامامەن 1،0 ملرد تەڭگە  قاراستىرىلعان.

مەموراندۋم ءىس-شارالارىن جۇزەگە اسىرۋ اياسىندا جاقىن ارادا قاراعاندى وبلىسى ءۇشىن 1200 دانا وتتەگى كونتسەنتراتورىن جەتكىزۋ كۇتىلۋدە، ونىڭ ىشىندە 200-دەن استامى جەزقازعان، ساتباەۆ جانە بالقاش اۋرۋحانالارىنا بولىنەدى. اتالعان قالالار ءۇشىن كورپوراتسيا 10 وكپەنى جاساندى جەلدەتۋ اپپاراتىن، ءۇش ۆيبرواكۋستيكالىق قۇرىلعىنى ساتىپ الادى. كۇزگە قاراي قالالاردىڭ ستاتسيونارلارىندا ءۇش مەديتسينالىق گاز (وتتەگى) ءبولۋ جۇيەسى ورناتىلاتىن بولادى.

سونداي-اق، كومپانيا جەزقازعان ۋنيۆەرسيتەتىنىڭ جاتاقحاناسى بازاسىندا 250 توسەكتىك ورىنعا ارنالعان ينفەكتسيالىق گوسپيتالدى تەحنيكالىق جاراقتاندىرۋعا قاراجات ءبولدى. اتالعان جابدىقتارمەن قوسا ءۇش قالانىڭ ارقايسىسىنا ءبىر-بىردەن ءۇش كومپيۋتەرلىك توموگراف جەتكىزىلەتىن بولادى.

مەموراندۋم اتالعان ءىس-شارالارمەن شەكتەلىپ قالمادى. «قازاقمىس» كۆي-مەن كۇرەسۋدە قاجەتتىلىكتى انىقتاۋ جانە ونى تولىقتىرۋ بويىنشا دەنساۋلىق ورگاندارىمەن ودان ءارى بىرلەسە جۇمىس ىستەۋدى جانە حالىققا جۇرگىزىلىپ جاتقان جۇمىستار تۋرالى اقپارات بەرۋدى جوسپارلاپ وتىر.

"بۇگىنگى كۇندە ءبىر-بىرىمىزگە قامقورلىق كورسەتە وتىرىپ، بىرگە بولۋىمىز وتە ماڭىزدى. سوندىقتان، ءبىز جەرگىلىكتى تۇرعىندار ءۇشىن مەديتسينالىق قىزمەتتەردىڭ قولجەتىمدىلىگىن قامتاماسىز ەتۋ بويىنشا ىقتيمال شارالاردى قابىلدايمىز. ءبىز مەديتسينا سالاسىنداعى ءوزىمىزدىڭ قىزمەتكەرلەرىمىزدىڭ كاسىبي بىلىكتىلىگىنە سەنىمدىمىز جانە كۇش-جىگەرىمىزدى بىرىكتىرىپ، بىرلەسە وتىرىپ، وسى قيىن كەزەڭدى ءسوزسىز جەڭەمىز"، – دەيدى "قازاقمىس" كومپانياسىنىڭ باسشىلىعى.

قاراعاندى وبلىسى

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار