قوعام • 17 ماۋسىم، 2020

مەملەكەتتىك قىزمەت سالاسىندا وزگەرىس كوپ

28 رەت كورسەتىلدى

استانا مەملەكەتتىك قىزمەت حابى كورەيا رەسپۋبليكاسىنىڭ پەرسونالدى باسقارۋ مينيسترلىگى جانە قازاقستاننىڭ مەملەكەتتىك قىزمەت ىستەرى اگەنتتىگىمەن بىرلەسىپ پاندەميا كەزىندە مەملەكەتتىك قىزمەت سالاسىندا بولعان سوڭعى وزگەرىستەردى تالقىلادى.

ونلاين فورماتتا وتكەن كونفەرەنتسياعا حابقا قاتىسۋشى ەلدەردىڭ جانە باسقا مەملەكەتتەردىڭ ۋاكىلەتتى ورگاندارىنىڭ، قاۋىمداستىقتاردىڭ، اكادەميالاردىڭ، ۋنيۆەرسيتەتتەر مەن ينستيتۋتتاردىڭ، سونداي-اق حالىقارالىق ۇيىمداردىڭ وكىلدەرى قاتىستى.

ءىس-شارادا پاندەميا الەم ەلدەرىنىڭ بيلىگى ءۇشىن ناعىز سىناق بولعانى، داعدارىستان شىعۋ جولدارىن قاراستىرۋدا، زارداپ شەككەن سالالاردى قايتا قالپىنا كەلتىرۋدە مەملەكەتتىك سەكتور شەشۋشى ءرول اتقاراتىنى، وسى رەتتە مەملەكەتتىك باسقارۋدىڭ تيىمدىلىگى اسا ماڭىزدى ەكەنى قوزعالدى.

ساراپشىلار قازىرگى مەملەكەتتىك قىزمەتكەرلەردىڭ جۇمىسىنا ەداۋىر اسەر ەتكەنىن ءبىراۋىزدان راستادى. ولاردىڭ ايتۋىنشا، ادەتتە كوپشىلىك ءداستۇرلى قاعازباستىلىقپەن بايلانىستىراتىن قىزمەت ءتۇرىنىڭ قاشىقتان جۇمىس ىستەۋگە ءوتۋى كوپ ەلدەر ءۇشىن جاڭالىق بولدى. بۇل رەتتە قاتىسۋشىلار وڭتۇستىك كورەيا، ۋكراينا، وزبەكستان جانە قازاقستاننىڭ تاجىريبەسىنە توقتالىپ، جەتىستىكتەرى مەن قاتەلىكتەردەن ۇيرەنگەن ساباقتارىن ايتىپ بەردى. ءىس-شارادا، سونداي-اق مەملەكەتتىك قىزمەت سالاسىندا ادام رەسۋرستارىن باسقارۋداعى پروگرەسسيۆتى، ءتيىمدى ءارى يننوۆاتسيالىق قۇرالداردى قاراستىرۋ، جاھاندىق دەڭگەيدە تاجىريبە مەن ءبىلىم الماسۋعا ىقپال ەتۋدى جانە وسى سالادا ىنتىماقتاستىق پەن سەرىكتەستىكتى كەڭەيتۋ ماسەلەلەرى ءسوز بولدى.

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار