ايماقتار • 06 شىلدە، 2020

ەلوردا كۇنىنە وراي جامبىلدىق دارىگەرلەر ماراپاتتالدى

31 رەت كورسەتىلدى

بۇگىن جامبىل وبلىسىنىڭ اكىمى بەردىبەك ساپارباەۆ ەلوردا كۇنىنە وراي بەينەبايلانىس رەجيمىندە وڭىردەگى مەديتسينا قىزمەتكەرلەرىمەن كەزدەستى. جيىندا بەردىبەك ساپارباەۆ سالا ماماندارىنا كوروناۆيرۋس ىندەتىمەن كۇرەس كەزىندەگى ادال جانە قاجىرلى ەڭبەكتەرى ءۇشىن العىس ءبىلدىرىپ، استانا كۇنىمەن قۇتتىقتادى، - دەپ حابارلايدى Egemen.kz

"بۇگىنگى مەرەكە – قازاقستان رەسپۋبليكاسىنىڭ جەتىستىكتەرىنىڭ جەمىسى دەسەك ارتىق ايتپايمىز. نۇر-سۇلتان قالاسى حالقىمىزدىڭ دوستىعى مەن بىرلىگىنىڭ كەپىلى، مەملەكەتتىڭ جاڭارۋى مەن تاۋەلسىزدىكتىڭ نىشانىنا اينالدى. ەلوردا – بارلىق قازاقستاندىقتاردىڭ ماقتانىشى مەن مەرەيى. وسىناۋ مەرەكەدە ءبىز مەديتسينا قىزمەتكەرلەرىنىڭ ەلەۋلى ەڭبەگىن ەسكەرۋسىز قالدىرا المادىق. ەلىمىزدىڭ ءاربىر تۇرعىنىنىڭ دەنى ساۋ جانە باقىتتى عۇمىر كەشۋىن تىلەيمىز. ءار وتباسىدا اماندىق ورناپ، ەلىمىز گۇلدەنە بەرسىن"، - دەدى اكىم.

باسقوسۋدا 10 مەديتسينا قىزمەتكەرى مەملەكەتتىك وردەندەرگە، مەدالدارعا جانە العىس حاتتارعا يە بولدى. اتاپ ايتساق، "پاراسات" وردەنىمەن وبلىستىق كوپبەيىندى بالالار اۋرۋحاناسىنىڭ دارىگەر-ەپيدەميولوگى گۇلفايرا مىرزابەكوۆا، "قۇرمەت" وردەنىمەن وبلىستىق كوپسالالى بالالار اۋرۋحاناسىنىڭ ينفەكتسيونيست-دارىگەرى ەلەنا پاك ماراپاتتالدى. ال، "ەرەن ەڭبەگى ءۇشىن" مەدالى وبلىستىق ورتالىق اۋرۋحانانىڭ جۇقتىرىلعان يممۋن تاپشىلىعى سيندرومىنىڭ الدىن الۋ جانە ونىمەن كۇرەس جۇرگىزۋ جونىندەگى ينفەكتسيونيست-دارىگەرى گۇلنارا بايداۋلەتوۆا، وبلىستىق كوپبەيىندى بالالار اۋرۋحاناسىنىڭ ينفەكتسيونيست-دارىگەرى  ەلەۋسىز قايىنباەۆ، وبلىستىق مەديتسينالىق جەدەل جاردەم ستانساسىنىڭ اۋداندار بويىنشا اعا فەلدشەرى مارينا وۆاچەنكو جانە وبلىستىق مامانداندىرىلعان وڭالتۋ ورتالىعىنىڭ باس مەدبيكەسى فاريدا ۇسەنباەۆا سىندى ماماندارعا تابىستالدى. سونداي-اق، "شاپاعات" مەدالىمەن عىلىمي-كلينيكالىق كارديوحيرۋرگيا جانە ترانسپلانتولوگيا ورتالىعىنىڭ رەانيماتولوگ-دارىگەرى الماس الىبەكوۆ، وبلىستىق كوپبەيىندى بالالار اۋرۋحاناسىنىڭ ەپيدەميولوگى بەكبولات كەڭەسباەۆ، ال، قازاقستان رەسپۋبليكاسىنىڭ قۇرمەت گراموتاسىمەن عىلىمي-كلينيكالىق كارديوحيرۋرگيا جانە ترانسپلانتولوگيا ورتالىعىنىڭ رەانيماتولوگى داۋرەن نارباەۆ، وبلىستىق كوپبەيىندى بالالار اۋرۋحاناسىنىڭ  ينفەكتسيونيستى ليزا تۋرگانوۆا ماراپاتتالدى.

ءوز سوزىندە ەلەنا پاك بۇگىندە بۇكىل الەم قاۋىپتى ۆيرۋسپەن كۇرەسۋدە ەكەنىن، الايدا دارىگەرلەر ەشقانداي قيىندىقتار مەن قاۋىپ-قاتەرلەرگە بوي بەرمەۋدە ەكەنىن ايتا كەلىپ، اق حالاتتى ابزال جانداردىڭ ەڭبەگىن باعالاعان بيلىك وكىلدەرىنە العىسىن جەتكىزدى. ول وسى مۇمكىندىكتى پايدالانا وتىرىپ، تۇرعىنداردى كارانتين رەجيمى مەن بارلىق سانيتارلىق تالاپتاردى ساقتاۋعا شاقىردى.

ال گۇلفايرا مىرزابەكوۆا قازىر مەديتسينا قىزمەتكەرلەرىنە وڭاي ەمەستىگىن اتاپ ءوتتى. وكىنىشكە قاراي، كۇن سايىن ناۋقاستار سانى كوبەيىپ كەلەتىندىگىن ايتا كەلىپ، تۇرعىنداردىڭ ۇيدە بولۋى جانە وتباسىلىق مەرەكەلەردى ۇيىمداستىرماۋى كەرەكتىگىن جەتكىزدى.

 

جامبىل وبلىسى

 

سوڭعى جاڭالىقتار

ۇقساس جاڭالىقتار