قوعام • 10 شىلدە، 2020

اليمەنت ءبىرىنشى كەزەكتە تولەنەتىن بولادى

389 رەت كورسەتىلدى

قازاقستاندا سوت ورىنداۋشىلار اليمەنتتەردى ءبىرىنشى كەزەكتە ءوندىرىپ الاتىن بولادى

بۇرىن كەيبىر جەكە سوت ورىنداۋشىلار، ولاردى اسا قىزىقتىرماعاندىقتان ماجبۇرلەپ ورىنداتۋ شارالارىن قولدانۋ مەرزىمىن سوزاتىن جاعدايلار بولاتىن، دەپ حابارلايدى قر ادىلەت مينيسترلىگىنىڭ ءباسپاسوز قىزمەتى.

اعىمداعى جىلدىڭ 27 ماۋسىمىندا قازاقستان رەسپۋبليكاسىنىڭ پرەزيدەنتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اتقارۋشىلىق ءىس جۇرگىزۋدى جانە قىلمىستىق زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى.

زاڭدا اتقارۋشىلىق ءىس جۇرگىزۋدىڭ ساپاسىن جاقسارتۋ جولىمەن ازاماتتاردىڭ قۇقىقتارىن قورعاۋ مەن ۋاقىتىلى ىسكە اسىرۋدى، اتاپ ايتقاندا الەۋمەتتىك ماڭىزى بار ىستەر ساناتتارى بويىنشا قامتاماسىز ەتۋگە، اسا نازار اۋدارىلادى.

قابىلدانعان تۇزەتۋلەرمەن جەكە سوت ورىنداۋشىلارىنىڭ اليمەنتتەردى، جالاقىنى، زەينەتاقىلاردى، جاردەماقىلاردى ءوندىرىپ الۋ تۋرالى، ازاماتتاردىڭ ءومىرى مەن دەنساۋلىعىنا كەلتىرىلگەن زياندى وتەۋ تۋرالى اتقارۋشىلىق قۇجاتتاردى ورىنداۋىنىڭ باسىمدىعى بەكىتىلدى.

بۇرىن كەيبىر جەكە سوت ورىنداۋشىلار، ولاردى اسا قىزىقتىرماعاندىقتان ماجبۇرلەپ ورىنداتۋ شارالارىن قولدانۋ مەرزىمىن سوزاتىن جاعدايلار بولاتىن. ەندى مۇنداي ءىس جۇرگىزۋ بويىنشا ءبىر اي ىشىندە ماجبۇرلەپ ورىنداتۋ شارالارىن قابىلداماۋى جەكە سوت ورىنداۋشىسى قىزمەتىمەن اينالىسۋعا ارنالعان ليتسەنزيادان ايىرۋعا اكەپ سوعۋى مۇمكىن.

بۇدان باسقا، مەملەكەتتىك ەڭبەك ينسپەكتورىنىڭ جالاقىنى تولەۋ تۋرالى ۇيعارىمىنا اتقارۋشىلىق قۇجات مارتەبەسى بەرىلەدى.
بۇل شارا قۇقىقتارىن جۇمىس بەرۋشى بۇزعان ازاماتتارعا جالاقىنى ءوندىرىپ الۋ ماسەلەلەرىن تەز شەشۋگە، سوتقا جۇمسالاتىن ۋاقىتى مەن سوت شىعىندارىن ۇنەمدەۋگە مۇمكىندىك بەرەدى.

زاڭ 2020 جىلعى 8 شىلدەدە، العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ كۇشىنە ەندى.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار