ايماقتار • 10 شىلدە، 2020

قاراعاندىداعى سولتۇستىك-شىعىس اينالما جولىنىڭ قۇرىلىسى اياقتالدى

13 رەت كورسەتىلدى

اينالما جولدىڭ جالپى ۇزىندىعى 48،3 شاقىرىمدى قۇرايدى. قۇرىلىس جۇمىستارى ينفراقۇرىلىمدى دامىتۋدىڭ "نۇرلى جول" مەملەكەتتىك باعدارلاماسىنىڭ اياسىندا "ورتالىق-وڭتۇستىك" ءدالىزىن قايتا جاڭارتۋ جوباسىن جۇزەگە اسىرادى، - دەپ حابارلادى يدم ءباسپاسوز قىزمەتى.

"قازاۆتوجول" ۇك" اق قاراعاندى وبلىستىق فيليالىنىڭ ديرەكتورى سەرىك ايدوستىڭ ايتۋى بويىنشا، اتالمىش جوبا قازىرگى كۇننىڭ وزىندە قالا جولدارىنىڭ جۇكتەمەسىن ازايتىپ، تاسجولدىڭ توزۋ مەرزىمىنە دە اسەرىن تيگىزگەن. سونداي-اق، اۆتوجولدارداعى اپاتتى جاعدايلاردىڭ كورسەتكىشى تومەندەپ، ەكولوگيالىق جاعدايدىڭ جاقسارۋى دا ورىن الاتىنى انىق. جاڭا تاسجول ءى-تەحنيكالىق ساناتقا سايكەس. ءتورت جولاقتى كۇرە جولعا اسفالتبەتون جابىنى توسەلگەن. ەسەپتىك جىلدامدىق - ساعاتىنا 120 شاقىرىم. قوزعالىس قارقىندىلىعى تاۋلىگىنە 20 مىڭعا جۋىق اۆتوكولىك بولادى دەپ جوسپارلانعان.

شىعىس اينالما جولىن قايتا جاڭارتۋ جۇمىستارىنىڭ بارىسىندا 5 جول ايرىعى، 5 جول وتكەلى، اۋىل شارۋاشىلىق تەحنيكاعا ارنالعان 6 جول وتكەلى، سوقىر وزەنى ارقىلى وتەتىن كوپىر، 54 سۋ وتكىزگىش قۇبىر مەن ەكى دەمالىس الاڭى ورناتىلدى.

ال سولتۇستىك اينالما جولىن قايتا جاڭارتۋ جۇمىستارى كەزىندە 2 جول ايرىعى، 4 جول وتكەلى، تەمىر جول مەن سولونكا وزەنى ارقىلى وتەتىن ۇزىندىعى 232 م. ەستاكادا ورناتىلىپ، الداعى ۋاقىتتا 24 سۋ وتكىزگىش قۇبىر قۇرىلىسى كوزدەلگەن.

قاراعاندى قالاسىنىڭ سولتۇستىك-شىعىس اينالما جولى تاسجولداعى قاۋىپسىزدىكتى قامتاماسىز ەتىپ، تۇرعىنداردىڭ قوزعالىس قولايلىعىن ارتتىرادى.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار